Giidaheechta 21:11 - Bibliyeeda Ghaydit

¹¹ nea gwandeawa giigheambiita ASEETA, ak weeshindaanyi gawuurji lagheaneeda haw sheayeat, gawuurji lagheaneeda mur, ak ea miyaasiin nea ghameang'meang',

NEAJEEDA EESH BEA BUUNEESSEAN

¹¹ nea gwandeawa giigheambiitta Aseetta, ak weeshindaannyi gawuurji lagheaneeda haw sheayeat, gawurji lagheaneeda mur, ak ea miyaas nea ghameang'meang',

Giidaheechta 21:11 Referans Kwoze

Giidaheechta 22:5

Ak ea maygudugwanda eaweeda; nea magasa weeshinda gheaboong'nyeanda ghana aseeta aba gideaba Ng'utamiida was ASEETA gayghoah weeshinda nyaawa, saawa gaygoombaliischi ea ghoah damanda manda muudeanooda.

Giidaheechta 4:6

nea madeeda hoorgeeda gheambalmeeda gawuurji gili mida basooda daliil oar giyo, nea ghameang'meang'. Nea gwaneaweesa hoorgeeda gheambalmeeda, aba meadajeega sean bea hoorgeeda gheambalmeeda, gwanda diyean ang'wan majeekcheewi, hean ghwanyiit gheanyanga mwadi ea bwadaw:

Giidaheechta 22:1

Hean ghoahiimnaan eenda beega mideawa eaweega, nea eesh ea ghameang'meang', nea ghwadalaalaana hoorgeeda ASEETA ea dea Dayeenda Gisilleanda,

ESEKIELI 1:22

Ak iheengeaba diyeangiga mideawa eaweegean gwanda giduurji humng'eeda, ak ghameang'meang' ea gawuurji giyo.

Giidaheechta 4:3

Nea siida apteadawa uhuuda iising'ula ghawaar lagheaneeda mur ea dea dughwaang', nea hoorgeedida bea gheambalmeedean gwaneaweesa gidaghuweang'da sheagiitka ama sing'ula ea nyawiish.

ESEKIELI 48:35

Ak geawunda sean bea ghamarda meadajeega sean asang'wan iisineaweesa gaygaba geatin sagalamnyooji damwan sis. Ak gheawunga mujiini ghang'eada eaweedida geeguura, “NG'UTAMIIDA gwanda hiji.”

ESEKIELI 1:26

Nea uhuudeaba humng'eedida mida iheenga nyaawaan, abeeda gwanda giduurji hoorgeeda gheambalmeeda, nea oormeadaanyi gameaji ea oomu, nea uhuudeaba hoorgeedida bea gheambalmeedean, gwanda gida ama sidaah gawuurji siida.

ISAYA 4:5

Nea aba heeda was giibinda sean bea giijeeda Sayuni, ea badayda fugaaschi bwatgeat, gaygwasin NG'UTAMIIDA shamooghooda ea aroosta damandeaba askweari, ea ng'ushapkeaka beasta damandeaba eawa; aba gideaba badayda giigheambiitaanyi sean gajeedukuta ak ghoahaaghwa.

AYUBU 28:17

Ak ea mwoamu eegala geat sea dahaabu ea giyo, nea mwoamu eeyamuuji sea haleanjeeda gharinga miyaasiin bea dahaabu.

Giidaheechta 15:8

ng'ata geanyiit gheeda sibata ASEETA aroosta leabu heeda giigheambiita ASEETA ea dea leabu uurdaanyi, ak ea manda eara siyagi ammu gawa jeeda gheeda sibata ASEETA ea eaghus ghwahit sawanaduutkiga asispwa bea malaykajeegiga asispwaan.

ESEKIELI 43:2

Ak ng'ula, giigheambiita ASEETA Israeli ghwahidu nea gwaleabu heeda ghayeawa. Ak nyeashtaanyi ghwanyaashta nyeashta beega saang'a, ak gaweeshiit ng'eanyiida aba giigheambiitaanyi.

ESEKIELI 28:16

Aba seang'ayda giigeakshoadaang'u, buuneeda ghwanyiit jeadaang'u ng'asheega munyas, ak ea nisini riing'eeda aba badaydeaba ng'asheanji gaydajaktaneey aba uhuuda giijeeda ASEETA aba uurda, gawuurji gida mideawa ririnnyeanda, ak ea naalaschi uhuudaang'u, ea geeruubajeanda dea sidukuta, riteawana jeedeaba lagheang'su bea beastean?