Giidaheechta 12:4 - Bibliyeeda Ghaydit

⁴ Nea shoomng'eandaanyi goongiir miinga humng'eeda heeda haw, ak gwahisa badayda ng'eanyiida. Hean ghamiinaada ichiboodida aba madeedeaba gatmoodida riikghta gwaji jeeptean, ak abeeda ghwanukghuta jeaptaanyi damanda jiila;

NEAJEEDA EESH BEA BUUNEESSEAN

⁴ Nea shoomng'eandaannyi goongir miinga humng'eeda heeda haw, ak gwahisa badayda ng'eanyiida. Hean ghamiinaada ichchiboodida aba madeeda gatmoodida riikghta gwaji jeeptean, ak abeeda ghwanukghuta jeaptaannyi damanda jiila;

Giidaheechta 12:4 Referans Kwoze

Giidaheechta 12:9

Ak geejaksa ng'eanyi hararjoodida haw was ichiboodeaba garayiin, siguura Meang'nyeandeenda ea Shataani, was dea reengani ng'eanyiisean, ak geejagu badayda ng'eanyiida, ak eara malaykajeagaaschi geehisu ghapka ng'eanyi sea niny.

Yohaana 8:44

Agooga goobeayi ghweandeang'wa was meang'nyeandeenda ak iissa googasayi asina gidida bwariiy ghweandeang'wean. Niny gabay gwanuusa buuneeda ghang'eada mwadi, niny iissa ea madoobiiwsiina huumeanda aba gideaba manda jeadaanyi huumeanda. Iissa irugu ng'uyeega gwarugu aba gidida sirata ninyiin, aba gideaba niny gaba ng'uya, ak ea ghweanda ng'uyeega.

Giidaheechta 9:19

Aba gideaba uurdeaba faraasajeesu gwanda ghuusiga nyaawa ea shoomng'eega nyaawa; aba gideaba shoomng'eega nyaawa gawuurji ichipkeega, nea gwandeawa iheenga, nea inyeessa gaganyeatiida.

Giidaheechta 9:10

Nea gwandeawa shoomng'eega uurji udagilbajeega, ak gaba halaghweenga, ak uurjeenga nyaawa jea gwasawana buuneeda sheemuut gwanda shoomng'eega nyaawa.

Giidaheechta 8:7

Hean googuul malaykajeanda madeeda, ak ghwahidu roopta lagheanga ea beasta, nea gaguuyi foojeanda, ak goobissa badayda ng'eanyiida; hean ghwaak ng'eanyiida beasta ea eapuut hiji mwanang', ak ghwaak beasta geediga ea ghoabuut suung'ay, nea eara nyeega nyawiiri sean ghwaak beasta.

1 Betro 5:8

Andeawana gheadeenda nea ghoang'wearu. Aba gideaba weajoocheandeang'wa was meang'nyeandeenda gawuurji ng'adiida ak gwanyeara daghata, nea gwaneay gagasa siida jea ghwanukghuta.

RITEAYDA 1:16

“Iyoogadiiyi nea goowooschi deepshoodiga gadeemga Ebraniya, ak ghoadaayi gideaba gaygwaji, ii orjeeda gil, abeeda goonuuschi; ak ii huda gil abeeda ghoanung'waadi adoonuuschi.”

Giidaheechta 17:18

Ak gatmoodida idaahiin ea mujiineedida hawiin gil mideawa giimbaliischooda aba badayda sugoodiga badayda ng'eanyiidean.”

ISAYA 27:1

Ak eaweedida NG'UTAMIIDA gaygageanu ng'utaanyi ng'waan, majeek, haw ak ghwalas uhuudeaba ichiboodida deambiiri siguura Lewiatani, ak gayghabwar Lewiatani ichiboodida hala geaw abiita jeeda basoodean.

Giidaheechta 8:8

Ghaghuut malaykajeandeaba iyeenya durumbeateadaanyi, hean geejaksa jeeda basooda giduurji giijeeda haw, nea ghwayeada beasta;

Giidaheechta 8:9

nea basooda heeda haw ghoah foojeanda, nea diyeanga heeda haw majeekcheewi mida gameewa aba jeeda basooda, nea maleambajeega hees geenyarjeaweada heeda haw.

Giidaheechta 8:10

Ghaghuut malaykajeandeaba samwagu durumbeateadaanyi, ak ghang'adaana humng'eeda miing'weanda haw, nea ghwayeata gheaboong'nyeanda, ak goobissa eeniga heeda haw ea gheanyanga eeniga mideawa beega.

Giidaheechta 8:11

Ak gheawungeaba miing'weandida geeguura Ng'weaninda, nea beega heeda saang'a gang'weaniidi, ak gameewa fuga saang'a aba badaydeaba beesu, aba gideaba sinung' gang'weaniidi.

Giidaheechta 8:12

Ghaghuut malaykajeandeaba ang'wan durumbeateadaanyi, ak geawiim gheang'da aseeta heeda haw, ak eara gheang'da sheeda geawiim heeda haw, ak eara gheanyanga miinga geawiim heeda haw, ak abeeda uurda nyaawa abwaanya geanung' gamisaniit heeda haw; nea askwearjeanda heeda haw ea madakna, ak gwasunu eara eaweeda heeda haw.

Giidaheechta 12:7

Ng'ata ghang'eat ng'ucheeda aba humng'eeda, gang'uchi Mikaeli ea malaykajeagaaschi sea hararjoodida; ak gang'uchi ichibooda sea saawa ea malaykajeagaaschi,

Giidaheechta 13:2

Nea diyeaydida aadaayiin gawuurji mariirda, nea geeshangaaschi gawuurji idamooda, ak ghuutaanyi gawuurji ghuuta ng'adiida. Ak ghoadaw hararjooda diyeayda uurdaanyi ea hoorgeadaanyi bea sugoocheanduumeeda ea gheambalmeeda haw.

Giidaheechta 13:4

Hean ghaghadoawan buuneeda ichiboodida, aba gideaba niidaw gheambalmeadaanyi diyeayda, hean ghaghadoawan diyeaydida nea gwayi, “Gawuurji ng'eaha diyeayda, ak gayghoamu ng'eaha gang'uchi sea niny?”

Giidaheechta 16:13

Ng'ata ghaadaayi, ng'asheega rinna ghuuta ichibooda ea ghuuta diyeayda ea gea ghuusiga sibanga ng'uyeega, ea gurooruunat samwagu munyas uurji udagheambagajeamajeega;

Giidaheechta 20:2

Ak ghoang'waay ichibooda was ichiboodida bea garayiin was meang'nyeandeenda ea Shataani, ak ghwarada gweanyeew sagalama,