Giidaheechta 12:11 - Bibliyeeda Ghaydit

¹¹ Ak ghwajoar aba foojeanda Dayeenda Gisilleanda, ea aba ng'asheanda muuwuunooda nyaawa, ak ea mwabwariinya eaweega nyaawa eara gaweay miyeeda.

NEAJEEDA EESH BEA BUUNEESSEAN

¹¹ Ak ghwajoar aba foojeanda Dayeenda Gisilleanda, ea aba ng'asheanda muwuunnooda nyaawa, ak ea mwabwariinya eaweega nyaawa eara gaweayi miyeeda.

Giidaheechta 12:11 Referans Kwoze

Yohaana 16:33

Ng'asheesu gearukuneegwa nea geagasayi abeaha hoyyoo aba jeedeanyu. Aba jeeda ng'eanyiida gajanyasa sawanadeeda; asi oahang'waanya jeesingeagwa, aba gideaba aniini naajoarji ng'eanyiida.”

1 Yohaana 5:5

Aneeda dea joar ng'eanyiida ea ng'eaha meakghusa dea mwas gideaba Yesu Orjeeda ASEETA?

1 Goriinto 15:57

Iidu gagasa eebadiischeesa ASEETA, dea goona jooriischooda aba Ng'utamiideanya was Yesu Gristo.

Giidaheechta 2:26

Nea siida jooriischi ak ghoang'waay gadiyoojigeasu ea ghwahita huuydeanda, gaydanung' goombal fuga eemoojiga,

Ruumi 16:20

nea ASEETA mideawa hoyyoo gaygabay ghwanung' adatasa Shataani aba geeshangeagwa. Dagheerjeanduumeeda Ng'utamiideanya was Yesu Gristo gagasa goobiida jeedeang'wa.

Gadiyeeda Giijasoodiga 20:24

Ak ea mwanung' ghoah eaweegeasu gil ghana danung' ghoah gidaghaloamwaat, geagasayi ghanyi daahiit gadiyeedeanyu aanyaschi aba heeda Ng'utamiida was Yesu, ak geamuuwu iita giijasta miy bea dagheerjeanduumeeda ASEETA.

1 Yohaana 4:4

Diibiga manang'i, agooga goobeayi ASEETA, ak ea noajoarji saawa; aba gideaba dea mida jeedeang'wa ea haweewa dea mida jeeda ng'eanyiida.

Giidaheechta 3:5

Nea siida jooriischi gajeekwealsa hang'weaka eeshish, ak ea maydeabuus gheawungaaschi aba jeeda gitaabwajeanda eaweega; ak gaydamwas gheawungaaschi aba madeeda Bwaabwa, ea madeeda malaykajeagaaschi.

Giidaheechta 3:21

Siida jooriischi gaydanung' goopteada nea geendeayi aba uhuuda hoorgeedeanyu bea gheambalmeeda, gawuurji gideajooriischeati ak geapteadi sea Bwaabwa aba uhuuda hoorgeadaanyi bea gheambalmeeda.

Giidaheechta 3:12

Siida jooriischi gaydanung' ghoah daraneeda aba jeeda gheeda sibata ASEETEANYU; ak ea mayghanyi gwariteawa jeeni, ak gaydang'oorsa badaydaanyi gheawunga ASEETEANYU, ea gheawunga mujiineeda ASEETEANYU, nea Yerusalemooda eeshi, rarang'aana humng'eeda heeda ASEETEANYU, ea gheawungeasu giika eeshishiin.

Giidaheechta 2:7

Gilinyoo googar iita, dayiinya ng'asheanji rukusa Guroorooda ganiisajeegean. Nea dea jooriischi gaydanung' ghwaak haghweega geeta eaweega, mida jeeda madamnyeanda mwanang' bea ASEETEAN.’

