Giidaheechta 18:13 - Bibliyeeda Ghaydit

¹³ ea geeta ng'andit siguura mdalasiini, ea geediga ng'andidi siyiina jeeda nyeanyiida, ea hideeda ng'andit, ea nagheeda ng'andit, hideeda ng'andit bea duumbeecheanda, ea difaayi, ea nagheeda, ea dearanga miyaasiin bea ngaano, ea dugwa ea gisilga, ea faraasajeega, ea mutukwajeega, ea giing'oonyanga, nea gurooruunatka buuneeda.

NEAJEEDA EESH BEA BUUNEESSEAN

¹³ ea geetta ng'andit suguura mdalasiini, ea geediga ng'andidi siyiina jeeda nyeanyiida, ea hideeda ng'andit, ea nagheeda ng'andit, hideeda ng'andit bea dumbeecheanda, ea difaayi, ea nagheeda, ea dearanga miyaas bea ngano, ea dugwa ea gisilga, ea farasajeega, ea muttukwajeega, ea ging'ng'oonyanga, nea guroruunatka buuneeda.

Giidaheechta 18:13 Referans Kwoze

ESEKIELI 27:13

Fuga Yunani ea Dubali, ea Mesheki, googeakshi sea ang'iing'i, geatayda siida ea haleanjeeda gharinga oomng'i aba gideaba ghwanyas haleanjeadaang'u.

AMOSI 2:6

Asi gwayi NG'UTAMIIDA: “Fuga Israeli nisin riing'eeda gicha, ak aba sareani gaydalas saawa; aba gideaba nishaayda doobiiwnata aba lapiya, nea fuga barbari geeshaaydaawa geeka–

2 Betro 2:3

Nea aba shidooda nyaawa bea ghaang' gaygooheadeesa haleanjeeda aba badahuukeagwa aba ng'asheega ng'uyeega; ghang'eada garayi girgweageeda nyaawa ghanyea maygafuuf, nea nyariida nyaawa ghanyea maygwalil.

NEHEMIYA 5:8

ak geayeeshi saawa, “Aseasa aba gidasimuusti silealu fugaasa siduupcheewi was fuga Yahudi, ghayi sishaayda aba heeda fuga eemoojiga; ak agooga googasayi ashaayda fugeagwa ooduupcheewi nea googasayi anung' eashaaha aseasa!” Hean geasiinda, nea manda ng'asheanda sirugu.

ISAYA 50:1

Gwayi NG'UTAMIIDA, “Gwanda yeenu barawajeanda nung'ooda geamadu, ghayi aanung'wi heeda? Ghana ghayi ghaashaaydaneegwa aba heedeabeang'a aba jeeda fuga eandeawi siileenyaawa? Agooga geeshaaydaneegwa, aba munyasnacheekeagwa, ak geamadu geanung'wa heeda aba giidiinyeanyeekeagwa.

GIIPKEATA DIIGHEANDA 24:7

“Nea siida iisidaa nea gwajagwat siyagi bea buweadeagaaschi, aba jeeda fuga Israeli, ghana gwahinda soomjeanda ghana ghwashaayda, abeeda mareanghweandida gayghami; abeeda gaygeandeawana munyinda jeedeang'wa.

RITEAYDA 21:16

“Siida inyas gwajagwat siida ak gawa ghwashaayda ghana eanyasa geatingaaschi, abeeda siisi gajeenuus.

1 Dimotteo 1:10

ea fuga mealuuli, ea ng'eedeeda mealuuli sea niirja, ghana fuga jagwadi suurja, ea gea ng'uyeega, ea fuga ak habeawooda ng'uyeega, ea iimida ng'asheanda wassean maweapchi sea giinealshoodida bea huumwaan.

AMOSI 8:6

ak gajeashaaha fuga barbari aba lapiya ea geagasa weeta aba sheayeeda geeka, nea geashaaydi looyda ngaano?”

