Biblia Todo Logo
Bib sou entènèt

- Piblisite -




Giidaheechta 15:4 - Bibliyeeda Ghaydit

4 Ng'eaha gil dea moawalnyi ak ghoaghaambiit gheawungaagu, Ea Ng'utamiida? Aba gideaba ang'iing'i guwoosi ghaydit nea gibwaageaw. Aba gideaba gayghapka eemoojiga sean ak ghaghadoawanyi, aba gideaba girgweageadaang'u siitaajiit.”

Gade chapit la Kopi

NEAJEEDA EESH BEA BUUNEESSEAN

4 Ngeaha gil deamoawalnyi ak ghoaghaambiit gheawungaagu, Ea Ng'uttamiida? Aba gideaba ang'iing'i guwasi ghaydit nea gibwageaw. Aba gideaba gayghapka emoojiga sean ak ghaghadoawannyi, aba gideaba girgweageadaang'u siittaajiit.”

Gade chapit la Kopi




Giidaheechta 15:4
44 Referans Kwoze  

Eemoojiga sean ghayi iisini gayghapka madeadaang'u ak ghaghadoawanyi ang'iing'i Ea NG'UTAMIIDA, nea ghoaghaambiit gheawungaagu.


Aba gideaba ghang'eada giirearnooda aseeta ea gamikta gheawungeasu ea hees aba jeeda eemoojiga, nea aba hiji wassean geatayda geediga ng'andidi aba gheawungeasu, was haleanjeeda ghadooweeda miyaas; aba gideaba gheawungeasu ea hees aba jeeda eemoojiga, gwarugu NG'UTAMIIDA bea lugweega.


Heapi mayghoawalnyi ng'eaha, Ea sugoocheanda eemoojiga? Nih gidahaguuwnyi gil, Aba jeeda fuga sean bareahi iheeni bea eemoojiga ea aba heeda gheambalmoojiga nyaawa sean manda dea jea eegalaneey.


Muudeanooda sean bea ng'eanyiida gayghoapkaat ak gaygwayamsa geat NG'UTAMIIDA; ak buuneesean bea eemoojiga gayghabwat niny.


Ghaghuut durumbeateadaanyi malaykajeandeaba ispwa, ak ghwanya ghuusiga ajuur aba humng'eeda, nea geeyi, “Sugoocheanduumeeda ng'eanyiida goola ghoah sugoocheanduumeeda Ng'utamiideanya ea dea Gristoydaanyi, ak gaygoombaliischi ea ghoah damanda manda muudeanooda.”


ak gwayi aba ghuuta haw, “Oawala ASEETA nea ghoatawji niny giigheambiita, aba gideaba damanda girgweageadaanyi nihidu; aghadoawana niny deabwat humng'eeda ea ng'eanyiida, ea basooda ea gheanyanga eenda.”


Nea siida wassean ghuh bea eemoojiga sean, hidu gang'uchi sea Yerusalemu, gayghwascheang'da gilakweayda ghabwat sugoocheanda was NG'UTAMIIDA bea lugweega, nea ghoang'waay ghweelmoojiga Udahabeaschajeega.


Asi gayghoaghaambiinyi fuga majeekcheewi;


Aniini ghaayaaji habeawooda nea geabea geaw, aba gideaba ghuuteanyu gwarina ng'asheanda doabiiwaat, ak ng'asheandeanyu ea maygabiikta bwadaw, ‘nea gaygaba siisi duguy aba madeedeanyu nea gaba nih ak habeawooda.’


Nea diyeanga asang'wan majeekcheewiin, gaba nih bea meang'i lah, hean ghoang'wearu gang'ula meadajeega ea jih, nea askweari ea eawa ghanyea mii ghwanung'waada sarmeeda, “Dea Ghaydit, dea ghaydit, dea ghaydit, Ng'utamiida was ASEETA Haw Uri, niny dea mida ea dea bean gwanda ea dea jea ghwahidu.”


aba gideaba gwayi ng'ooruutka, “Gajawoosa ghaydidi aba gideaba aniini geawooschi ghaydit.”


Ak gaygaguuyi eemoojiga saang'a aba heeda NG'UTAMIIDA eaweedida, ak fugiga gajea saang'a; ak gaydeabiida jeenyaawa, ak gajanala gideaba goojeaknean NG'UTAMIIDA bea lugweega doan heedeang'wa.


Ak ghaayiinyi heeda wagiida nea gooyeawda, nea gwayi, “Huumwa gil Ng'utamiida was ASEETA mideawa uurda, girgweaguutkaagu huumwa gil nea ghwadoabiiw!”


aba gideaba girgweageadaanyi dea huumwa gil nea doabiiwaat; aba gideaba niirgweaksa hiseadaydida hawiin ghayi datas ng'eanyiida aba hiseadayeanduumeadaanyiin, ak ea niwalda aba badaydaanyi foojeanda soomjoagaaschi.”


Gagaseey gurooroodeanyu eawa, ak geagaseey aba gurooroodeanyu. Inyeessa giirgweaksi ng'eanyiida, abeeda gayghwanal fuga sean bea ng'eanyiida doobiiwnata.


