Giidaheechta 1:7 - Bibliyeeda Ghaydit

⁷ Ng'ula, ghwaan nea goodeana shamooghuutka, ak gayghwadaah niny giliwas gheang'da, ea giliwas sih ghayi ng'ut niny; ea eemoojiga sean bea ng'eanyiida gaygagutu heareagaaschi. Asaha. Amin.

NEAJEEDA EESH BEA BUUNEESSEAN

⁷ Ng'ulla, ghwaan nea godeana shamooghuutka, ak gayghwadaa niny giliwas gheang'da, ea giliwas sii ghayi ng'ut niny; ea emoojiga sean bea ng'eanyiida gaygaguuttu heareagaaschi. Asaha. Amin.

Giidaheechta 1:7 Referans Kwoze

Mattayo 24:30

ng'ata gajeadaah gwadeagooda Orjeeda Siida aba humng'eeda, abeeda eemoojiga sean bea muunda ng'eanyiida gaygagutu heareega iidaah Orjeeda Siida nea ghwaan aba badayda shamooghuutka humng'eeda nea gwandeawa uurda ea giigheambiita haw;

SAKARIYA 12:10

“Gaydaadaw fuga gheeh Dawdi, ea fuga mida Yerusalemu guroorooda dagheerjeanduumeeda ea dea mooshta ASEETA. Ak saawa inyeesa ghwadaah deaghayi bwar abeeda gaygoonyahuushi aba badayda jeaptaanyi ghus, ak gajeadaah sawanadeeda aba badaydaanyi. Gawuurji siida daah sawanadeeda aba badayda duweacheadaanyi.

DANIELI 7:13

Ak ghaadaayi aba jeeda giirgweatka eaweeda, asi ng'ula, aba jeeda shamooghuutka humng'eeda ghwaan siida uurji orjeeda siida ak gawa heeda siida ghayi mideawa eaweega damanda manda muudeanooda ak geeyeadu ea ghwahidu madeadaanyi.

Yohaana 19:37

Gabiikta gwayi ng'ooruutka suuk, “Gaygang'ula fugiga heeta ng'udiin.”

Marko 14:62

Gwayeesha Yesu, “Ea ada geawooschi. Ghabwada nih gajadaaha Orjeeni bea Siidean nea goobideada aba meatkweeda geatinda dugwa bea ASEETA hoauur, nea goodeana shamooghuutka humng'eeda.”

Lukka 21:27

Ak gajeadaah Orjeeda Siida nea ghoana jeeda shamooghooda nea gwandeawa uurda ea giigheambiita haw.

1 Desaloniikke 4:17

hean abeeda aseaseeda siwooschi majeekcheewiin, sihuuydeanyiin, gajeesealdaneasa sea saawa aba jeeda shamooghuutka, ak geadeapti Ng'utamiida aba heetiyeada; ak abeeda gajeendeawana Ng'utamiida galeagasean.

1 Desaloniikke 1:10

nea ghoamuughu orjeedaanyi jea gwaleabu humng'eeda, ghayi aduuna miyeeda, nea Yesu gil, lealnaneasa nyarasta jea ghwahidu.

Marko 13:26

Ak gajeadaah Orjeeda Siida nea gwashuubeanda jeeda shamooghuutka nea gaygwandeawa uurda haw ea giigheambiita.

Yuuda 1:14

Aba badaydeaba suh Enoki aba seaygeedeaba ispwa ng'eada Adamu gayghwaramoaran, nea gwayi, “Ng'ula, Ng'utamiida ghwaan nea goodeana malaykajeagaaschi mwoamu eeyiida, gwanuuseada aba girgweaksiinda,

Mattayo 26:64

Gwayeesha Yesu niny, “Girgu ang'iing'i. Asi gaydayeeshiineegwa, ghang'eada ghamneawa gajadaaha Orjeeda Siida nea goopteada aba meatkweeda geatinda dugwa hoauur, nea ghoana badayda shamooghuutka humng'eeda.”

Giidaheechta 22:20

Nea siida muuwu ng'asheesu gwayi, “Asi aba huumwa ghaawunyi nea ghaalamwajaanyi.” Amin. Beeni, Ng'utamiida was Yesu!

