Giidaheechta 19:12 - Bibliyeeda Ghaydit

¹² Ak gheanyangaaschi gawuurji ng'ushapta beasta, ak uhuudaanyi gwanda shiipka saang'a; ak gheawunga sing'waar mwanala eara sih geaghus niny.

NEAJEEDA EESH BEA BUUNEESSEAN

¹² Ak gheanyangaaschi gawuurji ngu'shapta beasta, ak uhuudaannyi gwanda shiipka saang'a; ak gheawunga sung'waar mwanala eara sih geaghus niny.

Giidaheechta 19:12 Referans Kwoze

Giidaheechta 19:16

Ak badayda hang'daanyi ea gibeestaanyi geeng'oorsa, gheawunga Sugoocheanda sugoodiga ea Ng'utamiida ng'utamoojiga.

Lukka 10:22

Haleanjeeda sean nigoonan Bwaabwa; ak ea manda siinal Orjeeda geaghus Bwaabwa, ak ea manda siinal Bwaabwa geaghus Orjeeda ea siida wassean gasa Orjeeda goohiimsa.”

Giidaheechta 1:14

uhuudaanyi ea buudeagaaschi ea eashish ea ghawaar gea gisilleanda eesh, ea eashish ea ghawaar gapkeanda; nea gheanyangaaschi ghawaar ng'ushapta beasta,

Mattayo 11:27

Nigoonan Bwaabwa haleanjeeda sean. Manda siida nal Orjeeda geaghus Ghweanda, ghana siida nal Bwaabwa geaghus Orjeeda ghana siida wassean gasa Orjeeda goohiimsa.

Mattayo 28:18

Ghwaan Yesu heanyaawa ak goobalool ak gwayeesha, “Sigoonan gheambalmeeda sean aba humng'eeda ea ng'eanyiida.

Giidaheechta 3:12

Siida jooriischi gaydanung' ghoah daraneeda aba jeeda gheeda sibata ASEETEANYU; ak ea mayghanyi gwariteawa jeeni, ak gaydang'oorsa badaydaanyi gheawunga ASEETEANYU, ea gheawunga mujiineeda ASEETEANYU, nea Yerusalemooda eeshi, rarang'aana humng'eeda heeda ASEETEANYU, ea gheawungeasu giika eeshishiin.

Ebraniya 2:9

Iidu geedaayi Yesu, dea aba gheadi nuwaas geanung' ghamwanang'iit ea ghwalaabwa hoowa malaykajeega, nea siyiin uhuuda giigheambiita ea mureeda aba sawanadeeda ea miyeeda, ak abeeda aba dagheerjeanduumeeda ASEETA abeeda gwasamu miyeeda aba giliwas sih.

ISAYA 9:6

Aba gideaba siji baleanda aba badahuukaasa, sigooneasa baleanda was baleanda; ak niny ghoamu sugoocheanduumeeda, ak gajeeguura gheawungaaschi “Siida argweakiisa buuneeda daamdaamwaat, ASEETA hoauur, ghweanda manda muudeanooda, Sugoocheanda mideawa hoyyoo.”

NYIIGHEEGA 8:5

Ak ea ninung' ghamwanang'iit gheadi nuwaas ea madeenyi sea ASEETA, ak giyiini uhuuda shiipka ghaambiidaat ea mureeda.

Giidaheechta 12:3

Ng'ata geadaah gwadeagooda nuut aba humng'eeda, ng'ula, hararjooda haw areara, mideawa iheeni ispwa ea gujaw damanamughuush, nea iheenga nyaawa gaba nih mideawa shiip ispwa.

SAKARIYA 9:16

Eaweedida NG'UTAMIIDA was ASEETA nyaawa gayghaweat saawa aba gideaba fugaaschi bwatgeat gil, aba gideaba gawuurji lagheanga miyaasiin bea shiipka ak gayghoabwaay badayda ng'eanyiidaanyi.

