Giidaheechta 2:10 - Bibliyeeda Ghaydit

¹⁰ Asi adiiwali ng'asheega jea nyasa was sawanadeeda. Ng'ula, meang'nyeandeenda niriikghta gwahisa buuneeda mwaatkwa mida jeedeang'wa ghealooniga, ak abeeda geesimsimeegwa, ak aba jeemba askwearjooji damanamughuush gajanyasa sawanadeeda. Woosa doabiiwaat ea hita miyeeda, ak gaydagoonyi shiipka mideawa eaweega.

NEAJEEDA EESH BEA BUUNEESSEAN

¹⁰ Asi adiiwali ng'asheega jea nyasa was sawanadeeda. Ng'ulla, meang'nyeandeenda niriikghta gwahisa buuneeda mwaatkwa mida jeedeang'wa ghealooniga, ak abeeda gesimsimeegwa, ak aba jeemba askweajooji damanamughuush gajanyasa sawanadeeda. Wosa doabiiwaat ea hitta miyeeda, ak gaydagoonnyi shiipka mideawa eaweega.’”

Giidaheechta 2:10 Referans Kwoze

Yakkobo 1:12

Ng'wanaweagaaschi siida riyeang'da iisimsim, aba gideaba iing'ata nea nijoar simsimda gayghwanyas shiipka eaweega mamuudeana ghayi bay gwaheeleesa ASEETA fugiga bwariiy ninyiin.

Mattayo 10:22

Nea gayghwasteagwa buuneassean aba gheawungeasu. Nea siichea ghamilikghta ea gamuudean abeeda ea siichea eelealu.

1 Betro 5:4

Iidu nea geataajiit Jeagiischoocheanda haw, gajanyasa shiipka giika mayghaghajaamiit bea giigheambiitean.

Marko 13:13

Ak agooga gayghwasteagwa buuneeda aba gheawungeasu. Nea siida jea ghamilikghta ea gagul damandida bea muudeanoodean, siisi gayghaghu.

Efeeso 6:12

Aba gideaba ng'ucheedeanya maba saseeda ea foojeanda gaba badayda sugoocheanduumeeda ea gheambalmeeda aba badayda fuga ambaliischi bea jeedeaba misaneani, aba badayda shirikareeda meangeenda munyas aba jeeda darooraka humng'eeda.

Giidaheechta 2:9

“‘Ghaanali sawanadeadaang'u ea barbarandaang'u, (ak guwoosi meanang'oocheanda), ak ghaanali eara giing'weakeaba fiisu eena geewooschi fuga Yahudi nea mawoosean, nea saawa ea ghooriida siinealshacheewa bea Shataani.

Mattayo 24:13

Abeeda siida jea ghamilikghta ea gamuudean ada ea siida jea ghwalaalaani.

1 Betro 5:8

Andeawana gheadeenda nea ghoang'wearu. Aba gideaba weajoocheandeang'wa was meang'nyeandeenda gawuurji ng'adiida ak gwanyeara daghata, nea gwaneay gagasa siida jea ghwanukghuta.

1 Goriinto 9:25

Nea siida mida jeeda deangheeda iissa ghwasaja geaw haleanjeeda sean. Asi iissa gwasindunu ak abeeda ghwanyas shiipka, ak geegaleadi ak abeeda geanyaschi shiipka mayghwadatasa.

Mattayo 10:28

Adoawali fuga ammu gwanuus saseeda ak ea moamu gwanuus guroorooda; ghang'wana giiwali siidida ammu gwanuus saseeda ak gwajaksa guroorooda jeeda maloonghajeega.

DANIELI 1:14

Hean ghamwas gidarukusa, ak gagala eawooji damanamughuush.

Giidaheechta 13:7

Ak geesiksa gang'uchi sea fuga ghaydidi ak ghwajoar. Ak geataw gheambalmeeda aba badayda gilinyoo ea eemoochean gil ea buuneeda ea iita ea eemoojiga,

Efeeso 2:2

was gea ghayi oayaachi geeshta nea goomaseawji seareedida bea ng'eanyiidean, nea ghoayaachi geeshta sugoocheanda mideawa uurda humng'eeda, gurooroodida ghamneawa sin gadiyeeda aba jeeda orjooga fuga manda mureedean.