Giidaheechta 20:4

Hean ghaadaayi hoorgajeega gheambalmeeda, nea goobiitbiida badahuuka fuga jea goorgweach. Ak ghaadaayi gurooruunatka fuga ghayi silajaada gheatkweaka aba badayda muuwuunooda Yesu ea aba badayda ng'asheanda ASEETA, ea giika ghayi mii ghaghadoawan diyeaydideaniin ghana gidida siratiidean nea miighwanyas giirooraneadaanyi aba gheamamuunatka nyaawa, ghana geatinga nyaawa. Ak gwaduutu, ak goombaliischi sea Gristo gweanyeew sagalam.

Lukka 14:26

“Siida iihidu heedeanyu nea mwasida ghwaan ea ghaamwat ea gatmoadaanyi ea diibigaaschi ea orjooga ghaamwat ea haweega ghaamwat, nea ea mwasida eaweagaaschi moamu ghoah giinealaneedeanyu.

Giidaheechta 11:7

Iidu nea niihiit muuwnooda nyaawa, gaygang'uchi diyeaydida leabu jeeda shoomanda mamuudeanean sea saawa, ak gayghwajoar ak gwanuus saawa,

Giidaheechta 1:2

amadu gamuuwu Yohana iita ng'asheanda ASEETA ea muuwuunooda iita Yesu Gristo, ea iita haleanjeeda sean ghayi dea.

Gadiyeeda Giijasoodiga 21:13

Ghwalamda Bawlo ak gwayeesha, “Agooga goosinyi naaha, shooka nea googasayi ang'udanaan gurooroodeanyu muuwda? Aba gideaba meakghusa gideaba geeratean, geawooschi hidaat eara eenuusan aba Yerusalemu aba gheawunga Ng'utamiida was Yesu Gristo.”

Giidaheechta 19:10

Ak geabeedeaysi madeeda geeshangaaschi ak ghaaghadoawanyi niny hean gwayeeshiinean, “Adiidu gisini ng'asheesu! Aniini geawooschi soomjeanda sea ang'iing'i sea fuga iduupcheewi mideawa muuwuunooda Yesu. Ghadoawana ASEETA.” Aba gideaba muuwuunooda Yesu guroorooda sibaneanduumeeda.

Giidaheechta 6:9

Iidu nea gootin giirooraneedeaba muut, hean ghaadaayi aba jeeda heeda wagiida gurooruunatka fuga ghayi silajaada gheatkweaka aba badayda Ng'asheanda ASEETA, ak gamuuwu ng'asheesu;

Giidaheechta 2:17

Gilinyoo googar iita, dayiinya ng'asheanji rukusa Guroorooda ganiisajeegean. Nea siida jooriischi gaydaadaw hamita siguura maana ghayi sifuy ak gaydaadaw lagheaneedeesh, ak badaydeaba lagheaneani geeng'oorsa gheawunga eashish, mwanala sih geaghus siidida ang'waayiin.’

Giidaheechta 2:13

“‘Ghaanali heediibiiti, heeda mida hoorgeeda gheambalmeeda Shataani gil; ak ang'iing'i ea niing'waanyi muuchi gheawungeasu, ak ea mii heawana masaweegeasu eara damandida bea Antipa was muuwshoocheandeanyuun, was siideanyu doabiiwaat, sinuuksa bugusteang'wa, was heeda abiita Shataaniin.

Giidaheechta 1:9

Aniini geawooschi Yohana, orjeeda giyeang'wa deaghayi oopareanyeewi sawanadeeda ea sugoocheanduumeeda ea milikghteayda nea ghoahang'waanyi, nea gwanda ng'eanyiida neaweesa beega siguura Batmo aba badayda ng'asheanda ASEETA ea muuwuunooda ng'asheega Yesu.

Giidaheechta 12:17

Hean gwanyareeksa ichibooda gatmoodida, ak ghang'eat gawa ghoang'eat ng'ucheeda sea jeata siipuut bea gatmoodean, sea fugiga ang'waay digheanyeeka ASEETA nea gamuuwu iita Yesuun. Ak ghamiinaada aba badayda iseaskweanda basooda.