Giidaheechta 1:5 - Bibliyeeda Ghaydit

⁵ biissa gwaleabu heeda Yesu Gristoyda was muushoocheanda doabiiwaat, was duweacheeda fuga nimeewa, ak goombal sugoodiga mida ng'eanyiida. Heedeaba ninyeeda bwariinyeasa ak gootineasa eeheelleewana riing'eegaasa aba foojeandaanyi

NEAJEEDA EESH BEA BUUNEESSEAN

⁵ biissa gwaleabu heeda Yeesu Gristoyda was muushoochcheanda doabiiwaat, was duweachcheeda fuga nimeewa, ak goombal sugoodiga mida ng'eanyiida. Heedeaba ninnyeeda bwariinyeasa ak gottineasa ehelleewana ring'eegaasa aba foojeandaannyi

Giidaheechta 1:5 Referans Kwoze

NYIIGHEEGA 89:27

Ak gaydanung' ghoah duweacheedeanyu, ak goobiida humng'eeda sheagi muuchi ea ghoadaraam sugoodiga ng'eanyiida.

Ebraniya 9:14

abeeda gayghwaraanyaataan muuchi foojeanda Gristo, dea aba Guroorooda manda muudeanooda ghoadaw geaw ASEETA nea meerukunana badaydaanyi gidamuy, gayghoamiidu fughareengeagwa aba gadiyoojiga nimeewa ak gagadiiyeesa ASEETA majeek.

1 Yohaana 1:7

nea iisineayeewi jeeda weeshinda, gawuurji gidamideata niny jeeda weeshinda abeeda ea sibareanyi aseasa, ak foojeanda Yesuheeda was Orjeedaanyi gaygoohuun riing'eegaasa sean.

Giidaheechta 17:14

ak suh gaygang'uchi sea Dayeenda Gisilleanda, ak gayghwajoar Dayeenda Gisilleanda saawa, aba gideaba niny Ng'utamiida ng'utamoojiga gil ea Sugoocheanda sugoodiga, ak suh mideawa ninyiin ea gea geeguursa gea siloat ea gea doobiiweadi.”

Golosaayi 1:18

Nea niny ea uhuuda saseeda gil, nea dea Ganiisa, nea niny ea giing'eeta, ak ea duweacheeda leabu miyeeda, ak abeeda ghoah siichea goosheedeawa haleanjeeda sean.

1 Betro 1:19

geesina foojeanda haw sheayeat bea Gristo, uurji sea dayeenda gisilleanda manda sirjeeda ghana badeeda.

Gadiyeeda Giijasoodiga 26:23

bea gideaba Gristo gayghwanyas sawanadeeda, ea gideaba niny ii huuw dea asheeda eatuuna miyeeda, gaygwarukwiida iita weeshinda aba heeda fugaaschi ea heeda fuga Eemoojiga.”

Giidaheechta 19:16

Ak badayda hang'daanyi ea gibeestaanyi geeng'oorsa, gheawunga Sugoocheanda sugoodiga ea Ng'utamiida ng'utamoojiga.

1 Yohaana 4:10

Nea nih ea bariinyeega, mii gideaba geabwariinyi aseasa ASEETA ghabwariinyeasa niny ak goojeagu Orjeedaanyi ghoah dea adayda leadeeda riing'eegaasa.

Yohaana 18:37

Hean gwayeesha Bilato niny, “Asi ghamneawa ang'iing'i guwoosi sugoocheanda?” Ghwasha Yesu nea gwayeesha, “Girgu ang'iing'i gideaba aniini geawooschi sugoocheanda. Aniini geejiilan aba badaydeaba nih, nea aba badaydeaba nih ghaawunyi jeeda ng'eanyiida, gideaba gaydamuuwu huumeanda. Siida wassean mida jeeda huumeanda iissa gooleeysiit ghuuteanyu.”

Giidaheechta 3:14

“Heeda malaykajeanda ganiiseeda Laodikiya ng'oara: ‘Ng'asheega siida was Amin, was siida doabiiwaat was muushoocheanda huumwa, was giing'eeta haleanjeeda sean sin ASEETA.

Giidaheechta 7:14

Geayeeshi niny, “Siida mureeda, ginali ang'iing'i.” Hean gwayeeshean, “Suh fuga leabu jeedeaba sawanadeedida hawiini; ak ea niihuun hang'weaka nyaawa geawi ea ghwanung' gaweeriidi aba foojeanda Dayeenda Gisilleanda.

Mattayo 28:18

Ghwaan Yesu heanyaawa ak goobalool ak gwayeesha, “Sigoonan gheambalmeeda sean aba humng'eeda ea ng'eanyiida.