AMOSI 6:6

agoogeeda inyas ghoaleayi difaayi aba jeeda gweerajeega, nea ghoayeashti nagheeda ng'andit, nea mwang'udeagwa giiseaneega aba sawanadeeda Yosefu!

SARMEEDA SULEMANI 5:5

Hean ghaang'eachi dajeasa gidaghuuta ng'wasaneedeanyu aabwariinyi, ak gwadukuta geatingeasu geediga ng'andidi, nea ghoabitbina mooringeasu geediga ng'andidi, damanda aajaadi gidaghuuta.

GHWASIILDEANGA 7:17

Naayeashi bulaliideanyu geediga ng'andidi, ea buureata, ea hideeda ng'andit ea gadaroonga ea mdalasiini.

2 DAMANYOOJIGA 9:9

Ng'ata ghoadaw sugoocheanda dalaantaji bughala ea diktam bea dahaabu, ea nagheega ng'andidi saang'a, ea lagheanga haw sheayeat; nea ea manda nagheega ng'andidi uurji suh adaw sugoocheanda was gatmoodean bea ng'eanyiida Sheba Sulemani.

1 SUGOODIGA 10:25

Gaba siisi eadu gida geatinda, haleanjeeda sisna lapiya, ea dahaabu, ea hang'weaka, ea dabita ng'ucheeda, ea deanguurga, ea faraasajeega, ea nghatka, hean gweatu gilakweayi.

1 SUGOODIGA 10:15

siihaada gea leabu heeda fuga ageakshachi, ea heeda fuga sheaha haleanjeeda, ea heeda sugoodiga Arabiya ea heeda sugoodiga hees ahaaghwa ng'eanyiida.

1 SUGOODIGA 10:10

Ng'ata ghoadaw sugoocheanda dalaantaji bughala ea diktam bea dahaabu, ea haleanjeeda saang'a, ea lagheanga haw sheayeat; hean ea mudu gwanda haleanjeeda deena suh adaw gatmooda was sugoocheanda ng'eanyiida Sheba heeda sugoocheanda was Sulemani.

GIIPKEATA DIIGHEANDA 28:68

Ak gayghoadealdaneey NG'UTAMIIDA ng'eanyiida Misri aba maleambajeega, aba bareanyeeka ghayi earukuneegwa gideaba maygudu abiikta gicha; aba hoowa gajashaayda geat aba heeda weajoodigeagwa ak ghoahuuyi soomjooga was headiga ea gea haweega, ak ea maygwanda siichea ghwashaaheegwa.”

SARMEEDA SULEMANI 1:3

Nagheadaang'u siyeeriida ea ng'andit shearooda, gheawungaagu gawuurji nagheeda siitalealu, ak ghoah gidabwariiydaneey gadeemga.

1 DAMANYOOJIGA 5:21

Ak ghwaat haleanjeeda nyaawa: ngamiyaji sagalamnyooji haradam ea damanamughuush, ea gisil sagalamnyooji bughalaji iyeenya ea haradam ea damanamughuush, ea digeeni sagalamnyooji iyeenya, ea fih sagalamnyooji bughala.

SARMEEDA SULEMANI 3:6

Siisi siyeeng'na dareapcheedean ng'eaha gil gawuurji daraneeda aroosta, geejooysa geediga ng'andidi ea mughoondooda ea dearanga hideeda ng'andit bea fuga ageakshachi?

Giidaheechta 18:14

“Haghweega bwariiy jeadaang'u ninung'useey heeda, ea hamichoojigaagu ibwariinyi ea haleanjeeda miyeenooda nirooda aba headaang'u, ak ea maygudu eebiikta gicha eanyas!”

Giidaheechta 18:15

Ak fuga ageakshachi aba haleanjeeni, ghayi nyasa meanang'oocheanduumeeda headaanyi, gayghamiinaada nea sheagi, aba muuwda sawanadeadaanyi, hean gooyeawda nea gagutu heareega aba ghuuta haw,