Giidaheechta 20:9 - Bibliyeeda Ghaydit

⁹ Hean ghwascheang'da gaweay badayda ng'eanyiida ak geeneaweesa gealga fuga ghaydidi ea mujiineedida sibwariiyiin; hean ghwararang'aan beasta leabu humng'eeda ak ghwaak saawa,

NEAJEEDA EESH BEA BUUNEESSEAN

⁹ Hean ghwascheang'da gaweay badayda ng'eanyiida ak geneaweesa gealga fuga ghaydidi ea mujiineetta subwariiyiin; hean ghwararang'aan beasta leabu humng'eeda ak ghwaak saawa,

Giidaheechta 20:9 Referans Kwoze

ESEKIELI 38:16

Ak gaydiyeada weesiina fugeasu was Israeli, ak gaywuurjeewana shamooghooda dukuta ng'eanyiida, nea muudeanooda eaweedida gaydeaneey ng'ucheewana ng'eanyiideanyu. Ak ghwanalan eemoojiga gideaba geajeakneey ang'iing'i Gogu nea ghoahiimu ghaydidandaang'u aba madeenyaawa.

ESEKIELI 39:6

Ak gaydanung' gawa beasta ng'eanyiida Magogu, ea heeda fuga sean abiitpiit nea gaba seayu aba ng'eanyiida ghuuta basooda. Ak gayghwanal gideaba geawooschi NG'UTAMIIDA.

ESEKIELI 38:22

Ak gaydalas niny aba dawni, ea foojeanda, nea ghaanung' ghwaroabwan roopta guldeayda ea roopta lagheanga hees muuchi, ea beasta ea giikayda gwanda badaydaanyi ea lugoadaanyi ea fuga eemoojiga saang'a mideayi sea niny.

ESEKIELI 38:9

Ak gaydiyeada ak gihitaaydi shaarara nea gajuurjeewana shamooghooda dukuta ng'eanyiida, ang'iing'i ea lugoadaang'u sean, ea eemeeda saang'a indeayeewi.

2 Desaloniikke 1:8

nea ghawalda mureandooda masisiina mureeda giijasta miy bea Ng'utamiideanya was Yesu.

NYIIGHEEGA 106:18

Ak ghwayeat beasta aba jeeda fuga nyaawa bwat geat; ak ghwaak ng'ushapta beasta fuga munyas.

NYIIGHEEGA 97:3

Madeadaanyi goosheeda beasta ak ghwalas uhuuda weajoodigaaschi aba meadajeega sean.

Giidaheechta 13:13

Ak gwasin gwadeagwajeega hees, nea iissa ghwanung' ghwararang'aana beasta humng'eeda ak ghwahidu ng'eanyi madeeda buuneeda;

Giidaheechta 11:5

Nea siida iigasa gwasawan saawa, gwarina beasta ghuusiga nyaawa ak ghwaak weajoodiga nyaawa. Ak ghoamu ghwayam beega ghoah foojeanda, nea iigasa gayghwalas ng'eanyiida aba giliwas lasita.

Lukka 17:29

muchu eaweeda riteawa Lutu Sodomean ghoaptu beasta wunda roopta leabu humng'eeda ak ghwalas uhuudeaba sean–

Lukka 9:54

Daah ginealangaaschi was geaba Yakobo ea Yohana gwayeesha, “Ng'utamiida, gigasayi eeguursiina beasta jea gwaleabu humng'eeda ak gwaduulu fiisu?”

ISAYA 37:36

Hean gawa malaykajeanda NG'UTAMIIDA ak ghabwar fih sagalamnyooji bughala ea seedam ea muut, aba heeda mida fuga Ashuru; ghang'eat ng'eat buuneeda nea gudea sakteayda duu gil, geadaah muscheeka sean bea buuneeda.

IITOODA 16:35

Ak gwashuubean beasta leabu heeda NG'UTAMIIDA, ak ghwalas uhuuda fuga nyiit bughalaji iyeenya ea haradam ea damanamughuush ghwarda hideedean.

IITOODA 11:1

Iimuchu ghoang'eat buuneeda giiniikghta, ak gwarugu ng'asheega munyas ak ghwayiiy NG'UTAMIIDA; hean iiy NG'UTAMIIDA ng'asheesu, hean ghwanyareas; ak ghwayeat beasta NG'UTAMIIDA aba badahuuka nyaawa, ak ghwaak ea gooneaweesa muudeanooda museasooda.

Ebraniya 13:13

Asi eeweaya mwadi heeda mida aba jarooda was murdeeda gambiini, ak geeguuyeesi baspaseegaaschi ghayi ahang'waay.

HABAKUKI 1:6

Aba gideaba aniini gaydaadaw fuga Galdayo uurda, eemeedida ng'weani biissa ea asasiin, sik jeeda ng'eanyiidean, ak ghoang'waay ng'eanyoojiga mawoosa gea nyaawa.

MIKA 2:13

Dea jea ghwajaat naweeda gaygwadiyeada gawa madeanyaawa; gajeenyarja ak geeweay eesik ghuuta dooshta, ak geeweay jarooda. Ak ghang'ata sugoocheanda nyaawa nea gwanda madeanyaawa, NG'UTAMIIDA nyaawa gwanda mwadi.

ISAYA 30:33

Aba gideaba heechea ea ghwardaawa sugoocheanda Ashuru goola eesin garayi; nea shoomanda gidahaw gil, ak aahaw jih ak beasta gwanda ea ghweenga aasaang'a, ak gayghaghuut NG'UTAMIIDA aba Giisiimeandaanyi uurji eenda gulda.

2 SUGOODIGA 6:15

Sakteayda nea gudea duw nea gwarita jarooda siida gadiyeeda siida ASEETA. Ghwadaa lugooda buuneeda, ea faraasajeega ea mutukwajeega, nea nineaweesa mujiineedida. Ghwalamda siidaanyi bea gadiyeeda ak gwayeesha, “Eamuy deanya siideanyu haw gajeesna naaha?”

GIING'EETA 19:24

Hean ghwanung' NG'UTAMIIDA ghwaroabwan roopta ea lagheanga beasta abina humng'eeda heeda NG'UTAMIIDA ak gwaroobassa Sodoma ea Gomora;

Lukka 21:20

“Asi iyoadaayi mujiineeda Yerusalemu nea nineaweesa lugooda, abeeda anala gideaba nineekiit nyaroadaanyi.

Lukka 19:43

Aba gideaba gayghwahidu eaweeda jea gooneaweeseey weajoodigaagu, gajeeneaweeseey ak geebeasheesinaneey meatkwajeega sean,

GIIPKEATA DIIGHEANDA 23:14

Aba gideaba NG'UTAMIIDA was ASEATAANG'U iissa gwaneayeesa jeeda museasoodeang'wa, ak ghaweadeagwa ak ghwayiin weajoodigeagwa madeedeang'wa, asi gagasa museasoodeang'wa ea ghaydit, ak abeeda ea mwadaaha gida wassean muy aba jeedeang'wa, ak gwanung'useegwa heeda.

NYIIGHEEGA 87:2

NG'UTAMIIDA ghabwariiy gidaghuudajeega Sayuni ea ghang'al hoorgajeega sean abiita Yakobo.

AYUBU 38:18

Heapi ginali giteena hawunda ng'eanyiida rukuni heapi iinali suh seaniin?