NYIIGHEEGA 72:11

Asi datkunya sugoodiga sean aba madeadaanyi, ak ea dagadiyeesiina eemoojiga sean niny.

1 Dimotteo 6:15

Aba gideaba iihita damandaanyi gay ghwadaajiinyi ASEETA niny geekghaambiit ak goombaliischi nea gabwageaw sugoocheanda sugoodiga Ng'utamiida ng'utamoojiga,

Efeeso 2:4

Nea ASEETA baruur aba baydeayda, aba jeeda bariinyeagaaschi haw aba gidabwariiydaneasa,

Efeeso 5:2

Ak ghoabeawi bariinyeega, gawuurji gidabwariiydaneasa Gristo ak ghoadayda geaw aba badahuukaasa, ak ghoah haleanjeeda sisapa geadi bea ghadooweeda ng'andit aba heeda ASEETA.

Gadiyeeda Giijasoodiga 20:28

was gea ghayi nung' Guroorooda Ghaydit ahuwa fuga jea ghoahaaghwa, ak goong'ulayi ganiiseeda ASEETA ghayi nyas aba foojeanda Orjeedaanyi bea saseadaanyi.

DANIELI 7:14

Ak geataw niny gheambalmeeda ea gharbeeda ea sugoocheanduumeeda, ak abeeda buuneesean, ea eemoojiga, ea iidiga eemoojiga gaygagadiyeesa; nea gheambalmeadaanyi ea gheambalmeeda manda muudeanooda, nea sugoocheanduumeadaanyi manda muudeanooda, nyooh ea mayghang'ata, ea mwoamu eenyarja.

Galattiya 2:20

Geengooran sea Gristo, ak geawooschi majeek ak ea mii aniini gil, Gristo eamajeek aba jeedeanyu, ak majeeknata eandeawi ghamneawa aba saseeda, geandeawi aba masaweega Orjeeda ASEETA, dea bwariinyan ak gabeagu eaweagaaschi aba badaydeanyu.

SAKARIYA 13:1

“Eaweedida gajeajaat gheang'da eenda aba badayda gheeh Dawdi ea dea fuga mida Yerusalemu eamiidu saawa aba riing'eeda ea ririnnyeanda.

ISAYA 55:4

Ng'ula, niny naanung' ghoah muushoocheanda buuneeda, ak gwanda madeeda buuneeda nea shirikarajeanda haw bea eemoojiga buuneeda.

Giidaheechta 11:15

Ghaghuut durumbeateadaanyi malaykajeandeaba ispwa, ak ghwanya ghuusiga ajuur aba humng'eeda, nea geeyi, “Sugoocheanduumeeda ng'eanyiida goola ghoah sugoocheanduumeeda Ng'utamiideanya ea dea Gristoydaanyi, ak gaygoombaliischi ea ghoah damanda manda muudeanooda.”

1 Dimotteo 6:13

Ng'asheanji gearukuneey aba madeeda ASEETA diita adaw haleanjeeda sean eaweegean, ea madeeda Gristo Yesuheeda ghayi muuwu muuwuunoadaanyi miy aba madeeda Bontio Bilato,

1 Goriinto 6:11

Nea aba jeedeang'wa ghayi goowooschi fuga sina ng'asheesu. Iidu ea siihuuneegwa, ak ea siimiineegwa, ak geegooneegwa doobiiwnata aba gheawunga Ng'utamiida was Yesu Gristo, ea aba Guroorooda ASEETEANYA.

Yohaana 15:9

Aba gidabwariiydanaan Bwaabwa, eara aniini ghabwariiyduneegwa; asi oopiidana jeeda bariinyeegeasu.

Yohaana 13:1

Hean nea mii ghwahidu ghweelmeeda Basaaka nea ninal Yesu gideaba damandaanyi jea ghabeawa ng'eanyiida gawa heeda Bwaabwa nihidu, niny nea ghabwariiy fugaaschi mida jeeda ng'eanyiida, ea huumwa gil ghabwariiy ea ghwanaawda.

GIIPKEATA DIIGHEANDA 7:8

aba gideaba nih gweagu gideaba ghabwariinyeegwa NG'UTAMIIDA ak ea gudugoodiiw neajeeda ghayi sin sea ghweanigeagwa; aba gideaba NG'UTAMIIDA gooruuneegwa aba geatindaanyi hoauur, lealneegwa aba heeda oosisi gadiyeeda soomjeandumeeda, gooruuneegwa aba geatinga Farao was sugoocheanda ng'eanyiida Misri.

