Giidaheechta 20:8 - Bibliyeeda Ghaydit

⁸ ak gayghwahidu ak gwareengani eemoojiga mida murdajeega asang'wan bea ng'eanyiida, ak ea, Gogu gil ea Magogu, ak ghoawaam saawa aba ng'ucheeda; nea mooneeda nyaawa gwadeena iseaskweanda basooda.

NEAJEEDA EESH BEA BUUNEESSEAN

⁸ ak gayghwahidu ak gwareengani emoojiga mida murdajeega assang'wan bea ng'eanyiida, ak ea, Googu gil ea Magoogu, ak ghoawaam saawa aba ng'uchcheeda; nea monneeda nyaawa gwadeenna iseaskweanda basooda.

Giidaheechta 20:8 Referans Kwoze

Giidaheechta 16:14

suh gurooruunatka meangeenda gil, sina gwadeagwajeega, inyeessa gwarita ak gaweesa sugoodiga mida giigheawda bea ng'eanyiissean, ak ghoamughuush saawa aba ng'ucheedida aba eaweeda haw bea ASEETA Hoauuriin.

ESEKIELI 38:1

Hean goobaloolan ng'asheanda NG'UTAMIIDA nea gwayi:

Giidaheechta 20:10

ak geejaksa meang'nyeandida reengani saawaan jeeda basooda beasta ea giikayda heeda mida diyeaydida ea sibaneeda ng'uyyeega, ak gajeesawan askweari ea eawa ea ghoah damanda manda muudeanooda.

Giidaheechta 20:3

ak gwajaksa niny jeeda shoomanda, hean gwadukuta ak ghwayiin giirooraneeda badaydaanyi, aba gideaba maygabiikta gicha gwareengani eemoojiga, ea ghang'ata gweanyeew sagalama. Amang'ata hiji gajeetin gilinuwaas.

Ebraniya 11:12

Iidu aba hichpa siyagi miy nea gawuurji gilinimi, ak geeji jeata saang'a deena miinga humng'eeda ak gwadeena iseaskweanda ghuuta basooda.

YEREMIYA 33:22

Aba giduurjeata lugooda humng'eeda, mwoamu eeyiida, ghana iseaskweanda basooda mwoamu eeteen, asi ea gichea daahaata jeata Dawdi gil was siideanyu bea gadiyeeda ea fuga Lawi gadiyeesean.”

ISAYA 10:22

Aba gideaba earapeadi fuga Israeli aasaang'a ea gawuurji iseaskweanda ghuuta basooda, gaygabiigu fiisu ng'ay. Aba gideaba gajealas uhuuda, nea gajeesin aba doobiiwnata.

1 SAMWELI 13:5

Ng'ata ghabwat geat fuga Filisti gang'uchi sea Israeli, nea gwandeawa mutukwaji sagalamnyooji diktam ea damanamughuush, ea fuga faraasajeega sagalamnyooji lah, ea lugooda deena iseaskweanda ghuuta basooda aba seang'ayda; ghapka ak gooduuw aba Mikmashi, ea ghwahita gayeewda Bet-afeni.

FUGA LAJA GIRGWEAGUUTKA 7:12

Nea fuga Midiyani, ea Amaleki, ea fuga ng'eanyiida ghayeawa ea niiduuw aba moangoachi, gawuurji deashamga aba seang'ayda nyaawa, nea ngamiyajeega nyaawa ea manda mooneeda nyaawa, geegala iseaskweanda ghuuta basooda, aba seang'ayda nyaawa.

1 SUGOODIGA 4:20

Yuda ea Israeli ea saang'a ea gwadeena iseaskweanda ghuuta basooda; hean gweagiischi nea gwaleeshi nea gahoosan.

ESEKIELI 7:2

“Ea orjeeda siida, eeshiina fuga ng'eanyiida Israeli gideaba gwayi NG'UTAMIIDA was ASEETA. Ghamneawa huuydeanda gil nihita huuydeanda ng'eanyiisean, ghang'eada meadajeega sean asang'wan.

ESEKIELI 38:2

“Ea orjeeda siida, yamsiina geaw Gogu bea ng'eanyiida Magogu, was siida haw bea Roshi, ea Mesheki, ea Dubali ak giramoorsi niny.

ESEKIELI 39:1

“Ak ang'iing'i, Ea Siida, ramoora aba badayda Gogu, nea giyeeshi gwayi NG'UTAMIIDA was ASEETA, ng'ula, gajeedeaha geat. Ea Gogu was siida haw bea ng'eanyiida Roshi, ea Mesheki ea Dubali.

ESEKIELI 39:6

Ak gaydanung' gawa beasta ng'eanyiida Magogu, ea heeda fuga sean abiitpiit nea gaba seayu aba ng'eanyiida ghuuta basooda. Ak gayghwanal gideaba geawooschi NG'UTAMIIDA.

Giidaheechta 7:1

Iing'ata suh ghaadaayi malaykaji ang'wan nea ghamiinaada aba murdajeega asang'wan bea ng'eanyiida, nea ghwadeal jeameeda leabu murdajeega asang'wan bea ng'eanyiida, aba gideaba ea mwaghuuna jeameeda aba badayda ng'eanyiida, ghana aba jeeda basooda ghana ghaghuut geeta wassean.

Giidaheechta 12:9

Ak geejaksa ng'eanyi hararjoodida haw was ichiboodeaba garayiin, siguura Meang'nyeandeenda ea Shataani, was dea reengani ng'eanyiisean, ak geejagu badayda ng'eanyiida, ak eara malaykajeagaaschi geehisu ghapka ng'eanyi sea niny.

2 DAMANYOOJIGA 18:21

Ng'ata gwayeesha, ‘Gaydang'eat dawa ak gaydoaw guroorooda ng'uyeega aba ghuusiga sibangaaschi sean.’ Ng'ata, ‘Gayreengana niny, ak gaynyagaada; una ak giidoabiiwdunu.’