Biblia Todo Logo
Bib sou entènèt

- Piblisite -




Giidaheechta 10:5 - Bibliyeeda Ghaydit

5 Nea malaykajeandida gwachi aadaayiin ghamiinaada aba jeeda basooda ea badayda ng'eanyiidean ghamiinda geatindaanyi bea dugwa googeal humng'eeda,

Gade chapit la Kopi

NEAJEEDA EESH BEA BUUNEESSEAN

5 Nea malaykajeandida gwachchi adayiin ghamiinaada aba jeeda basooda ea badayda ng'eanyiidean ghamiinda geattindaannyi bea dugwa googeal humng'eeda,

Gade chapit la Kopi




Giidaheechta 10:5
29 Referans Kwoze  

Iidu siidida akwa hang'weaka miyaas, nea ghamiinaada aba badayda beega ghealoodean, gagatkat geatindaanyi bea dugwa ea geatindaanyi ghaadaam nea googeal humng'eeda; ak ghayiinyi nea gweaksa habeawooda dea mida damanda manda muudeanooda, gideaba gaygwanda damanda, ea damanyooji iyeenya, ea gidamwahita damanda; nea iidu nea sihirja uurda fuga ghaydidi ak gamuudean, abeeda ng'asheesu seaniin gajeahiit.


Aba gideaba geagatkachi geatindeanyu deageal humng'eeda, ak ghaayaaji habeawooda, nea geayeenyi, Gideabiideadi damanda manda muudeanooda,


Goohiisa malaykajeandida bea ispwaan gweeriidaanyi humng'eeda, ak gwarina nyeashta haw jeeda gheeda sibata ASEETA, heeda hoorgeeda gheambalmeeda, nea gwayi, “Nigeawiit gwasa!”


ak gwayi aba ghuuta haw, “Oawala ASEETA nea ghoatawji niny giigheambiita, aba gideaba damanda girgweageadaanyi nihidu; aghadoawana niny deabwat humng'eeda ea ng'eanyiida, ea basooda ea gheanyanga eenda.”


Nea gwandeawa gitaabooda mwanang' giitineat aba geatindaanyi. Ak ghoalaabwa geeshtaanyi bea geatinda dugwa jeeda basooda, nea geeshtaanyi ghaadaam ghoalaabwa badayda ng'eanyiida.


“Ng'utamiideanya was ASEETA gamiiseey ang'iing'i giigheambiita ea mureeda ea uurda, aba gideaba ghayi gisini haleanjeeda sean, nea aba gidigasiidi gisini ak goobiida.”


Nea geeyi, “Buuneeda, ghwasaan anda goosinyi ng'asheesu? Aseasa geawooschi buuneeda mideawa searoojiga uurjeewaneegwa, ak geapkaanyi eerukuneegwa giijasta miy, ak ghoanung'waadi haleanjeeni bea mwadaaghaan, ak gooyamsi geat ASEETA majeek ghayi bwat humng'eeda ea ng'eanyiida ea basooda ea haleanjeeda sean mida jeeda.


Ak ghoadaw diyeanga majeekcheewiin giigheambiita ea mureeda ea badiischooda ninyeeda apteada aba uhuuda hoorgeeda gheambalmeeda maygoosha, damanda manda muudeanooda,


ghayi ghaameayi, ak ging'ulayi geawooschi majeek; ghayi ghaameayi, asi ng'ula geawooschi majeek damanda manda muudeanooda, ak geandeawi gisiitina gidaghuuta Miyeeda ea Gheeda maloonghajeega.


Ghwalamda Esra ak gwayi. “Ang'iing'i guwoosi NG'UTAMIIDA, nea gibwaageaw; nea gibwadi humng'eeda, ea humng'eeda mida humng'eeda, ea lugoadaanyi sean, ea ng'eanyiida ea haleanjeeda sean mida jeeda, ea baskweega ea haleanjeeda sean mida jeesinga nyaawa; nea haleanjeeni seaniin giidiiwi ang'iing'i; nea ghabwannyi lugooda humng'eeda.


aba gideaba NG'UTAMIIDA gagadiiy eawooji lah, ak gwasin humng'eeda ea ng'eanyiida ea basooda, ea haleanjeeda sean mida jeeda, ak gafuuf eaweedeaba ispwa, ng'ata ghoadaw NG'UTAMIIDA ghawooda eaweeda Sabaato nea ghoaghaydiit.