ASEETA geewali muuchi aba girgweageeda fuga ghaydidi, aahaw ak geewali ea ghwalaabwa hoowa buuneesean neaweesa niny.


ak abeeda ghoaghaambiit fuga Eemoojiga ASEETA aba baydeaydaanyi. Gawuurji gissing'oarda, “Asi gaydaduumiiseey aba jeeda Eemoojiga, ak gay dasarmani gheawungaagu;”


Iing'ata gaygwayamu geat diibiga Israeli gagaseada NG'UTAMIIDA was ASEETA nyaawa, ea Dawdi was sugoocheanda nyaawa; ng'ata gayghoang'eat gwasissa mureeda NG'UTAMIIDA ea miyindaanyi aba eawoojiga muudeanooda.


Ak gaba nih guursa nuut nea gwayeesha, “Dea Ghaydit, dea ghaydit, dea ghaydit NG'UTAMIIDA lugweega gil; ng'eanyiisean ghwanyiit giigheambiitaanyi.”


Ak ea niyeassa fugaaschi lealeanooda nea gwarugu neajeadaanyi damanda manda muudeanooda. Gheawungaaschi ea ghaydit ak ea haloat!


goojuur aba ghuuta haw nea geeyi, “Ea Ng'utamiida ambaliischi, ghaydit bea huumwa, gajeeyi bwak ea ghoah eeju nea mii argweaksiina ak giwaldi foojeandeanya aba badahuuka fuga mida badayda ng'eanyiida?”


Neada ang'iing'i ea ming'eadani damanda manda muudeanooda, Ea NG'UTAMIIDA was ASEETEANYU, ghaydit assakalealla? Majeemeewa. Ea NG'UTAMIIDA, niimbiidi saawa ghoah fuga jea goorgweakiiseasa; ak ang'iing'i, guwoosi Lagheaneeda, ak ginung' ghoah saawa fuga jea ghwalaseasa.


“Heeda malaykajeanda ganiiseeda Filadelfiya ng'oara: ‘Suh ng'asheega siida ghaydit gil asakaleala, bea huumwa, mideawa gisiitina gidaghuuta sugoocheanduumeeda Dawdi, siida ama atin ea manda siida ammu ghwarat, siida amarat ea manda siida jea gootin.


Niny NG'UTAMIIDA gil was ASEETEANYA; girgweaguutkaaschi gwanda ng'eanyiisean.


Oakghaambiida NG'UTAMIIDA was ASEETEANYA aghadoawana nea gwanda giijeadaanyi ghaydit; aba gideaba NG'UTAMIIDA was ASEETEANYA niny dea ghaydidi!


Ak ang'iing'i guwoosi Ghaydit, nea ang'iing'i giimbaliischi nea ghoaghaambiinyi Israeli.


“Manda siinuut ghaydit ea gawuurji NG'UTAMIIDA, manda siinuut murdeadaang'u; ak ea manda lagheaneeda uurji ASEETEANYA.


Hean inyeesa gidaahi gaynyasa weeshinda, ak gayghabwadan gurooroadaang'u nea gahoosan, aba gideaba baruureega basooda gajeekealu headaang'u, nea eara baruureega eemoojiga gayghapka headaang'u.


Ea NG'UTAMIIDA, ang'iing'i guwoosi uurdeanyu ea hilgweandeanyu, heechea damng'awsa damanda sawanadeeda, gayghapka headaang'u eemoojiga sean gayghapka meadajeega sean bea ng'eanyiida ak gaygwayi: “Ghweanigaasa mahearana eara gil geaghus ng'uyeega, haleanjeeda mwadaagha marachi gil.


“Nih ginyah ASEETA mida humng'eeda sheagi gil bea giibinda manda muudeanooda, nea gheawungaaschi ea Ghaydit. “Aniini geabiiti humng'eeda heeda ghaydit, ak geendeayi sea fuga niduukuuna ea gea eadageat ng'eanyi, ak gaydeamajeek gurooruunatka gea eadageat ng'eanyi, nea ghaadawji uurjeenga gea niduukuuna.


Asi fuga mida heeda ghayeawa oakghaambiida NG'UTAMIIDA; ak ghoakghaambiichi gheawunga NG'UTAMIIDA was ASEETA Israeli fuga mida ng'eanyiida ghuuta basooda.


Oakghaambiida NG'UTAMIIDA was ASEETEANYA aghadoawana aba heeda hoorgeeda geeshangaaschi! Niny dea ghaydidi.


Sayuni niyiing'shi ak gahoosan, haweega Yuda gang'weela, aba badayda girgweaguutkaagu Ea NG'UTAMIIDA.


Agoogeeda bada NG'UTAMIIDA, oakghaambiida niny! Oogaseaneeda oowooschi jeata Yakobo, oakghaambiida niny, aghadoawana niny oogasean oowooschi jeata Israeli!


Gwayi NG'UTAMIIDA, Agooga moawali gheanyangeasu? agooga moabwaadani aba madeedeanyu? Ghaayiinyi iseaskweanda ghoah moonghooda basooda, Hilgweanda jea ghwaraay basooda ghwanaawa; Eara ghwalas laweajajeega, mayghoamu ghwanaawa, eara goojuur laweajajeega mayghoamu ghwanaawa.


Ak ghaayiinyi malaykajeanda ambal beega nea gwayi, “Ang'iing'i guwoosi doabiiwaat aba girgweaguutkaagu, ang'iing'eeda indi nea ghayi gindi, Ea Dea asagi Ghaydit.


ak ea siikwealsa hang'weaka miyaasiin bumbuni, meeng'meeng'i nea miyaas”– aba gideaba hang'weaka miyaasiin sinaweega doabiiw bea fuga ghaydidi gil.


Swiv nou:

Piblisite


Piblisite