Giidaheechta 21:22 - Bibliyeeda Ghaydit

²² Ak ea mwaadaahi, gheeda sibata ASEETA aba mujiini, aba gideaba gheenyaawa sibata ASEETA Ng'utamiida was ASEETA Hoauur ea Dayeenda Gisilleanda.

NEAJEEDA EESH BEA BUUNEESSEAN

²² Ak ea mwaadaahi, gheeda sibatta Aseetta aba mujiini, aba gideaba gheennyaawa sibatta Aseetta Ng'uttamiida was Aseetta Hoauur ea Dayeenda Gisilleanda.

Giidaheechta 21:22 Referans Kwoze

Yohaana 4:23

Ak ghamneawa ghwaan damanda, nea damanda gwanda, nea fuga ghadoawan bea huumwa gayghadoawan Bwaabwa aba guroorooda ea huumwa, aba gideaba Bwaabwa gagaseadayi ghaghadoawan fuga sunu.

2 DAMANYOOJIGA 2:6

Ak gajea ng'eaha siichea ghoamu gwadeeksa gheeda aba gideaba humng'eeda moamu ghoahiit niny, ghana humng'eeda sheagi? Ak aniini ghaawaschi ng'eaha ea daamu dadeeksa niny gheeda, jea dagwardeaysa niny hideeda.

1 SUGOODIGA 8:27

“Ghamneawa ASEETA ghoamu goobiida badayda ng'eanyiida? Ng'ula, humng'eeda ea humng'eeda sheagi moamu ghoahiinyi; ak gaygawuurjiin gheawi mwanang' aadeaschiin!

Giidaheechta 1:8

“Aniini geawooschi Alfa ea Omega,” dea madeeda ea dea huuydean, aba ginyah Ng'utamiida was ASEETA, dea mida ea dea bean gwanda ea dea jea ghwahidu, was ASEETA mideawa uurda.

Giidaheechta 16:7

Ak ghaayiinyi heeda wagiida nea gooyeawda, nea gwayi, “Huumwa gil Ng'utamiida was ASEETA mideawa uurda, girgweaguutkaagu huumwa gil nea ghwadoabiiw!”

Giidaheechta 5:6

Hean ghaadaayi aba dageascheeda hoorgeedida bea gheambalmeedean ea diyeangiga majeekcheewi asang'waniin ea bugusteaba gweargiga, ghamiinaada Dayeenda Gisilleanda, nea gawuurji gili silach gheata, nea gaba gujaw ispwa ea gheanyan ispwa, nea Gurooruunat ispwa bea ASEETA gil siicheakta gaweay ng'eanyiisean;

Golosaayi 2:9

Aba gideaba headaanyi gwanda hidooda sean bea ASEETA nea goobiida badaydaanyi.

Yohaana 4:21

Gwayeesha Yesu gatmoodida, “Iya, mwasaan, ghwaan damanda jea ea majaghadoawana Bwaabwa aba uhuudeaba giijeeni, ghana hoowa bea Yerusalemuun.

ISAYA 66:1

Gwayi NG'UTAMIIDA: “Humng'eeda hoorgeedeanyu bea gheambalmeeda gil, nea ng'eanyiida ea hoorgeeda jea dayiin geeshangeasu gil; gajadeeknean gheeda uurjiin? Ak heechea dafuufa ea eenu gil?

Giidaheechta 15:3

Ak gwasarman duumda Musa, was soomjeanda ASEETA, ea duumda Dayeenda Gisilleanda, nea geeyi, “Gadiyoojigaagu isinayi ea hees nea deamdeameadi, Ea Ng'utamiida was ASEETA Hoauur! Naweadingaagu doobiiwnata gil ea huumwa, Ea Sugoocheanda gweanyeeka sean!

Giidaheechta 11:17

nea gwayeena, “Geebadiischooweey ang'iing'i, Ng'utamiida was ASEETA mideawa uurda, gindi nea gibean midana, aba gideaba nigeandi uurdaang'u haw ak giimbaliischi.

Giidaheechta 4:8

Nea diyeanga asang'wan majeekcheewiin, gaba nih bea meang'i lah, hean ghoang'wearu gang'ula meadajeega ea jih, nea askweari ea eawa ghanyea mii ghwanung'waada sarmeeda, “Dea Ghaydit, dea ghaydit, dea ghaydit, Ng'utamiida was ASEETA Haw Uri, niny dea mida ea dea bean gwanda ea dea jea ghwahidu.”

Golosaayi 1:19

Aba niny gammiisa goobiida headaanyi haleanjeeda hidaat bea ASEETA,

Yohaana 10:30

Aniini sea Bwaabwa geawooschi gilagi.”

2 DAMANYOOJIGA 6:18

“Ak ghamneawa ASEETA gayghoamu gwandeayi sea buuneeda aba jeeda ng'eanyiida? Ng'ula humng'eeda ea humng'eeda sheagi moamu ghoahiinyi; ak abeeda gay gawuurjiin gheawi eadeekneeyiin!

Giidaheechta 19:15

Ak gwarina ng'uta ng'aniip ghuutaanyi jea ghabwara eemoojiga, ak gayghoahaaghwiida saawa bileangida gharinyeanda; nea niny ghoalaapta ng'eanyi shoomanda difaayeeda bea nyarasta haw bea ASEETA Hoauur.

Giidaheechta 16:14

suh gurooruunatka meangeenda gil, sina gwadeagwajeega, inyeessa gwarita ak gaweesa sugoodiga mida giigheawda bea ng'eanyiissean, ak ghoamughuush saawa aba ng'ucheedida aba eaweeda haw bea ASEETA Hoauuriin.

Mattayo 24:2

Ghwasha niny ak gwayeesha, “Moong'uli haleanjeeni seaniin? Aba huumwa geayeeshiineegwa, manda eara lagheaneanagi jea ghoabit aba uhuudeaba niirja jea ea majeeng'adeadu.”

Giidaheechta 7:15

Ak gwanda madeeda hoorgeeda gheambalmeeda ASEETA, nea gagadiiyeesa askweari ea eawa aba jeedeaba gheanyi sibata ASEETA; ak ninyeeda apteada aba uhuuda hoorgeeda gheambalmeeda gaygookwa saawa aba gideaba gwanda hiji.

Giidaheechta 7:17

Aba gideaba Dayeeneanji bea Gisilleanda mida bugusta hoorgeeda gheambalmeedean gayghoah jeagiischoocheanda nyaawa, ak gaygoodoobiiwseegwa gheang'deenda mida beega mideawa eaweega; ak ASEETA gaygoobuus dabeaka sean mida gheanyanga nyaawa.”

Giidaheechta 14:4

Suh gea mii ghang'uda geat ririnnyeanda aba gadeemga, aba gideaba ea ghaydidi; nea suh ea gea eada geeshta Dayeenda Gisilleanda gil aba hiji weah sean; asuh ea siikghu aba jeeda buuneeda nea gawuurji haghweega madeeda aba heeda ASEETA ea Dayeenda Gisilleanda,

Yohaana 13:32

Abeeda iisiikghaambiit ASEETA aba jeadaanyi, abeeda gayghoaghaambiit niny aba jeadaanyi, ak gaybay ghoaghaambiit.