Giidaheechta 11:10 - Bibliyeeda Ghaydit

¹⁰ Nea fuga mida badayda ng'eanyiida gaygahoosan aba badahuuka nyaawa nea gang'weela ak saawa gweatiisa geat haleanjeeda siipareanyi, aba gideaba sibang'su asiyeenyean gwasawan fugiga mida badayda ng'eanyiidean.

NEAJEEDA EESH BEA BUUNEESSEAN

¹⁰ Nea fuga mida badayda ng'eanyiida gaygahoosan appadahuukka nyaawa nea gang'weela ak saawa gweattiisa geat haleanjeeda sippareannyi, aba gideaba sibang'su assiyyeenyean gwasawan fukka mida badayda ng'eanyiidean.

Giidaheechta 11:10 Referans Kwoze

1 SUGOODIGA 18:17

Hean nea ghwadaah Ahabu Eliya, gwayeesha Ahabu, “Nea ang'iing'i ea muwoosi siida ayuuk fuga Israeli?”

Giidaheechta 3:10

Aba gideaba niing'waanyi ng'asheandeanyu bea milikghteayda nea giihang'waanyi, ak aniini gaydafurnyi, nea giriti aba damanda simsimda jea gwahissa ng'eanyiissean, ak gwasimsim fuga mida badayda ng'eanyiida.

Gadiyeeda Giijasoodiga 5:33

Iiy fugiga ng'asheesu gwanyareesi muuchi, ea gagasa gwanuus saawa.

Yohaana 7:7

Ng'eanyiida moamu ghwasteagwa, duuku aniini ghwastan aba gideaba geamuuwu gideaba gadiyoojigaaschi ea munyas.

Mattayo 10:22

Nea gayghwasteagwa buuneassean aba gheawungeasu. Nea siichea ghamilikghta ea gamuudean abeeda ea siichea eelealu.

MIKA 7:8

Adihoosani aba badaydeanyu, Ea weajoocheandeanyu; inyas ghaabeadi, gaydamiinaada gicha; inyas geapteadi aba jeeda misaneeda, NG'UTAMIIDA gayghoah weeshinda aba heedeanyu.

1 SUGOODIGA 22:8

Ng'ata gwayeesha sugoocheanda Israeli Yehoshafati, “Gwanda siyagi jea eepearsiina ng'asheanda NG'UTAMIIDA, Mikayaheeda was orjeeda Imla; nea aniini ghaasichi niny, aba gideaba moang'wa ghwaramoaran gea miyaasiin aba heedeanyu, geaghus gea munyas.” “Manda adiidu ghwanyaashtunu sugoocheanda.”

Giidaheechta 13:14

nea aba gwadeagwajeega siitaw gwasin aba madeeda diyeaydean, hean gwareengani fugiga mida ng'eanyiidean, ak ghwanung' gwasin giduurji diyeayda silasa ng'uta ak ea gudugwanda;

Giidaheechta 13:8

nea haleanjeeda sean mida muunda ng'eanyiida gayghaghadoawan niny, giliwas sih miyeeng'oorsa gheawungaaschi jeeda gitaabooda eaweega bea Dayeenda Gisilleanda ghayi sinuus nea miyeebwat sindeeta ng'eanyiida.

1 Goriinto 13:6

ak ea mahoosaniisiina ng'asheega munyas, iissa gahoosasa ng'asheega doobiiweadi.

Yohaana 16:20

Aba huumwa, aba huumwa, geayeeshiineegwa, agooga gajooyeawda nea googutu heareega ak gaygang'weela ng'eanyiida, gajoogiisana amadu gayghwayamwa giiseaneegeagwa ak ghoah hooseaneega.

YEREMIYA 38:4

Hean ghwalamda fuga hees ak gwayeesha sugoocheanda, “Siisi ghang'wana geabwar ghami, aba gideaba ghwanung' gang'arng'ariidi geatinga lugooda ng'ucheeda siipuusa jeedeaba mujiineani, ea geatinga buuneesean, aba badaydeaba ng'asheesu sirukusa saawaan; Aba gideaba siisi magakiisiina fiisu ng'asheega miyaasiin gagakiisa gea munyas.”

GHWASIILDEANGA 24:17

Adihoosani iyabeada weajoocheandaang'u nea adagang'weela gurooroadaang'u iyabeada weajoocheandaang'u;

NYIIGHEEGA 89:42

Ak ea nighwar geatinda dugwa bea weajoodigaaschi ninung' gahoosan buuneesean was weajoodigaaschi.

NYIIGHEEGA 13:4

adiidu gwayi weajoocheandeanyu, “Naajoarji niny”; ak abeeda gahoosan weajoodigeasu aba gideaba geetuumduum.

1 SUGOODIGA 22:18

Ng'ata gwayeesha sugoocheanda Israeli Yehoshafati, “Neada ea mearukuneeyi gideaba maygamuuwu ng'asheega miyaasiin aba badaydeanyu, geaghus gea munyasi?”

1 SUGOODIGA 21:20

Gwayeesha Ahabu Eliya, “Ninyaschaan, Ea weajoocheandeanyu?” Hean gwayeesha Eliya, “Naanyascheey, aba gideaba nishaaydi geaw aba heeda siida muy aba madeeda NG'UTAMIIDA.

Giidaheechta 16:10

Goohiisa malaykajeandida bea muudiin gweeriidaanyi badayda hoorgeeda gheambalmeedeaba diyeaydida, ak geenung' gamisaniit sugoocheanduumeadaanyi; hean ghwanyeanyea buuneeda ng'ushapkeaka nyaawa aba siilalga

Giidaheechta 12:13

Iidu nea ghwadaah ichiboodida gideaba sijaksa badayda ng'eanyiida, hean ghwaat geeshteaba gatmoodida jih baleanda was baleandean.

OBADIYA 1:12

Ak ea ading'ulayi eawoojiga orjeeda geamadu was eawoojiga habitkwajeega; ak ea adihoosani aba badayda fuga Yuda eaweeda habitkwajeega nyaawa; ak ea adiidiing'u geaw eaweeda sawanadeeda.

YEREMIYA 50:11

“Earapeadi ihoosaniin, earapeadi ing'weelayiin, Ea fuga geanda hearaniischoodeanyu, goodeambiiriidi haghweanda datas booga, nea agooga gooyeawdeaydi faraaseeda mideawa uurda,

NYIIGHEEGA 35:19

Fuga was weajoodigeasu adinung'waadi ghwaak badaydeanyu, nea fuga sidan ea adagwajuukean mwadaagha.