Giidaheechta 11:8 - Bibliyeeda Ghaydit

⁸ nea muscheeka nyaawa gaygwalil aba ghuuta naweeda mujiineedida hawiin, nea geegala Sodoma ghana Misri, was heeda ghayi singoorsa Ng'utamiida nyaawa.

NEAJEEDA EESH BEA BUUNEESSEAN

⁸ nea muscheekka nyaawa gaygwalil aba ghuutta naweeda mujiineetta hawiin, nea geegala Sodooma ghana Miisri, was heeda ghayi singoorsa Ng'uttamiida nyaawa.

Giidaheechta 11:8 Referans Kwoze

YEREMIYA 23:14

Nea aba jeeda sibanga Yerusalemu ea naadaayi ng'asheanda nung' ghahamng'eanyi buuneeda inyeesa gamealuuli nea gwanaba ng'uyeega; inyeesa ghaweat fuga sina ng'asheega munyas, nea manda dea jea ghwayamwa geaw jeeda munyinda; aba giteena saawa niwuurji fuga Sodoma aba heedeanyu, nea fuga mida hoowa ea niwuurji Gomora.”

Giidaheechta 18:10

ak gayghamiinaada nea sheagi, aba muuwda sawanadeadaanyi, nea gwayi, “Eamuy daanyi! eamuy daanyi! mujiineedida hawiin, mujiineeda Babeli mideawa uurda! Aba gideaba jeemba aseadeanagi gayghwahidu girgweaksiindaang'u.”

Giidaheechta 18:21

Hean gagatkat malaykajeanjagi mideawa uurda, lagheaneeda uurji lagheaneeda haw bea ng'ealdeayda ak gwajaksa jeeda basooda, nea gwayi, “Asi gajeejakseey ng'eanyi Babeleedida was mujiineeda hawiin aba nyarasta, ak ea maygudu eebiikta eadaah;

Ebraniya 13:12

Eara Yesu gwasawana aba madeetooshta ak abeeda ghoamiidu buuneeda aba foojeandaanyi.

Giidaheechta 18:18

gooyeawda iidaah aroosta beasta sighwardaawa niny, “Ana mujiinajean gil uurji mujiineani hawiin?”

Giidaheechta 11:9

Aba eawooji samwagu ea gil gang'ula headiga buuneeda ea eemoojiga ea iita ea darooraka guumng'eega nyaawa ak ghaheawa gideaba gajeebuy.

Yuuda 1:7

gawuurji Sodoma ea Gomora ea mujiinajeega neekeewa, fugiga abeeda gwasina ng'asheega munyas gawuurji gidaghayi sin fugiga nea geayaat geeshta ng'asheega saseeda nea geegala ak ghwanyas girgweaksiinda beasta manda muudeanooda.

2 Betro 2:6

nea iiyam mujiinajeega Sodoma ea Gomora, ak ghwanung' ghoah deareeda ak ghwaaga ghoorjooda saawa ak gwanuuseada nea ghwanung' ghoah gichea eegala aba heeda fuga mabata ASEETEAN;

Mattayo 10:15

Aba huumwa geayeesheegwa eaweeda girgweaksiinda gajeawusus ng'eanyiida Sodoma ea Gomora gamilikghteaysa ghoorjooda eaweeda girgweaksiinda ea ghang'al mujiineedida.

AMOSI 4:11

“Ea naanung' goosha fiisu ng'ay aba jeedeang'wa, gawuurji gidaghayi nung' ASEETA gooshealda fuga Sodoma ea Gomora, ak gawuurji ghweendooda silealna jeeda beasta; ak ea mii abiikni heedeanyu,” gwarugu NG'UTAMIIDA.

ESEKIELI 23:27

Ak aniini ea gichea danung' gooshealda hiseadayeanduumeadaang'u gil, ea mealuuleagaagu ghayi iyeani ng'eanyiida Misri. Adiidu gigatkadi gheanyangaagu ak giipkaadi gicha Misri.

ESEKIELI 23:19

Ak ghoahaat hiseadayeanduumeadaanyi iyapkaat eawoojiga huduumeadaanyi damanda sina ng'asheega hiseadayeanduumeadaanyi aba ng'eanyiida Misri.

ESEKIELI 23:8

Hean gawa mwadi aba hiseadayeanduumeadaanyi ghayi ang'eat ghuuta aba ng'eanyiida Misri aba damandida, nea gudea huda gil ak gaweay headiga heeda ak gwasin gida gasa aba headaanyi.

ESEKIELI 23:3

Damanda mideewa ng'eanyiida Misri, aba huduumeanyaawa, hean ghamwas eeng'oonyi gidinga nyaawa ak gamealuul ak gwahiseada.

ISAYA 3:9

Inyeessa gidaahi gheamamuunatka nyaawa, gamuuwu riing'eega nyaawa uurji gea Sodoma, ak ea meafunya. Ashageada! Aba gideaba nisar gea munyas aba badahuuka nyaawa.