Ruumi 8:37

Manda, aba jeedeaba ng'asheesu seaniin iissa geang'ali fuga jooriischi, aba heeda siida ghayi bwariinyeasa.

Yohaana 13:34

Geagonyeegwa diigheanda eesh, abwariinya geat, ak ghoabwariiydi geat gida aabwariiydaneegwa.

Yohaana 3:32

Niny iissa gamuuwu ng'asheega dea ea gea iiy, ak ghanyea manda siida mwas muuwuunoadaanyi;

Yohaana 3:11

Aba huumwa, aba huumwa, geayeeshiineey, aseasa geeruku gida sinalli ak geemuuwu gidaghayi sidaayi; amaduuku agooga ghanyea moamwasi ng'asheega simuuwu.

GIIPKEATA DIIGHEANDA 23:5

Eara gwasa ghanyea maygooleeysiit NG'UTAMIIDA was ASEATAANG'U Balaamu, ak ghwayam NG'UTAMIIDA was ASEATAANG'U mooshteayda ghoah ghawooda aba headaang'u, aba gideaba NG'UTAMIIDA was ASEATAANG'U ghaabwariinyi.

DANIELI 2:2

Hean ghwanung' sugoocheanda eeguursa beeneediga ea deareemng'ajeega ea fuga Galdayo ang'urooni buuneeda gwarukusa sugoocheanda giirgweatkaaschi. Ng'ata ghapka ak ghamiinaada aba madeeda ng'utamiida.

NYIIGHEEGA 51:2

Ahuunean muuchi aba munyindeanyu, ak giimiinaan aba riing'eegeasu!

GHWASIILDEANGA 14:5

Muushoocheanda doabiiwaat maygwargu ng'uyeega, nea muushoocheanda ng'uyeega gaygwargu ng'uyeega.

Mattayo 20:28

aba sareani eara Orjeeda Siida moani eegadiyeesa niny ghoan gagadiiy, ak ghoadayda eaweagaaschi ghoah leadeeda fuga saang'a.”

Yohaana 3:16

Aba gideaba ASEETA ghabwariiy ng'eanyiida ea eeyi bwak ea ghoadayda Orjeedaanyi asakaleala, ak abeeda siida wassean mwas niny ea mwaroada ak abeeda ghwanyas eaweega manda muudeanooda.

Ruumi 3:25

nea niny ghayi ea ninung' ASEETA ghoah siida jea goohuun buuneeda, aba foojeandaanyi, ak geanyas aba masaweega. Ak abeeda ghoahiimu doobiiwnataanyi ak gwasindunu nea gagasa ghoahiimu gideaba niny ea doabiiwaat ak ghwanung'waada ASEETA riing'eega ghayi siisheeda eesin;

Ebraniya 10:29

Abeeda iing'ulayi gajea muydaan girgweaksiinda jea ghwanyas fuga ghasghas Orjeeda ASEETA, nea ghabwara ririnnyeanda foojeanda neajeeda ghayi simiina, nea ghoanyareas Guroorooda dagheerjeanduumeeda?

Giidaheechta 2:13

“‘Ghaanali heediibiiti, heeda mida hoorgeeda gheambalmeeda Shataani gil; ak ang'iing'i ea niing'waanyi muuchi gheawungeasu, ak ea mii heawana masaweegeasu eara damandida bea Antipa was muuwshoocheandeanyuun, was siideanyu doabiiwaat, sinuuksa bugusteang'wa, was heeda abiita Shataaniin.

Giidaheechta 11:3

Ak gaydaadaw Muuwshoodigeasu asiyeenya uurda ak ghwaramoar eawooji sagalam ea bughalaji iyeenya ea laadam, nea siikwealsa guniyajeega.”

Giidaheechta 19:11

Hean ghaadaayi nea ghwajaada humng'eeda, ak ghaadaayi, faraaseedeesh! Nea gwanda badaydaanyi siida siguura Doobiiwnata ea Huumwa, ak niny aba doobiiwnata goorgweaksa nea gwasin ng'ucheeda.

NG'ASHEEGA LAWI 13:58

Nea hang'da, ea weasta ghana ea hang'da bumbuni, ghana ea gida wassean bea muunda riteawa geeyooda iing'ata giihuunda, abeeda gajeebiikta eehuun deaba iyeenya, ak ghamiidu.”

GIIPKEATA DIIGHEANDA 18:2

Nea ea maygwandeawa hearaniischooda aba jeeda buweadeega; aba gideaba NG'UTAMIIDA hearaniischooda nyaawa gil, gawuurji gidaghayi rukusiinda saawa.