Giidaheechta 1:15 - Bibliyeeda Ghaydit

¹⁵ ak geeshangaaschi gawuurji gharinyeanda mur sisiy muuchi ea gawuurji gilisiihuuna duwayda beasta, nea fuydaanyi ghwanyaashta dea beega saang'a;

NEAJEEDA EESH BEA BUUNEESSEAN

¹⁵ ak geeshangaaschi gawuurji gharinnyeanda mur sisiy muuchchi ea gawuurji gilisihhuuna duwayda beasta, nea fuydaannyi ghwanyaashta dea beega saang'a;

Giidaheechta 1:15 Referans Kwoze

ESEKIELI 43:2

Ak ng'ula, giigheambiita ASEETA Israeli ghwahidu nea gwaleabu heeda ghayeawa. Ak nyeashtaanyi ghwanyaashta nyeashta beega saang'a, ak gaweeshiit ng'eanyiida aba giigheambiitaanyi.

DANIELI 10:6

Saseadaanyi ghoameang'daayda booshcheanda, nea gheamamdaanyi gawuurji dadamandeeda, gheanyangaaschi gawuurji gheaboonyanga yeat, geatingaaschi ea geeshangaaschi ghoameang'daayda lagheaneeda oomng'i sisiy, nea nyeashta ng'asheagaaschi ghwanyaashta nyeashta fuga saang'a.

Giidaheechta 14:2

Ak ghaayiinyi nyeashta nyaasha humng'eeda uurji nyeashta beega saang'a ak gawuurji nyeashta gighweendandeeda haw; ak nyeashi aayiinyiin gawuurji nyeashta fuga gidoondoorajeega las gidoondoorajeega nyaawa,

Giidaheechta 19:6

Hean ghaayiinyi ghuuta uurji dea eemeetuw, ak ghwanyaashta ghuuta beega saang'a ak gabiissa ghwanyaashta dea giighweandandeeda haw nea gwayi, “Haleluya! Aba gideaba Ng'utamiida was ASEETEANYA Hoauur niimbaliischi.

Giidaheechta 2:18

“Heeda malaykajeanda ganiiseeda Diyatira ng'oara: ‘Ng'asheega Orjeeda ASEETA, bea gheanyanga oar ng'ushapta beasta, ak geeshangaaschi gawuurji lagheaneeda mur sisiy muuchi.

NYIIGHEEGA 93:4

Ak gwandeawa uurda burdeawa nyeashta beega saang'a, ak gaburdeawa uurda laweajajeega basooda, NG'UTAMIIDA mida humng'eeda ea hoauur!

ESEKIELI 1:7

Ak geeshanga nyaawa ea doobiiweadi nea baneaguuka geeshanga nyaawa gawuurji baneaguuka geeshanga meayda, ak ghameang'meang' ea gawuurji gharinyeanda sisiy muuchi.

ESEKIELI 40:3

Ama iinea gweanean hoowa, ng'ula, gwanda siida, ama sidaah deaktaanyi ea oomu, ak gwandeawa gulbeeda aba geatindaanyi ea muudayeanda siiteeniida ak ghamiinaada aba gidaghuuta.

ISAYA 17:13

Eemoojiga ghwanyaashta nyeashta beega saang'a, ak gaygoowoowsa saawa, ak gaygwasalda gwasheagiit muuchi, ak gajeahoan gawuurji gidahiniida jeameeda looyda aba uhuuda giijeeda ak gawuurji birjeanda shaarara.

ESEKIELI 1:24

Damandida weayeewean, hean ghaayiinyi nyeashta meang'eega nyaawa, nea ghwanyaashta beega saang'a, ak gawuurji nyeashta ASEETA hoauur, ak gawuurji nyeashta lugooda saang'a, iidu nea ghamiinaada gagilip meang'eega nyaawa.

Giidaheechta 10:1

Ng'ata ghaadaayi malaykajeanda nuut mideawa uurda nea ghwararang'aana humng'eeda, nea siikwealsa shamooghooda, nea uhuudaanyi gwanda gidaghuweang'da sheagiitka, nea gheamamdaanyi ghawaar aseeta, nea geeshangaaschi gawuurji daranajeega beasta.