Giidaheechta 2:13 - Bibliyeeda Ghaydit

¹³ “‘Ghaanali heediibiiti, heeda mida hoorgeeda gheambalmeeda Shataani gil; ak ang'iing'i ea niing'waanyi muuchi gheawungeasu, ak ea mii heawana masaweegeasu eara damandida bea Antipa was muuwshoocheandeanyuun, was siideanyu doabiiwaat, sinuuksa bugusteang'wa, was heeda abiita Shataaniin.

NEAJEEDA EESH BEA BUUNEESSEAN

¹³ “Ghaanalli heediibiitti, heeda mida hoorgeeda gheambalmeeda Shattaani gil; ak ang'iing'i ea ning'waanyi muuchchi gheawungeasu, ak ea mii heawana masaweegeasu eara damandida bea Antiippa was muuwshoocheandeanyuun, was siideanyu doabiiwaat, sinuuksa bugusteang'wa, was heeda abiitta Shattaaniin.

Giidaheechta 2:13 Referans Kwoze

1 Dimotteo 5:8

Gili was sih mwaghamwada fugaaschi was fugeaba gheanyi niheawa masaweega, ak gamunyiit ea ghang'al siida mandeawana masaweega.

Giidaheechta 3:11

Gaydahidu nea ghaalamwajaanyi; ang'waanya muuchi gida indeawi, ak ea mooreanyi sih shiipkaagu.

2 Dimoteo 2:12

Nea iisimilikghiti, gajeembaliischeena sea niny, Nea iisiheawi niny, niny earada gay ghaheawaneasa.

Gadiyeeda Giijasoodiga 22:20

Eara damanda ghayi siihiidaawa foojeanda muushoocheandaang'u siguura Stefano, abeeda geandi heeda ak ghaadaayi aba heedeanyu gideaba ng'asheandida ghwadoabiiw, ak geefurji hang'weakeaba fugiga nuusiin.’

Giidaheechta 14:12

Hiji heeda mida giihang'ooyda fuga ghaydidi gil, nea fuga ang'waay digheanyeeka ASEETA gil ea masaweega Yesu.

Giidaheechta 3:3

Asi apkaada gidaghayi inyasi ea gidaghayi iiyiinyi; asi ang'waanya gidida, ak giduukuuni. Ak iimiing'wearni gaydahitaayda mareanghweanda, ak ea maynala damanda jea dahina headaang'u.

Giidaheechta 2:2

“‘Aniini ghaanali gadiyoojigaagu, ea sawanadeadaang'u ea milikghteaydaang'u nea giihang'waanyi, ea gida miimuustani milikghta fuga munyas iissa ginyo ghanyi sima fugiga guura geat giijasoodiga nea mawoosean, ak gidaahi gideaba gaba ng'uya;

Ebraniya 10:23

Gagasa eang'waanya muuchi duukuunooda sirarji nea mwabealbeala, aba gideaba siida rugu nea gooheeleesi ea doabiiwaat;

2 Dimoteo 1:13

Ang'waanya gidahiimu ng'asheega mideawa eaweega ghayi iyiing'si heedeanyu, aba masaweega ea bariinyeega mida jeeda Gristo Yesu.

Mattayo 24:9

“Iimuchu gheeda gajealaabeagwa bwadaw eesawaneegwa amadu geenuuseegwa; gayghwasteagwa Eemoojiga sean aba badaydeanyu aba gheawungeasu.

Yakkobo 2:7

Nea marukunana ng'asheega munyas gheawungiga miyaasiin ghayi sigooneegwean?

Ebraniya 3:6

nea Gristo ea doabiiwaat aba jeeda gheeda ASEETA nea gawuurji baleanda. Ak geewooschi gheanyi iisiing'waanyi muuchi gidida sisikteawiin nea geaghwarji gidida sirarjiin.

1 Desaloniikke 5:21

asimsima haleanjeeda sean; ak ghoang'waanyi ng'asheanda miy,

Gadiyeeda Giijasoodiga 9:14

ak ghamneawa gwandeawa gheambalmeeda adaw ashoohoodiga hees bea gideaba gayghoang'waay ak gwajaksa ghealooniga fuga ruku gheawungaagu.”

Lukka 21:17

ak agooga gajeesteagwa aba gheawungeasu.

Mattayo 10:23

Iighabwaaseagwa buuneeda aba mujiineani, goomng'awsi mujiineanuut. Aba huumwa geayeeshiineegwa majaduulni mujiinajeega ng'eanyiida Israeli nea miighwahidu Orjeeda Siida.

Mattayo 4:10

Hean gwayeesha Yesu, “Ng'amwana hiji Shataani! aba gideaba geang'waar, ‘Ghadoawana Ng'utamiida was ASEATAANG'U ak gibwadi niny nea gaba geaw.’”

Giidaheechta 1:5

biissa gwaleabu heeda Yesu Gristoyda was muushoocheanda doabiiwaat, was duweacheeda fuga nimeewa, ak goombal sugoodiga mida ng'eanyiida. Heedeaba ninyeeda bwariinyeasa ak gootineasa eeheelleewana riing'eegaasa aba foojeandaanyi

Giidaheechta 11:3

Ak gaydaadaw Muuwshoodigeasu asiyeenya uurda ak ghwaramoar eawooji sagalam ea bughalaji iyeenya ea laadam, nea siikwealsa guniyajeega.”

Giidaheechta 12:11

Ak ghwajoar aba foojeanda Dayeenda Gisilleanda, ea aba ng'asheanda muuwuunooda nyaawa, ak ea mwabwariinya eaweega nyaawa eara gaweay miyeeda.

Giidaheechta 13:2

Nea diyeaydida aadaayiin gawuurji mariirda, nea geeshangaaschi gawuurji idamooda, ak ghuutaanyi gawuurji ghuuta ng'adiida. Ak ghoadaw hararjooda diyeayda uurdaanyi ea hoorgeadaanyi bea sugoocheanduumeeda ea gheambalmeeda haw.

Giidaheechta 17:6

Ghaadaayi gatmoodida, nea niboogit aba foojeanda fuga ghaydidi sea foojeanda sinuus aba badayda Yesu. Hean nea ghaadaayi gatmoodida ghahamwan ng'eanyi gidahaw.

Giidaheechta 17:14

ak suh gaygang'uchi sea Dayeenda Gisilleanda, ak gayghwajoar Dayeenda Gisilleanda saawa, aba gideaba niny Ng'utamiida ng'utamoojiga gil ea Sugoocheanda sugoodiga, ak suh mideawa ninyiin ea gea geeguursa gea siloat ea gea doobiiweadi.”