Yohaana 13:2

Damanda agiischooda bea shing'ada, nea abeeda ea niyiin meang'nyeandeenda jeeda Yudayda Iskariyote, was orjeeda Simon gichea ghwalaapta bwadaw niny,

Yohaana 12:25

Siida bwariiy eaweagaaschi gaygwalaku, nea siida sit eaweagaaschi aba badaydeaba ng'eanyiini gayghoaghu ea gagul eaweega manda muudeanooda.

Lukka 21:12

Ak damanda mii gapnu ng'asheesu seaniin gajeang'waanyeagwa ak geesawaneegwa, nea geayaadeagwa gealga siinealshacheewa ak gajeejakseegwa ghealooniga ak gajeayadeagwa madeeda sugoodiga hees ea madeeda fuga hees ambaliischi aba gheawungeasu.

Marko 8:35

Aba gideaba siida gasa ghoaghu eaweagaaschi gaygabeagu, amadu siida beagu eaweagaaschi aba badaydeanyu ea badayda Giijasta miy gayghoaghu.

HABAKUKI 2:3

Aba gideaba gisiihiimu gudughoamuughu damandaanyi; nea ghwalamwajaada ghwahita muudeanooda–ak ea maygwanda ng'uyeega. Nea iyajiilean, giimuughu; nea aba huumwa gayghwahidu, nea mayghwashing'da.

DANIELI 1:12

“Galana fugaagu bea gadiyeeda eawooji damanamughuush; anung' eegeaneasa nyeanyiida eayaaga ea beega jea ealeaha.

Giidaheechta 13:2

Nea diyeaydida aadaayiin gawuurji mariirda, nea geeshangaaschi gawuurji idamooda, ak ghuutaanyi gawuurji ghuuta ng'adiida. Ak ghoadaw hararjooda diyeayda uurdaanyi ea hoorgeadaanyi bea sugoocheanduumeeda ea gheambalmeeda haw.

Gadiyeeda Giijasoodiga 21:13

Ghwalamda Bawlo ak gwayeesha, “Agooga goosinyi naaha, shooka nea googasayi ang'udanaan gurooroodeanyu muuwda? Aba gideaba meakghusa gideaba geeratean, geawooschi hidaat eara eenuusan aba Yerusalemu aba gheawunga Ng'utamiida was Yesu Gristo.”

Gadiyeeda Giijasoodiga 20:24

Ak ea mwanung' ghoah eaweegeasu gil ghana danung' ghoah gidaghaloamwaat, geagasayi ghanyi daahiit gadiyeedeanyu aanyaschi aba heeda Ng'utamiida was Yesu, ak geamuuwu iita giijasta miy bea dagheerjeanduumeeda ASEETA.

Yohaana 13:27

Iing'ata ging'ooyda murmurjeanda ghoabita Shataani jeadaanyi. Gwayeesha Yesu niny, “Gidida igasayi sinoodean lamwaja sina.”

NYIIGHEEGA 31:23

Abwariinya NG'UTAMIIDA, oogasean oowooschi fugaaschi ghaydidi! NG'UTAMIIDA iissa ghoahaaghwa fuga doobiiweadi, nea ghwalas siida ghwarjeeda aba gidida deaschiin.

Giidaheechta 2:13

“‘Ghaanali heediibiiti, heeda mida hoorgeeda gheambalmeeda Shataani gil; ak ang'iing'i ea niing'waanyi muuchi gheawungeasu, ak ea mii heawana masaweegeasu eara damandida bea Antipa was muuwshoocheandeanyuun, was siideanyu doabiiwaat, sinuuksa bugusteang'wa, was heeda abiita Shataaniin.

Giidaheechta 13:14

nea aba gwadeagwajeega siitaw gwasin aba madeeda diyeaydean, hean gwareengani fugiga mida ng'eanyiidean, ak ghwanung' gwasin giduurji diyeayda silasa ng'uta ak ea gudugwanda;

Giidaheechta 17:14

ak suh gaygang'uchi sea Dayeenda Gisilleanda, ak gayghwajoar Dayeenda Gisilleanda saawa, aba gideaba niny Ng'utamiida ng'utamoojiga gil ea Sugoocheanda sugoodiga, ak suh mideawa ninyiin ea gea geeguursa gea siloat ea gea doobiiweadi.”

HEAREEGA 3:57

Gihidu murdeedeanyu damanda eaguurnaneey; ak giyeeni, ‘Adibeali!’