Giidaheechta 1:17 - Bibliyeeda Ghaydit

¹⁷ Iidu nea ghaadaayi niny, geabeedeaysi geeshangaaschi ea dawuurji siida nimi. Hean ghwayiin geatindaanyi bea dugwa uhuudeanyu nea gwayi, “Adibeali, Aniini geawooschi dea madeeda ea dea huuydean ea dea majeek;

NEAJEEDA EESH BEA BUUNEESSEAN

¹⁷ Iiduw nea ghaadaayi niny, geabeedeasi geshangaaschi ea dawuurji siida nimi. Hean ghwayiin geattidaannyi bea dugwa uhuudeanyu nea gwayi, “Adibeali, Aniini geawoschi dea madeeda ea dea huydean ea dea majeek;

Giidaheechta 1:17 Referans Kwoze

ISAYA 44:6

Gwayi NG'UTAMIIDA was sugoocheanda Israeli was lealnoocheandaang'u was NG'UTAMIIDA lugweega: “Aniini geawooschi dea madeeda ak geawooschi dea huuydean; ak ea manda aseeta nuut geakghusan.

Giidaheechta 22:13

Aniini geawooschi Alfa ea Omega, dea madeeda gil ea dea huuydean, was dea giing'eeta ea dea huuydean.”

ISAYA 41:4

Ng'asheesu seaniin gwasin ng'eaha, ghayi gaguursa jeacheenga aba giing'eeta? Aniini geawooschi NG'UTAMIIDA, dea madeeda ea dea huuydean aniini gil.

ISAYA 48:12

“Aleeysean iit Ea Yakobo, Ea Israeli, ghayi geaguurneey! Aniini ASEETA gil, aniini geawooschi dea madeeda, ak geawooschi dea huuydean.

Giidaheechta 2:8

“Heeda malaykajeanda ganiiseeda Smirna ng'oara, ‘Ng'asheega madeeda ea dea huuydean, was dea ghayi meah ak gabiikta gamajeegiit.

ESEKIELI 1:28

Nea iisidaa gawuurji gidaghuweang'da sheagiitka aba jeeda shamooghuutka damanda roopta. Ak ea giduurji weeshindida gil aba meadajeega sean nea giduurjeata giigheambiita NG'UTAMIIDA gil iisidaa. Hean nea ghaadaayi ghaabeadi nea ghaabwadi jih ng'eanyi, ak ghaayiinyi ghuuta siida nea gabalool.

Giidaheechta 1:8

“Aniini geawooschi Alfa ea Omega,” dea madeeda ea dea huuydean, aba ginyah Ng'utamiida was ASEETA, dea mida ea dea bean gwanda ea dea jea ghwahidu, was ASEETA mideawa uurda.

ISAYA 41:10

Adibeali aba gideaba geendeayi, adihirbiban aba gideaba geawooschi ASEATAANG'U; gaydagoonyi uurda, ak gaydaweanyi, nea gaydaahaaghwaneey aba geatindeanyu bea dugwa doabiiwaat.

DANIELI 10:15

Damanda abaloolanean ng'asheesu, geabunyi uhuudeanyu deageal ng'eanyi ak ghwaroat ghuuteanyu.

Giidaheechta 1:11

“Ng'oorsiina haleanjeeda idaahi jeeda gitaabu ak giyeasi ganiisajeega asispwa, dea Efeso ea Smirna ea Bergamo ea Diyatira, ea Sardi ea Filadelfiya ea Laodikiya.”

Mattayo 28:4

Daah furiischoodigiga ghabeal muuchi nea ghaboadan ea gawuurji fuga nimeewa.

DANIELI 10:12

Hean gwayeeshiinean, “Adibeali Danieli, aba gideaba ghang'eada eaweeda ghayi bea madeeda inung' ghwanal fughareadaang'u ng'asheega ak gumwasi aada geaw ng'eanyi aba madeeda ASEETA, ea siyiiy ng'asheagaagu ak ghaawunyi aba badayda ng'asheagaagu.

RITEAYDA 20:20

Ghwalamda Musa ak gwayeesha buuneeda, “Adoabeali aba gideaba ASEETA ghwahidu gwasimeegwa nea ghwahidu madeedeang'wa gharbeadaanyi ak abeeda ea moosini riing'eeda.”

RITEAYDA 14:13

Ghwalamda Musa ak gwayeesha buuneeda, “Adoabeali, amiinaada oomajeega geat, ak gajadaaha gichea gwalealdeaydaneegwa NG'UTAMIIDA, ea gichea gwasin eanean aba badaydeang'wa, fiisu bea Misri oadaayi ghamneawean, maygudu abiikta adaaha.

GIING'EETA 15:1

Iimuchu nea ghang'ata ng'asheesu ghwahidu ng'asheanda NG'UTAMIIDA heeda Abramu aba giirgweatka, ak geehiimsa nea geeyeesha, “Adibeali Abramu, aniini geawooschi igeamboadaang'u; asi giimeardaang'u gaygwaheedu.”

Yohaana 21:20

Iidu ghwayam geaw Betaro ak ghwadaah giinealaneedida bwariiy Yesuun, nea ghwaat geeshta, nea diita ghayi diiw geaw aba daghataanyiin gil shing'ada damanda agiischooda nea ghoanyaash gideaba, “Ng'utamiida siida jea ghwalaapnyi bwadaw ng'eaha?”

Yohaana 13:23

Nea giinealaneanagi bwariiy Yesu abeeda ea neekeewa daghata Yesu;

HABAKUKI 3:16

Ak ghaayiinyi, ak ghaboadan saseedeanyu, ak ghaboadan muuchka ghuuteanyu aba nyeashta; gawa munyinda jeeda geakeasu, ghaboadan geeshangeasu aba heedeandi. Gaydasiinda ak ghaamuughu eaweeda sawanadeeda jea ghwahidu badahuuka fuga ang'waanyeasa.

RITEAYDA 3:6

Gabiikta ASEETA gwayi, “Aniini geawooschi ASEETA gweanu, ASEETA Abrahamu, ea ASEETA Isaka, ea ASEETA Yakobo.” Hean ghafuy Musa gheamamdaanyi, aba gideaba ghoawal ghwadaah ASEETA.

Mattayo 14:27

Deagheata gwayeesha saawa, “Oapida ng'eanyi adoabeali siida aniini.”

Mattayo 28:5

Ghwalamda malaykajeanda humng'eeda ak gwayeesha gadeemgiga, “Agooga adoabeali; ghaanali gideaba googasayi Yesuheeda heeta singoor.

Giidaheechta 1:4

Yohana heeda ganiisajeega asispwa mida Asiya: Gagasa anyasa dagheerjeanduumeeda ea hoyyooyda leabu heeda dea mida ea dea bean gwanda dea jea ghwahidu, leabu heeda gurooruunat ispwa mida madeeda hoorgeadaanyi bea sugoocheanduumeeda,

NYIIGHEEGA 139:5

Nineaweesean bwadaw ea mwadi, ak giyiini geatindaang'u uhuudeanyu.

HEAREEGA 3:57

Gihidu murdeedeanyu damanda eaguurnaneey; ak giyeeni, ‘Adibeali!’