RITEAYDA 20:2

“Aniini geawooschi NG'UTAMIIDA was ASEATAANG'U, ghayi aruunaneey ng'eanyiida Misri, aba gheeda soomjeandumeeda.

RITEAYDA 3:7

Ghwalamda NG'UTAMIIDA ak gwayeesha, “Naadaayi sawanadeeda fugeasu mida Misri, ak ea naayiinyi shooka nyaawa, sissa fuga nyaawa hees, ak ghaanali sawanadeeda nyaawa,

GIING'EETA 19:24

Hean ghwanung' NG'UTAMIIDA ghwaroabwan roopta ea lagheanga beasta abina humng'eeda heeda NG'UTAMIIDA ak gwaroobassa Sodoma ea Gomora;

GIING'EETA 13:13

Abeeda fuga Sodoma ea munyas, ak gaba riing'a muuchi aba madeeda NG'UTAMIIDA.

Giidaheechta 18:2

Hean gaguurda aba nyeashta haw nea gwayi, “Niibeadi, niibeadi Babeleeda haw! Niwoosi heeda jea goobiida meangeenda, ak ea heeda abiita gilinyoo ea guroorooda muy, ea heeda abiita gilinyoo ea dariideanda muy;

Giidaheechta 16:19

Hean gwaheeli mujiineedida hawiin niba samwagu, ak ghoabeada mujiinajeega eemoojiga, ak ghoapkaat ASEETA Babeleedida hawiin, ak geataw gweeriida difaayeeda nyarastaanyi.

Giidaheechta 14:8

Gweadu geeshta malaykajeanda nuut bea iyeenya, nea gwayi, “Niibeadi, Niibeadi Babeleeda haw, aba gideaba ginung' ghwali eemoojiga sean difaayeeda gidida igasayi muyiin.”

Giidaheechta 11:13

Nea aba damandida abeeda gwanda sawooda haw bea ng'eanyiida, ak ghoabeada meatkweanagi mwanang' bea mujiini; ak gameewa fih sagalamnyooji ispwa aba sawoodida bea ng'eanyiidean, ak ghang'ut muuwda gea siipuut, ak ghoaghaambiit ASEETA humng'eeda.

Ebraniya 6:6

amadu ghwayam geaw nea nitambiilan, nea abeeda ea niingoor Orjeeda ASEETA aba gidagasiida saawa ak goong'ooysa humng'eeda aba foolda.

Gadiyeeda Giijasoodiga 9:4

Goobeedeaysa ng'eanyi ak ghwanya ghuuta siida nea gwayeesha, “Sawli, Sawli, ghwasaan anda gighabwaschaan?”

YEREMIYA 26:23

Hean ghoang'waayi Uriya aba Misri ak gweadu heeda sugoocheanda was Yehoyakimu, hean ghabwara ng'uta ak gabung'sa mustaanyi heeda bung'eadinga fuga gealaani.

Giidaheechta 18:24

Nea jeadaanyi geenyasa foojeanda sibanga ea gea fuga ghaydidi, ea gea fuga ghayi sinuus aba badayda ng'eanyiida.”

Giidaheechta 17:5

ak gheamamdaanyi geeng'oorsa gheawunga makcheameeda, “Babeleeda haw, gheamata fuga hiseada bea ng'asheega munyas bea ng'eanyiida.”

Giidaheechta 17:1

Hean ghwahidu malaykajeanjagi bea jeedeaba giika asispwa mideawa gweeraji ispwaan ak gwayeeshiinean, “Beeni, gaydaahiimneey girgweaksiinda hiseadayda haw abiita badayda beega saang'aan,

ESEKIELI 37:11

Ng'ata gwayeeshiinean, “Ea orjeeda siida, geaksu fuga sean bea Israeli gil. Ng'ula, saawa gwayi, ‘geakaasa nigajeamiidi gidasirarji mudu gwanda ak ea siisheali.’

ESEKIELI 16:46

Huda geamadu haw Samariya gil, sea haweagaaschi gwanda meatkweadaang'u bea wiilooda ng'eanyiida ghayeawa. Nea huda geamadu mwanang' Sodoma gil, sea haweagaaschi gwanda meatkweadaang'u bea wiilooda ng'eanyiida biyeara.

ESEKIELI 16:49

Ng'ula, giidiinyeanda huda geamadu was Sodoma, abeeda nih gil. Ghwarjeeda, ea lang'uudadeeda hamita, ea nyageadayda, suh abeeda gwanda jeadaanyi ea haweagaaschi, ak ghwanung'waada weeta fuga barbari ea gea gasa weeta.

Giidaheechta 14:20

ng'ata geadatas gidida muura difaayiin aba jarooda heeda mawoosa mujiini, hean gwarina foojeanda jeedeaba gidida muura difaayiin, ea gageawiit ea gooyang'da ghealooda faraasi, ea gooyang'da gilomiitaji bughalaji iyeenya ea seedam ea damwalah.

Giidaheechta 17:18

Ak gatmoodida idaahiin ea mujiineedida hawiin gil mideawa giimbaliischooda aba badayda sugoodiga badayda ng'eanyiidean.”