Giidaheechta 21:4 - Bibliyeeda Ghaydit

⁴ ak gaygoobuus giliwas dabeaka aba gheanyanga nyaawa, ak ea maygudu gwanda miyeeda, ghana giiseaneega ghana shooka ghana sawanadeeda, maygudugwanda aba gideaba, ng'asheega madeeda goola ghang'ata.”

NEAJEEDA EESH BEA BUUNEESSEAN

⁴ ak gaygoobuus giliwas dabeakka aba gheanyanga nyaawa, ak ea maygudu gwanda miyeeda, ghana giiseaneega ghana shookka ghana sawanadeeda, maygutgwanda aba gideaba, ng'asheega madeeda goolla ghang'atta.”

Giidaheechta 21:4 Referans Kwoze

ISAYA 25:8

Ak gaygageanda miyeeda damanda manda muudeanooda, NG'UTAMIIDA was ASEETA gaygoobuus dabeaka mida gheanyanga sean, nea gageanda baspaseega fugaaschi aba badayda ng'eanyiisean, aba gideaba nih gwarugu NG'UTAMIIDA.

Giidaheechta 7:17

Aba gideaba Dayeeneanji bea Gisilleanda mida bugusta hoorgeeda gheambalmeedean gayghoah jeagiischoocheanda nyaawa, ak gaygoodoobiiwseegwa gheang'deenda mida beega mideawa eaweega; ak ASEETA gaygoobuus dabeaka sean mida gheanyanga nyaawa.”

1 Goriinto 15:26

Weajoocheanda huuydean jea eejakta miyeeda gil.

ISAYA 60:20

Ak ASEATAANG'U ea maygutgamikta, nea eara sheadaang'u ea maygamikta, aba gideaba NG'UTAMIIDA gayghoah weeshindaang'u damanda manda muudeanooda, ak askwearjoojigaagu jea gutuuni heareega gaygoosha.

ISAYA 35:10

Ak fuga adaw NG'UTAMIIDA lealeanooda gaygabiigu, gayghapka Sayuni nea gwasarman aba hooseaneega manda muudeanooda, ak gaygwandeawa hooseaneega ea ng'weelooda, ak ea maygwanda gurmeahiida ea shooka.

1 Yohaana 2:17

Ak ng'eanyiida gayghang'ata sea ng'asheagaaschi bea geawunda gheang'da; nea deasina gidagasiida ASEETA gaygoobiida ea ghoah damanda manda muudeanooda.

ISAYA 51:11

Nea gea atin NG'UTAMIIDA gaygabiigu, ak gayghapka Sayuni nea gwasarman; gaygaba hooseaneega manda muudeanooda; gayghwanyas ghweelmeeda ea hooseaneega, ak ea maygwanda gurmeahiida ea geeyooda.

YEREMIYA 31:13

Hean gahoosan haweega nea ghang'was, nea eara gheareemanga ea gweargwa gahoosan, aba gideaba gaydayam giinyahuushooda nyaawa ghoah hooseaneega ak gaydaahaawda saawa, nea ghaadawji saawa hooseaneega nea geageandeawi gurmeahiida.

Mattayo 24:35

Humng'eeda ea ng'eanyiida gayghang'ata, amaduuku ng'asheegeasu ea mayghang'ata earahay.

ISAYA 30:19

Ea fuga Sayuni, abiita Yerusalemu, maygudu abiikta ooyeawda. Aba huumwa gayghabwaydaneey muuchi aba nyeashta shookaagu, inyas ghwayiiy gayghwasha ghuutaang'u.

Giidaheechta 21:1

Hean ghaadaayi humng'eeda eesh ea ng'eanyiida eesh; aba gideaba humng'eeda madeeda ea ng'eanyiida madeeda goola ghang'ata, ak basooda ea mudugwanda.

Giidaheechta 20:14

Hean geejaksa miyeeda ea Gheeda maloonghajeega jeedeaba basoodida bea beastean. Nea nih ea miyeedeaba iyeenya gil, basooni bea beastean;

ISAYA 61:3

Ak ghaadawji fugiga ayeawdean aba Sayuniin– shiipka deakghweeda gawa hoorgeeda deareeda, ea nagheeda ghweelmeeda aba hoorgeeda giinyahuushooda, eaghwada gwarsiinda gawa hoorgeeda guroorooda durumwana ak saawa gajeeguura sawacheeka doobiiweadi ghayi ng'aapta NG'UTAMIIDA aba gideaba eakghaambiit.

Giidaheechta 22:3

Ak ea maygudugwanda gilinyoo ea mooshteayda gil, nea hoorgeeda gheambalmeeda bea ASEETA ea dea Dayeenda Gisilleanda gaygwanda jeadaanyi, nea soomjoagaaschi gayghoaghadoawan niny,

2 Betro 3:10

Nea eaweeda Ng'utamiida gay ghwahitaayda mareanghweanda, aba eaweedida gay ghwaroat humng'eeda aba nyeashta haw, nea haleanjeeda sean ghayi bea mwadi gayghwanyar aba jeeda beasta, nea ng'eanyiida ea gadiyoojigaaschi mideawa gajeaghwarda goosha.

1 Goriinto 7:31

nea fugiga mideawa gadiyeeda aba jeeda ng'eanyiidean ea dawuurji fuga masina gil. Aba gideaba haleanjeeda muunda ng'eanyiida gay ghang'ata.

HOSEYA 13:14

Ak gaydalealna saawa jeeda uurda gheeda miyeeda? Gaydalealna jeeda miyeeda? Ea gheeda maloonghajeega, gwanda yeenu bayiigaagu? Ea gheeda miyeeda, gwanda yeenu nyarjeawdaang'u? Baydeayda sifunya gheanyangeasu.

NYIIGHEEGA 144:4

Siida gawuurji jeameeda, nea askwearjoojigaaschi gawuurji jirooneeda ng'ata.

2 Goriinto 6:17

Asi arinana jeenyaawa, ak gooheeleewi geat saawa gwarugu Ng'utamiida, ak ea adoang'waanyi gida mideawa ririnnyeanda; ak abeeda gaydaadeagwa ghoah.

YEREMIYA 31:12

Ak gayghapka ak gwasarman aba ghuuta haw aba uhuuda giijeeda Sayuni, nea geesalsa alooheeda NG'UTAMIIDA, ak booga, ea difaayi, ea nagheeda, ea dayeega manang'i bea gisilga, ea muhooga, ea gurooruunatka nyaawa gaygawuurji boostaaneeda siyiin beega ak ea maygut ghang'ut gurmeahiida.

2 Goriinto 5:17

Nea siida iimida jeeda Gristo, ea niiw siideesh; haleanjeedeaba garayi ning'ata, ng'ula, nihidu haleanjeeda eeshish.

Ebraniya 12:27

Ng'asheanji bea gideaba, “Gaydabiikta gichean,” ghoahiimu geandeayda gissiituumduum, was gidaghayi sisin, ak abeeda geapuut gidida mwoamu eetuumduumiin.

Giidaheechta 20:13

Gooruudu basooda fuga nimeewa mida jeadaanyi, ak gooruudu miyeeda ea Gheeda maloonghajeega fuga nimeewa mida jeadaanyi, ak geergweaksiina sean gidaghayi nisin.