Giidaheechta 21:1 - Bibliyeeda Ghaydit

¹ Hean ghaadaayi humng'eeda eesh ea ng'eanyiida eesh; aba gideaba humng'eeda madeeda ea ng'eanyiida madeeda goola ghang'ata, ak basooda ea mudugwanda.

NEAJEEDA EESH BEA BUUNEESSEAN

¹ Hean ghaadaayi humng'eeda eesh ea ng'eanyiida eesh; aba gideaba humng'eeda madeeda ea ng'eanyiida madeeda goolla ghang'atta, ak basooda ea mudugwanda.

Giidaheechta 21:1 Referans Kwoze

2 Betro 3:13

Nea aba heeleedaanyi geamuughu humng'eedeesh ea ng'eanyiideesh mida jeeda doobiiwnata.

ISAYA 66:22

“Aba giduurjeata humng'eeda eesh, ea ng'eanyiida eesh, jea dasin, ea gichea goobiideata aba madeedeanyu gil, gwarugu NG'UTAMIIDA; ea gichea goobiideata jeacheengeagwa gil ea gheawungeagwa.

Giidaheechta 21:5

Ng'ata gwayi siidida apteada aba badayda hoorgeeda gheambalmeedean, “Ng'ula, gaydanung' gaweeriidi haleanjeeda sean.” Ak gwayi gicha, “Ng'oara ng'asheesu, aba gideaba ng'asheesu doobiiwnata gil ak ea huumwa.”

2 Betro 3:10

Nea eaweeda Ng'utamiida gay ghwahitaayda mareanghweanda, aba eaweedida gay ghwaroat humng'eeda aba nyeashta haw, nea haleanjeeda sean ghayi bea mwadi gayghwanyar aba jeeda beasta, nea ng'eanyiida ea gadiyoojigaaschi mideawa gajeaghwarda goosha.

Giidaheechta 20:11

Hean ghaadaayi hoorgeeda haw eesh bea gheambalmeeda ea siida apteadawa uhuuda; nea madeadaanyi gamng'aw ng'eanyiida ea humng'eeda, ak ea meadaaha heeda jea goobiida.

ISAYA 27:1

Ak eaweedida NG'UTAMIIDA gaygageanu ng'utaanyi ng'waan, majeek, haw ak ghwalas uhuudeaba ichiboodida deambiiri siguura Lewiatani, ak gayghabwar Lewiatani ichiboodida hala geaw abiita jeeda basoodean.

DANIELI 7:3

Ak gwardu diyeang'su hees ang'wan aba jeeda basooda, nea gwaheeli.

Giidaheechta 13:1

Hean ghaadaayi diyeayda nea ghwadaambiir aba jeeda basooda, nea gwandeawa gujaw damanamughuush ea iheeni ispwa, ak gwanda shiip damanamughuush uhuuda gujakaaschi ak gwandeawa gheawunga giing'weaka aba iheenga gujakaaschi.

ISAYA 57:20

Ak fuga munyas seara gawuurji basooda aluuja laweajajeagaaschi, ak ea mayghwasiinda, ak beagaaschi gooruudu sheang'weeda ea ririnnyeanda.

ISAYA 51:11

Nea gea atin NG'UTAMIIDA gaygabiigu, ak gayghapka Sayuni nea gwasarman; gaygaba hooseaneega manda muudeanooda; gayghwanyas ghweelmeeda ea hooseaneega, ak ea maygwanda gurmeahiida ea geeyooda.

Ruumi 8:21

aba gideaba haleanjeeda sean weelweel gay ghwanyas giibaldeaba geat ak geegeandeawa jeeda giing'oonyaneanduumeeda eadu nyariida, ak geanung' ghwanyas giibaldeaba geat bea giigheambiita diibiga ASEETA.

Giidaheechta 6:14

hean geenung' ghwaroat humng'eeda ea gawuurji gitaabooda simughut, nea giliwas giija ea ng'eanyiida neaweesa beega gajeanung' ghang'amwa heeda mida.