Giidaheechta 19:1 - Bibliyeeda Ghaydit

¹ Ng'ata ng'asheesu ghaayiinyi ghuuta haw uurji dea eemeeda saang'a aba humng'eeda, nea gwayi, “Haleluya! Lealeanooda ea giigheambiita ea uurda gaba ASEETEANYA,

NEAJEEDA EESH BEA BUUNEESSEAN

¹ Ng'atta ng'asheesu ghaayiinyi ghuutta haw uurji dea emeeda saang'a aba humng'eeda, nea gwayi, “Haleeluuya! Lealeanooda ea giigheambiitta ea uurda gaba Aseetteanya,

Giidaheechta 19:1 Referans Kwoze

Giidaheechta 11:15

Ghaghuut durumbeateadaanyi malaykajeandeaba ispwa, ak ghwanya ghuusiga ajuur aba humng'eeda, nea geeyi, “Sugoocheanduumeeda ng'eanyiida goola ghoah sugoocheanduumeeda Ng'utamiideanya ea dea Gristoydaanyi, ak gaygoombaliischi ea ghoah damanda manda muudeanooda.”

1 DAMANYOOJIGA 29:11

Ea NG'UTAMIIDA, hawunda daang'u, ea giimuusta, ea giigheambiita, ea jooriischooda, ea gheambalmeeda; aba gideaba haleanjeessean mida humng'eeda ea ng'eanyiida gaagu gil; gheambalmeeda daang'u, Ea NG'UTAMIIDA, ak ea siikghaambiinyi, ang'iing'i guwoosi haweewa haleanjeeda sean.

Mattayo 6:13

Adiigealeasa jeeda simsimda, ak giighuuhaneasa gidida muyiin.

Giidaheechta 19:6

Hean ghaayiinyi ghuuta uurji dea eemeetuw, ak ghwanyaashta ghuuta beega saang'a ak gabiissa ghwanyaashta dea giighweandandeeda haw nea gwayi, “Haleluya! Aba gideaba Ng'utamiida was ASEETEANYA Hoauur niimbaliischi.

Giidaheechta 12:10

Ak ghaayiinyi nyeashta haw nyaasha humng'eeda nea gwayi, “Ghamneawa lealeanooda ea uurda ea Sugoocheanduumeeda ASEETEANYA ea gheambalmeeda Gristoydaanyi nihidu, aba gideaba sijaksa ng'eanyi dea aheakiida fuga siduupcheewi, ninyeeda aheakiida aba madeeda ASEETEANYA askweari ea eawa.

NYIIGHEEGA 148:1

Eakghaambiida NG'UTAMIIDA! Oakghaambiida NG'UTAMIIDA ghang'eada humng'eeda Oakghaambiida niny aba heetiyeada!

YONA 2:9

Nea aniini aba ghuuta haleanjeeda badiischooda gaydagoonyi lukghumajeega; gida ghayi eayeaksi habeawooda gaydagoonyi. Lealeanooda gwaleabu heeda NG'UTAMIIDA!”

NYIIGHEEGA 150:1

Oakghaambiida NG'UTAMIIDA! Oakghaambiida ASEETA aba headaanyi ghaydit; oakghaambiida niny humng'eeda aba uurdaanyi!

NYIIGHEEGA 146:1

Duumsheesiina NG'UTAMIIDA! Ea gurooroodeanyu duumsheesiina NG'UTAMIIDA!

NYIIGHEEGA 115:18

Duuku aseasa gajeebadiischeesiina NG'UTAMIIDA ghang'eada damani ea ghoah damanda manda muudeanooda. Oakghaambiida NG'UTAMIIDA!

NYIIGHEEGA 106:1

Eakghaambiida NG'UTAMIIDA! Abadiischeesiina NG'UTAMIIDA, aba gideaba aamiy; aba gideaba bariinyeagaaschi ghwashng'u damanda manda muudeanooda!

NYIIGHEEGA 3:8

Lealeanooda gwanda heeda NG'UTAMIIDA; ghawoadaang'u deabiidana badahuuka fugaagu!

NYIIGHEEGA 149:1

Oakghaambiida NG'UTAMIIDA! Asarmasiina NG'UTAMIIDA duumdeesh, giigheambiitaanyi aba jeeda fuga bwat geat doobiiweadi!

NYIIGHEEGA 111:1

Eakghaambiida NG'UTAMIIDA. Gaydabadiischeesa NG'UTAMIIDA aba gurooroodeanyu sean, nea geaguuyeewi fuga doobiiweadi, aba jeeda buuneeda

NYIIGHEEGA 62:11

ASEETA gwarugu nibwagi; ak ea naayiinyi nibiyeenya ng'asheesu, gideaba uurda gwandeawa ASEETA;

NYIIGHEEGA 104:35

Fuga riing'eega gagasa ealas uhuuda aba jeeda ng'eanyiida nea fuga sina ng'asheega munyas gidabal ea mudugwanda earahay! Ea gurooroodeanyu, badiischeesiina NG'UTAMIIDA! Badiischeesiina NG'UTAMIIDA.

YEREMIYA 51:48

Abeeda humng'eeda ea ng'eanyiida, sea haleanjeeda mida jeeda, gaygwasarman aba hooseaneega aba badayda Babeli; aba gideaba gayghapka fuga jea ghwalas uhuuda gang'uchi saawa jea gwaleabu wiilooda ng'eanyiida ghayeawa, gwarugu NG'UTAMIIDA.