Ng'ata gwayeesha Abramu sugoocheanda Sodoma, “Aniini neayeaksi habeawooda NG'UTAMIIDA was ASEETA haw bea humng'eeda, ghayi sin humng'eeda ea ng'eanyiida,


Aba gideaba damanda sina ASEETA heeleesiinda sea Abrahamu, nea abeeda ea manda siida haw jea gweaksa habeawooda, gweaksa geaw habeawooda,


Hean dea sisna ng'eanyiida aba gidameadaakta niny, raanya uurdaanyi maygamudean aba gidawasta ASEETA, sidaah aba jeeda haleanjeeda ghayi sisin.


Aba damanda aang'ataawi, ghaadaayi haleanjeedeang'wa bea ghadooweeda, ghaadaayi aba heeda wagiida heeda sing'oorsa ng'asheesu, ‘Heeda aseeta meadaaha.’ Siida oobadayi nea moanaliin, dea earukuneegwa iitaanyi.


Eeshiina gwayi NG'UTAMIIDA was ASEETA, eaweeda ghayi aaloadi fuga Israeli, ak geayeaksi habeawooda jeata Yakobo. Ak geahiimsi geaw saawa aba ng'eanyiida Misri, ak geayeaksi habeawooda nea geayeeshi, Aniini geawooschi NG'UTAMIIDA was ASEETEANG'WA.


Dahoosana dea was ASEETA Yakobo musanyeandaanyi, nea ghaghus NG'UTAMIIDA was ASEATAANYI,


Ak gaydeaneegwa ea daahiineegwa ng'eanyiida ghayi eayeaksi habeawooda gideaba gaydaadaw Abrahamu, ea Isaka, ea Yakobo, gaydagooneegwa ahearana. Aniini geawooschi NG'UTAMIIDA.’”


Ak gajalacha oogasean nea goonung' gwadeenyi, ghayi naayaaji habeawooda gideaba ng'eanyiini gaydaadaw ghweanigeagwa, ak gayghoah daanyaawa.


Asi gwayi NG'UTAMIIDA was ASEETA, neagatkachi geatindeanyu nea geayeenyi aba huumwa eemoojiga neekeeweegwa mida meadajeega sean, saawa gayghwaat baspaseega nyaawa.


Ak gajanala gideaba aniini geawooschi NG'UTAMIIDA, iyeanung' aweayeena jeeda ng'eanyiida Israeli. Ng'eanyiida ghayi aayaaji habeawooda gideaba gaydaadaw ghweanigeagwa.


Iidu nea ghaayaachi ng'eanyiita ghayi eayeaksi habeawooda gideaba gaydaadawiin, hean iisidaah heayeeda geaw ghana geeta mideawa seenga saang'a, hean geatayda haleanjeeda sisabwa geadi bea ghadooweeda ea lukghumajeega nyaawa nea geesajan nea aba hoowa geatayda lukghumajeega ng'andidi shearu, ea haleanjeeda sisabwa geadi sileeha.


Hean geayeaksi saawa habeawooda aba dareapcheeda gideaba gaydeadearsa jeeda eemoojiga nea ghaanung' gaweay jeeda darooraka.


Hean geayeaksi saawa habeawooda aba jeeda dareapcheeda gideaba, maygut danung' gaweay jeeda ng'eanyiida ghayi aadawji saawa. Ng'eanyiida nyiit eanooga ea maleeda, nea ea ghaambiidaat ea ghang'al ng'eanyoojiga sean aba alooheeda.


Swiv nou:

Piblisite


Piblisite