Giidaheechta 1:8 - Bibliyeeda Ghaydit

⁸ “Aniini geawooschi Alfa ea Omega,” dea madeeda ea dea huuydean, aba ginyah Ng'utamiida was ASEETA, dea mida ea dea bean gwanda ea dea jea ghwahidu, was ASEETA mideawa uurda.

NEAJEEDA EESH BEA BUUNEESSEAN

⁸ “Aniini geawoschi Alfa ea Omeega,” dea madeeda ea dea huydean, aba ginnyaa Ng'uttamiida was Aseetta, dea mida ea dea bean gwanda ea dea jea ghwahidu, was Aseetta mideawa uurda.

Giidaheechta 1:8 Referans Kwoze

ISAYA 44:6

Gwayi NG'UTAMIIDA was sugoocheanda Israeli was lealnoocheandaang'u was NG'UTAMIIDA lugweega: “Aniini geawooschi dea madeeda ak geawooschi dea huuydean; ak ea manda aseeta nuut geakghusan.

Giidaheechta 22:13

Aniini geawooschi Alfa ea Omega, dea madeeda gil ea dea huuydean, was dea giing'eeta ea dea huuydean.”

ISAYA 43:10

“Agooga goowooschi muushoodigeasu,” gwarugu NG'UTAMIIDA, “ea siideanyu bea gadiyeeda aaloachi, ak abeeda ghoanali nea ghoamwaschaan ak ghoanali gideaba aniini geawooschi siidida. Damanda miidahina manda ASEETA nuut nea manda dea jea ghwahidu.

ISAYA 48:12

“Aleeysean iit Ea Yakobo, Ea Israeli, ghayi geaguurneey! Aniini ASEETA gil, aniini geawooschi dea madeeda, ak geawooschi dea huuydean.

Giidaheechta 21:6

Ak gwayeeshiinean, “Nisa! Gideaba Aniini geawooschi Alfa ea Omega, giing'eeta ea huuydeanda. Siida bearji muwoash gaydaadaw mwadaagha beega leabu gheang'deenda mideawa eaweega.

ISAYA 41:4

Ng'asheesu seaniin gwasin ng'eaha, ghayi gaguursa jeacheenga aba giing'eeta? Aniini geawooschi NG'UTAMIIDA, dea madeeda ea dea huuydean aniini gil.

Giidaheechta 1:4

Yohana heeda ganiisajeega asispwa mida Asiya: Gagasa anyasa dagheerjeanduumeeda ea hoyyooyda leabu heeda dea mida ea dea bean gwanda dea jea ghwahidu, leabu heeda gurooruunat ispwa mida madeeda hoorgeadaanyi bea sugoocheanduumeeda,

Giidaheechta 11:17

nea gwayeena, “Geebadiischooweey ang'iing'i, Ng'utamiida was ASEETA mideawa uurda, gindi nea gibean midana, aba gideaba nigeandi uurdaang'u haw ak giimbaliischi.

Giidaheechta 1:17

Iidu nea ghaadaayi niny, geabeedeaysi geeshangaaschi ea dawuurji siida nimi. Hean ghwayiin geatindaanyi bea dugwa uhuudeanyu nea gwayi, “Adibeali, Aniini geawooschi dea madeeda ea dea huuydean ea dea majeek;

Giidaheechta 2:8

“Heeda malaykajeanda ganiiseeda Smirna ng'oara, ‘Ng'asheega madeeda ea dea huuydean, was dea ghayi meah ak gabiikta gamajeegiit.

Giidaheechta 4:8

Nea diyeanga asang'wan majeekcheewiin, gaba nih bea meang'i lah, hean ghoang'wearu gang'ula meadajeega ea jih, nea askweari ea eawa ghanyea mii ghwanung'waada sarmeeda, “Dea Ghaydit, dea ghaydit, dea ghaydit, Ng'utamiida was ASEETA Haw Uri, niny dea mida ea dea bean gwanda ea dea jea ghwahidu.”

2 Goriinto 6:18

Gaydoaw Bwaabwa aba heedeang'wa, ak gajahuuwa agooga orjoogeasu ea haweegeasu, gwarugu Ng'utamiida mideawa uurda.”

ISAYA 9:6

Aba gideaba siji baleanda aba badahuukaasa, sigooneasa baleanda was baleanda; ak niny ghoamu sugoocheanduumeeda, ak gajeeguura gheawungaaschi “Siida argweakiisa buuneeda daamdaamwaat, ASEETA hoauur, ghweanda manda muudeanooda, Sugoocheanda mideawa hoyyoo.”