FUGA LAJA GIRGWEAGUUTKA 13:18

Gwayeesha malaykajeanda NG'UTAMIIDA headaanyi, “Ghwasaan giibwaardi gheawungeasu, gidaahi ea haloodi?”

RITEAYDA 23:21

Oaleaydiit ak ghoayiinyi ghuutaanyi, adiidu ghoaheawi ng'asheagaaschi, aba gideaba maygwasamsa riing'eedeang'wa aba gideaba gheawungeasu gwanda jeadaanyi.

GIING'EETA 32:29

Ng'ata ghoanyaash Yakobo niny nea gwayeesha, “Geamuscheey rukunean gheawungaagu.” Gwayeesha niny, “Ghwasaan anda giinyaashti gheawungeasu?” Ng'ata ghoadaw ghawooda Yakobo.

Giidaheechta 6:2

Hean ghaadaayi, asi ng'ula faraaseedeesh, nea gwanda badaydaanyi siida mideawa ghuweang'da; hean geataw shiipka, ak gwarita ak gwajooriischi nea ghwajoar.

ISAYA 62:3

Ak gayhuuwa shiipcheanda miy aba geatinda NG'UTAMIIDA, ea shiipcheanda sugoocheanduumeeda aba geatinda ASEATAANG'U.

Giidaheechta 13:1

Hean ghaadaayi diyeayda nea ghwadaambiir aba jeeda basooda, nea gwandeawa gujaw damanamughuush ea iheeni ispwa, ak gwanda shiip damanamughuush uhuuda gujakaaschi ak gwandeawa gheawunga giing'weaka aba iheenga gujakaaschi.

Mattayo 21:5

“Ayeeshiina hudeaba Sayuni, Ang'wearda, sugoocheandaang'u ghwaan headaang'u, ea ng'eeni nea gwading'da digeeda, gureenda digeeda, dayeenda digeeda.”

SARMEEDA SULEMANI 3:11

Arini jarooda ea haweega Sayuni, ak goong'ulay sugoocheanda was Sulemani, gwandeawa shiipka sin ghaamwat ak gooshiip niny, bea eaweeda geeshoadaanyi bea eaweeda hooseaneega gurooroadaanyi.

GHWASIILDEANGA 30:4

Nidiyeada ng'eaha humng'eeda ak ghwararang'aan ghwahidu ng'eanyi? Niing'waay ng'eaha jeameeda aba geatindaanyi? Nirassa ng'eaha beega jeeda hang'daanyi? Gwasin ng'eaha muudeanooda ng'eanyiida? Gheawungaaschi ng'eaha? Gheawunga orjeedaanyi ng'eaha, heapi ginali?

DANIELI 10:6

Saseadaanyi ghoameang'daayda booshcheanda, nea gheamamdaanyi gawuurji dadamandeeda, gheanyangaaschi gawuurji gheaboonyanga yeat, geatingaaschi ea geeshangaaschi ghoameang'daayda lagheaneeda oomng'i sisiy, nea nyeashta ng'asheagaaschi ghwanyaashta nyeashta fuga saang'a.

Yohaana 17:11

Ak ghamneawa aniini ea mudu danda jeeda ng'eanyiida, amaduuku saawa gwanda jeeda ng'eanyiida nea ghaawunyi headaang'u. Bwaabeeda Ghaydit, ahaaghwana saawa aba gheawungaagu ghayi igoonyean, ahaaghwana ea ghoah agi nea gawuurji gissiwoosti aseasa gilagi.

Yohaana 17:12

Ghayi nea gutandeawa saawa iissa ghaahaaghwi aba gheawungaagu ghayi igooni; aniini naahaaghwi saawa ak ghanyea manda nih niroat eara akaleala geaghus orjeeda ghayi was roodaneeda, gwasa ng'asheega rugu ng'ooruutka.

Efeeso 1:21

hean goombal fuga ambaliischi sean ea gheambalmeeda ea uurda ea sugoocheanduumeeda, ak ghang'ataawa gheawunga sean ghayi sing'at, ak ea mii aba seaygeeni gil eara diita jea ghwahiduun;