Giidaheechta 15:2 - Bibliyeeda Ghaydit

² Ghaadaayi giduurji basooda giyo guuyi beasta, ak fugiga joar diyeayda ea gissiratiidean ea mooneeda gheawungaaschi, nea ghamiinaada aba murdeeda basoodida bea giyoohiin, nea gwandeawa gidoondoorajeega ASEETA aba geatinga nyaawa.

NEAJEEDA EESH BEA BUUNEESSEAN

² Ghaadaayi giduurji basooda giyoo guuyi beasta, ak fukka joar diyeayda ea gissirattiidean ea monneeda gheawungaaschi, nea ghamiinaada aba murdeeda basoodida bea giyoohiin, nea gwandeawa gidondoorajeega Aseetta aba geattinga nyaawa.

Giidaheechta 15:2 Referans Kwoze

Giidaheechta 4:6

nea madeeda hoorgeeda gheambalmeeda gawuurji gili mida basooda daliil oar giyo, nea ghameang'meang'. Nea gwaneaweesa hoorgeeda gheambalmeeda, aba meadajeega sean bea hoorgeeda gheambalmeeda, gwanda diyean ang'wan majeekcheewi, hean ghwanyiit gheanyanga mwadi ea bwadaw:

Giidaheechta 12:11

Ak ghwajoar aba foojeanda Dayeenda Gisilleanda, ea aba ng'asheanda muuwuunooda nyaawa, ak ea mwabwariinya eaweega nyaawa eara gaweay miyeeda.

Giidaheechta 5:8

Hean nea gageanu gitaabu ghoabeada diyeangiga asang'wan majeekcheewiin sea gweargiga atiktam ea ang'waniin aba madeeda Dayeenda Gisilleanda, ak gaba nih ang'waay gidoondooriida, ea gweeriida sisna dahaabu nea ghwanyiit hideeda ng'andit, was mooshta ASEETA bea fuga ghaydidi;

Giidaheechta 21:18

Ak ghamardida geadeasa lagheang'su murjeew, ak mujiineedida geesina dahaabooda miyaasiin nea ghawaar giyo.

1 Betro 1:7

ak abeeda aba simsimda masaweegeagwa miyaasiin ng'al dahaabu jea gwarooda, earapeadi iissa geesim aba beasta, ak abeeda geadaah gideaba gwandeawa duumsiinda ea gharbeeda ea mureeda aba giidaheachta Yesu Gristo.

Mattayo 3:11

“Geabaatiisananeegwa beega aba duukuunooda, nea dea jea ghwaduupnaan geash gaburdeawean uurda, ak aniini ea mamiisean eara sareenda geakaaschi; niny gaygoobaatiisananeegwa Guroorooda Ghaydit ea beasta.

Giidaheechta 13:14

nea aba gwadeagwajeega siitaw gwasin aba madeeda diyeaydean, hean gwareengani fugiga mida ng'eanyiidean, ak ghwanung' gwasin giduurji diyeayda silasa ng'uta ak ea gudugwanda;

1 Betro 4:12

Fuga aabwariinyi, adaghahameagwa ng'eanyi aba habeawooda ea sawanadeeda jea ghwahidu badahuukeagwa ak goomajeegeegwean, ak gawuurji gili buseegwa ng'asheandeesh.

Giidaheechta 13:1

Hean ghaadaayi diyeayda nea ghwadaambiir aba jeeda basooda, nea gwandeawa gujaw damanamughuush ea iheeni ispwa, ak gwanda shiip damanamughuush uhuuda gujakaaschi ak gwandeawa gheawunga giing'weaka aba iheenga gujakaaschi.

Giidaheechta 13:17

ak abeeda ea siida jea ghoamu ghwasha gil ghana ghwashaayda, geaghus gwandeawa giirooraneedida was gheawungeaba diyeaydideaniin, ghana mooneeda gheawungaaschi.