GIING'EETA 49:25

aba ASEETA ghweandaang'u jea ghaweanyi, aba ASEETA hoauur jea gagoonyi ghawooda aba ghawooda leabu humng'eeda sheagi, ghawooda leabu heeda beega mida uuta ng'eanyiida, ghawooda gidinga ea dea jeata,

Giidaheechta 19:15

Ak gwarina ng'uta ng'aniip ghuutaanyi jea ghabwara eemoojiga, ak gayghoahaaghwiida saawa bileangida gharinyeanda; nea niny ghoalaapta ng'eanyi shoomanda difaayeeda bea nyarasta haw bea ASEETA Hoauur.

Giidaheechta 16:14

suh gurooruunatka meangeenda gil, sina gwadeagwajeega, inyeessa gwarita ak gaweesa sugoodiga mida giigheawda bea ng'eanyiissean, ak ghoamughuush saawa aba ng'ucheedida aba eaweeda haw bea ASEETA Hoauuriin.

Giidaheechta 21:22

Ak ea mwaadaahi, gheeda sibata ASEETA aba mujiini, aba gideaba gheenyaawa sibata ASEETA Ng'utamiida was ASEETA Hoauur ea Dayeenda Gisilleanda.

RITEAYDA 6:3

geabussinyeewi Abrahamu, ea Isaka, ea Yakobo, gawuurji ASEETA hoauur, ak gheawungeasu was NG'UTAMIIDA ea mii danung' ghwanal saawa.

Giidaheechta 1:11

“Ng'oorsiina haleanjeeda idaahi jeeda gitaabu ak giyeasi ganiisajeega asispwa, dea Efeso ea Smirna ea Bergamo ea Diyatira, ea Sardi ea Filadelfiya ea Laodikiya.”

GIING'EETA 35:11

Ng'ata gwayeesha ASEETA niny, “Aniini geawooschi ASEETA hoauur: jiila ak gisaang'ayiidi; jeataang'u gayghoah eemoojiga, ak gaygwaleabu sugoodiga headaang'u.

GIING'EETA 28:3

Gagasa gagoonyi ASEETA haw ghawooda ak ghwanung' anyasa jeata ak ghoasaang'ayiichi, ak ghoahuuyi eemeeda saang'a.

GIING'EETA 17:1

Iimuchu nea gaba Abramu gweanyeew seedam ea damashageash ghwahidu NG'UTAMIIDA heeda Abramu, ak gwayeesha, “Aniini geewooschi ASEETA Hoauur; una asheedeawanean nea meeyeateeweey ghuut.

IITOODA 24:4

Gwayi, siida iiy ng'asheega ASEETA, siida daah gidahiimsa ASEETA hoauur, siida duguy ak ea meedukuta gheanyanga;

GIING'EETA 43:14

gagasa ghwanung' ASEETA haw ghabwaydaneegwa siida, ak gagooneegwa orjeeda giyeang'wa niirja sea Benjamini. Ama jea gwarooda diibigeasu, gaygwarooda.”

GIING'EETA 48:3

Ng'ata gwayeesha Yakobo Yosefu, “ASEETA hoauur gabusean aba Lusu mida ng'eanyiida Ganaani ak gagoonan ghawooda,

RITEAYDA 3:14

Gwayeesha ASEETA Musa, “ANIINI GEANDI WAS DIITA BEAN GWANDEAN.” Ak gwayeesha, “Nih gichea rukusiinda fuga Israeli gil, ‘ANIINI GEANDI goojeaknean heedeang'wa.’”

Giidaheechta 15:3

Ak gwasarman duumda Musa, was soomjeanda ASEETA, ea duumda Dayeenda Gisilleanda, nea geeyi, “Gadiyoojigaagu isinayi ea hees nea deamdeameadi, Ea Ng'utamiida was ASEETA Hoauur! Naweadingaagu doobiiwnata gil ea huumwa, Ea Sugoocheanda gweanyeeka sean!

Giidaheechta 16:7

Ak ghaayiinyi heeda wagiida nea gooyeawda, nea gwayi, “Huumwa gil Ng'utamiida was ASEETA mideawa uurda, girgweaguutkaagu huumwa gil nea ghwadoabiiw!”

Giidaheechta 19:6

Hean ghaayiinyi ghuuta uurji dea eemeetuw, ak ghwanyaashta ghuuta beega saang'a ak gabiissa ghwanyaashta dea giighweandandeeda haw nea gwayi, “Haleluya! Aba gideaba Ng'utamiida was ASEETEANYA Hoauur niimbaliischi.