Giidaheechta 13:10 - Bibliyeeda Ghaydit

¹⁰ Siida wassean iijea gawa ghealooniga, gaygawa ghealooniga; siida wassean iilach gheateaba niirja aba ng'uta, eara niny gajealach gheata aba ng'uta. Nih heeda mida giihang'ooyda ea doobiiwnata fuga ghaydidi.

NEAJEEDA EESH BEA BUUNEESSEAN

¹⁰ Siida wassean iijea gawa ghealooniga, gaygawa ghealooniga; siida wassean iilach gheatteaba niirja aba bwaanga, eara niny gajealach gheatta aba bwaanga. Nii heeda mida gihang'ooyda ea doobiiwnatta fuga ghaydidi.

Giidaheechta 13:10 Referans Kwoze

YEREMIYA 15:2

Aba inyas gaygwayeeshiineey, ‘Gajaweayeena eenu?’ Hean gajeeshiina, ‘Gwayi NG'UTAMIIDA: “Gea sing'oorsa geeyooda, gaygahuuyda geeyooda, Nea gea sing'oorsa ng'uta, gaygahuuyda ng'uta; aba gea sing'oorsa geejeeda, gaygahuuyda geejeeda, nea gea sing'oorsa giing'ooyda, gayghoah giing'oonyanga.”’

Giidaheechta 14:12

Hiji heeda mida giihang'ooyda fuga ghaydidi gil, nea fuga ang'waay digheanyeeka ASEETA gil ea masaweega Yesu.

Giidaheechta 3:10

Aba gideaba niing'waanyi ng'asheandeanyu bea milikghteayda nea giihang'waanyi, ak aniini gaydafurnyi, nea giriti aba damanda simsimda jea gwahissa ng'eanyiissean, ak gwasimsim fuga mida badayda ng'eanyiida.

Lukka 21:19

Ak agooga aba milikghteaydeang'wa gajookghuuha eaweegeagwa.

ISAYA 33:1

Shageada ang'iing'eeda ilasi uhuuda siidean, nea ang'iing'i ea miyealas daang'u; Shageada ang'iing'eeda isinayi ng'asheega milmilandean, nea ang'iing'i ea miyeesineey milmilanda! Inyas giihiidi lasooda uhuuda eara daang'u gajealas, inyas giihiidi sinooda milmilanda isiniisi buuneeda, abeeda eara ang'iing'i gajeesineey milmilanda.

Ebraniya 6:12

ak abeeda ea mwang'udeagwa ghaleehooda, ak goowooschi fuga jea goomaseaw geat fugiga aba naweeda masaweega ea milikghteayda ak goohearanyi gidaghayi siheeleesa.

Giidaheechta 2:2

“‘Aniini ghaanali gadiyoojigaagu, ea sawanadeadaang'u ea milikghteaydaang'u nea giihang'waanyi, ea gida miimuustani milikghta fuga munyas iissa ginyo ghanyi sima fugiga guura geat giijasoodiga nea mawoosean, ak gidaahi gideaba gaba ng'uya;

Mattayo 26:52

Gwayeesha Yesu niny, “Adealda ng'utaang'u jeeda labaldaanyi, aba gideaba siida bwarda ng'uta, eara niny gajeabwara ng'uta.

YEREMIYA 43:11

Ak gayghoan ak ghwalas ng'eanyiida Misri, nea fuga ghayi sing'oorsa miyeeda gaygameewa, nea fuga sing'oorsa gideaba gayghoah giing'oonyanga ghoah giing'oonyanga, nea ng'uta ghabwar fuga sing'oorsa gideaba gayghabwar ng'uta.

Giidaheechta 16:6

Aba gideaba buuneeda niihiida foojeanda fuga ghaydidi ea gea Sibanga, ak ea niidawi saawa foojeanda ghwali. Ak ea gidamiisa!”

Giidaheechta 1:9

Aniini geawooschi Yohana, orjeeda giyeang'wa deaghayi oopareanyeewi sawanadeeda ea sugoocheanduumeeda ea milikghteayda nea ghoahang'waanyi, nea gwanda ng'eanyiida neaweesa beega siguura Batmo aba badayda ng'asheanda ASEETA ea muuwuunooda ng'asheega Yesu.

HABAKUKI 2:3

Aba gideaba gisiihiimu gudughoamuughu damandaanyi; nea ghwalamwajaada ghwahita muudeanooda–ak ea maygwanda ng'uyeega. Nea iyajiilean, giimuughu; nea aba huumwa gayghwahidu, nea mayghwashing'da.

HEAREEGA 3:26

Aamiy gideaba siida gayghoamuughu lealeanooda NG'UTAMIIDA nea ghwasiinda.

Giidaheechta 3:3

Asi apkaada gidaghayi inyasi ea gidaghayi iiyiinyi; asi ang'waanya gidida, ak giduukuuni. Ak iimiing'wearni gaydahitaayda mareanghweanda, ak ea maynala damanda jea dahina headaang'u.

Giidaheechta 2:19

“‘Ghaanali gadiyoojigaagu, ea bariinyeagaagu ea masaweagaagu ea gidigadiyeati ea milikghteaydaang'u nea giihang'waanyi, ak gicha gadiyoojigaagu huuydean ghang'al gea ghayi bea madeeda.

Golosaayi 1:11

Gagasa gagooneegwa giimuusta sean bea uurdaanyi ghaambiidaat, jea oamuusa nea ghoamuughu haleanjeeda sean nea goobeayi hooseaneega,

ISAYA 14:2

Fuga eemoojiga gayghaweat fuga Israeli gabiikta ng'eanyiida ghayi adaw NG'UTAMIIDA. Ak aba hoowa gaygagadiiyeesa fuga Israeli gawuurji soomjooga gadeemga ea headiga. Ak fuga ghayi abaleak gayghoah fuga ng'uta aba heeda fuga ang'waay ak gaygoombal fuga ghayi ghabwas.

Mattayo 7:2

Aba gideaba gidoorgweakiisiindi buuneeda, abeeda gajeergweaksiinduneegwa agooga, ak gidooteeniidi agooga eara agooga gajeeteeneegwa.

ISAYA 26:21

Aba gideaba, ng'ula, NG'UTAMIIDA ghwahidu nea gwaleabu humng'eeda heeda abiita, ghwahidu ghwalas uhuuda fuga badayda ng'eanyiida aba riing'eega nyaawa, ak ng'eanyiida ea maygut ghafuy fuga ghayi sibwar, ak gayghoahiimu foojeanyeeka sean ghayi sibwar.

Giidaheechta 11:18

Ak gwanyareesi eemoojiga, ak ghwahidu nyarastaang'u, nea ghwahidu damanda jea eergweaksiina fuga nimeewa, nea geamwaar soomjoagaagu was sibanga ea gea ghaydidi, ea fugiga awali gheawungaaguun, was gea manang'i ea gea hees, ak geedatas suh datas ng'eanyiidean.”

Giidaheechta 17:8

Diyeaydideani idaahiin abeeda gwanda, ak ea mandana, ak gaygwadiyeana uuta shoomanda mamuudeana ak gawa heeda ng'asheega munyas. Ak fuga mida badayda ng'eanyiida miyeeng'oorsa gheawunga nyaawa jeeda gitaabooda eaweega dea sibada sindeeta ng'eanyiida, gayghahamng'eanyi iidaah diyeaydida. Aba gideaba gwanda, ak ea mandana ak gayghwahidu.

Giidaheechta 17:11

Nea diyeaydida mida ak ea mandanean, niny deaba sissi ak niny gaba jeedeaba giika asispwaan, ak niny gawa jeeda ng'asheega munyas.