Giidaheechta 18:19 - Bibliyeeda Ghaydit

¹⁹ Hean gwajaksa iheenga nyaawa birjeanda, ak gooyeawda nea gagiisan, hean gooyeawda nea gwayi, “Dashageada, dashageada, mujiineedida hawiin nea gea mideawa maleambajeega hees aba jeeda basooda ghwanyas baruureega aba meanang'oocheanduumeadaanyi! Ak aba jeemba aseadeanagi ea sijakta.

NEAJEEDA EESH BEA BUUNEESSEAN

¹⁹ Hean gwajaksa iheenga nyaawa birjeanda, ak gooyeawda nea gagiisan, hean gooyeawda nea gwayi, “Dashageada, dashageada, mujiineetta hawiin nea gea mideawa maleambajeega hees aba jeeda basooda ghwanyas baruureega aba meanang'oochcheandumeadaannyi! Ak aba jeemba aseadeanagi ea sijakta.

Giidaheechta 18:19 Referans Kwoze

Giidaheechta 18:10

ak gayghamiinaada nea sheagi, aba muuwda sawanadeadaanyi, nea gwayi, “Eamuy daanyi! eamuy daanyi! mujiineedida hawiin, mujiineeda Babeli mideawa uurda! Aba gideaba jeemba aseadeanagi gayghwahidu girgweaksiindaang'u.”

YOSHUWA 7:6

Hean ghabwaashaada Yoshuwa hang'weakaaschi ak gwajaksa geaw ng'eanyi nea ghang'uda gheamamdaanyi ng'eanyi aba madeeda sandakwajeanda neajeeda bea NG'UTAMIIDA ea ghoah shing'ada, niny ea gweargwa Israeli; nea gang'alsa birjeanda iheenga nyaawa.

ESEKIELI 27:30

Ak gayghwayiiy buuneeda ghuusiga nyaawa aba badaydaang'u, ak saawa gaygooyeawda aba sawanadeeda, nea gwajaksa birjeanda iheenga nyaawa, nea goobargiishi aba jeeda deareeda.

Giidaheechta 18:3

aba gideaba eemoojiga sean nili difaayeeda ng'asheagaaschi munyas gaseadayi, ak eara sugoodiga ng'eanyiida nihiseada sea niny, nea fuga ageakshi bea ng'eanyiida ea ninyas meanang'oocheanduumeeda aba uurda hiseadayeanduumeadaanyi.”

AYUBU 2:12

Hean nea geang'wearda geadaah Ayubu nea sheagi, ak ea meanala. Hean geechuur nea gooyeawda, ak ghabwaashaada hang'weaka nyaawa, nea geesaksa birjeanda humng'eeda ea iheenga nyaawa.

Giidaheechta 18:8

aba gideaba sawanaduutkaaschi gayghwahidu eaweecheanjagi, miyeeda ea giiseaneega ea jalooda, nea niny gajeenung' ghwaak beasta; aba gideaba Ng'utamiida was ASEETA gwandeawa uurda ak gaygoorgweaksa niny.”

1 SAMWELI 4:12

Hean ghafwach siida Benjamini aba madeeda ng'ucheeda, ak ghwaan Shilo askweardida, nea nibwaashaada hang'weakaaschi nea ning'alsa uhuudaanyi sigeeda.

NEHEMIYA 9:1

Hean eaweedeaba diktam ea ang'wan bea sheeni ghabwatgeat fuga Israeli nea gooluulda geat nea gookwa hang'weaka guniyajeega, nea gwasaksa birjeanda iheenga nyaawa.

2 SAMWELI 13:19

Ng'ata gageanu Damari deareeda ak ghwayiin uhuudaanyi, ak ghabwaash hang'da geaw gwachi akwa; ak ghwayiin geatingaaschi uhuudaanyi, ak ghang'eat gawa, nea gooyeawdeada.

Giidaheechta 17:16

Ak gujakiga atamanamughuush idaahiin, ea diyeaydida ak gayghwasit hiseadaydida ak gajeenung' ghang'ut salgheang'da nea dawiish, ak gajeayaak banyeagaaschi ak gajeenung' gamurjan aba beasta,

ISAYA 13:19

Ak Babeli ea giigheambiita sugoocheanduumeeda, ea leanga ea weashweashta fuga Galdayo gajeanung' gawuurji gidaghayi lasta ASEETA ng'eanyiida Sodoma ea Gomora.

HEAREEGA 2:10

Gweargwa huda Sayuni inyeessa goopteada aba ng'eanyi nea ghwasiinda; ak geejaksa birjeanda iheenga nyaawa nea gwarasa mananuunatka nyaawa hang'weaka guniyajeega; haweega Yerusalemu gakula iheenga nyaawa ng'eanyi.