NYIIGHEEGA 22:16

Aba gideaba nineaweesean gudajeega; ak ea nineaweesean mughuusheanda fuga munyas; ak ea niingoor geatingeasu ea geeshanga–

1 Yohaana 3:2

Orjooga aabwariinyi, asi ghamneawa siwooschi diibiga ASEETA; ak ea miighwadaajiit gichea eewuurjeewana, ak geanali gideaba iihidu gajeewuurjeewana niny, aba gideaba gajeadaaha giduurji.

NYIIGHEEGA 97:2

Niny gwaneaweesa shamooghuutka ea misaneeda durumwana; doobiiwnata ea girgweageeda sindeeta hoorgeadaanyi.

Ebraniya 10:29

Abeeda iing'ulayi gajea muydaan girgweaksiinda jea ghwanyas fuga ghasghas Orjeeda ASEETA, nea ghabwara ririnnyeanda foojeanda neajeeda ghayi simiina, nea ghoanyareas Guroorooda dagheerjeanduumeeda?

AYUBU 33:26

siida ghamwaash ASEETA ak ghamwas gida mwaash siida, ak ghwahidu madeadaanyi nea gahoosan ak ghoadaw siida lealeanoadaanyi,

ISAYA 19:1

Nih gisiihiimu gil aba badayda Misri. Ng'ula, NG'UTAMIIDA nidiyeada badayda shamooghooda weah nea ghwalamwajaada gaygawa ea ghwahita Misri; ak gaygaboodani sanaamajeega aba madeadaanyi, ak gayghwanyiit beega jeeda fuga Misri aba giyoonda.

NAHUMU 1:3

NG'UTAMIIDA mii asas nyaras ak gwandeawa uurda haw, ak NG'UTAMIIDA gaygageanda giidiinyeanda aba giduurji sean. Nea naweadingaaschi siga gwanda shaarara ea jeameeda, nea shamooghuutka ea birjeanda geeshangaaschi.

Yohaana 19:34

Hean gageanu Siyagi ak ghang'ut gisheajeega Yesu aba ng'uta, deagheata gwardu foojeanda ea beega.

IITOODA 24:17

Geang'ulayi niny, ak ea mii ghamneawa; geang'ulayi niny, ak ea mii neeki, gaygwarina miing'weanda jeeda Yakobo, nea bileangida gheambalmeeda gaygwarina Israeli; ak gaygwahirjeaweada gujaka Moabu, ak gwahirjeaweada orjooga sean bea Seti.

NYIIGHEEGA 68:1

ASEETA ghang'eat ak ghwadarda weajoodigaaschi; nea fuga sit niny gamng'aw aba madeadaanyi.

FUGA LAJA GIRGWEAGUUTKA 5:31

“Gagasa goosha weajoodigaagu sean, Ea NG'UTAMIIDA! Nea gea bwariinyi gagasa gawuurji gida arearriideayda aseeta aba uurdaanyi.” Hean gafuuf ng'eanyiida gweanyeew haradam.

Giidaheechta 22:4

ak gayghwadaah gheamamdaanyi, nea gheawungaaschi gaygwanda gheamamuunatka nyaawa.

Ebraniya 6:6

amadu ghwayam geaw nea nitambiilan, nea abeeda ea niingoor Orjeeda ASEETA aba gidagasiida saawa ak goong'ooysa humng'eeda aba foolda.

SAKARIYA 12:11

Eaweecheanji abeeda gaygwanda giinyahuushooda haw aba Yerusalemu. Gawuurji giinyahuushooda ghayi bea Hadad-rimoni aba mooheeda Megido.

Mattayo 16:27

Aba gideaba Orjeeda Siida gayghoana giigheambiita Ghwaan nea goodeana malaykajeega ak abeeda gayghoadaw gilinyoo ea sihi gidageatindaanyi aba sinaweagaaschi.

Mattayo 16:28

Aba huumwa geayeeshiineegwa, gwanda hiji bea jeedeang'wean fuga maygameewa, ea eaghus ea nidaah Orjeeda Siida nea ghoana jeeda sugoocheanduumeadaanyi.”

Mattayo 25:31

“Damanda jea ghwahina Orjeeda Siida aba jeeda giigheambiitaanyi, nea goodeana malaykajeega, hean gaygoopteada aba uhuuda hoorgeeda giigheambiitaanyi.