GHWASIILDEANGA 3:3 - Bibliyeeda Ghaydit

³ Adiiheeleewi geaw baydeayda ea huumeanda, rasiina gheataang'u ak ging'oorsi badayda beehiida gurooroadaang'u.

GHWASIILDEANGA 3:3 Referans Kwoze

2 Goriinto 3:3

ak ghoahiimu gideaba goowooschi barawajeanda leabu heeda Gristo sigooneasa aseasa, meang'waarana galaamu geang'waara Guroorooda ASEETA majeek, ak ea mii badahuuka lagheanga gil geeng'oorsa badahuuka gurooruunatka hang'oonyi bea buuneeda.

GHWASIILDEANGA 7:3

Rasiina badayda mooringaagu, ak ging'oorsi jeeda gurooroadaang'u.

Ebraniya 10:16

“Nih neajeeda jea dasisa saawa iing'ata askwearjoojigiga, aba girugu Ng'utamiida: Gaydayiin diigheanyeekeasu jeesinga gurooruunatka nyaawa, ak geang'oorsi jeesinga fughareenga nyaawa,”

GHWASIILDEANGA 6:21

Rasiina ng'asheesu jeeda gurooroadaang'u galeagasean, nea girasi gheataang'u.

MALAKI 2:6

Ghuutaanyi gwanda diigheanda huumwa, ak ea manda ng'asheanda muy nirina ghuutaanyi. Iissa geadeayeewi aba hoyyoo ea doobiiwnata, ak ghwayam fuga saang'a ea ghwanung'waada ng'asheega munyas.

Efeeso 5:9

(aba gideaba haghweega weeshinda geenyassa jeeda haleanjeeda sean miyaasiin ea doobiiwnata ea huumwa),

GHWASIILDEANGA 16:6

Riing'eeda gajeehuun aba baydeayda huumwa, Siida iyawal gheang'da NG'UTAMIIDA gayghwasaja geaw munyinda.

GHWASIILDEANGA 20:28

Sugoocheanda gaygoombaliischeewa alooheeda ea doobiiwnata, ak gheambalmeadaanyi gaygamajeegiit aba doobiiwnata.

GHWASIILDEANGA 1:9

aba gideaba suh gayghoah shiipka dagheerjeanduumeeda aba uhuudaang'u, ea surumga aba gheataang'u.

NYIIGHEEGA 119:11

Ng'asheandaang'u naayiinyi jeeda gurooroodeanyu, ak ea measinneey riing'eeda.

NYIIGHEEGA 25:10

Naweadinga sean bea NG'UTAMIIDA bariinyeega huumwa gil ea doobiiwnata, aba heedeaba fugiga ang'waay neajeadaanyi ea ng'asheagaaschi muuwu.

RITEAYDA 13:9

Ak gayghoah gwadeagooda aba geatindaang'u, nea ghoah giipkeata aba gheanyangaagu, nea gwanda ghuutaang'u deaweedeeda NG'UTAMIIDA aba gideaba gooruunaneey NG'UTAMIIDA ng'eanyiida Misri aba geatinda mideawa uurda.

YEREMIYA 17:1

“Riing'eega fuga Yuda geang'oara galaamooda gharinyeanda; nea aba lagheaneeda hang'waay ea sing'oorsa gurooruunatka nyaawa, ea meadajeega sean bea heeda nyaawa wagiida,

GIIPKEATA DIIGHEANDA 6:8

Ak giradi ghoah giirooraneeda aba gheata geatindaang'u ak girasi weasta gheamamdaang'u ak goopkeatuneey.

HOSEYA 4:1

Ooleeysiina iit ng'asheanda NG'UTAMIIDA, Ea fuga Israeli; aba gideaba NG'UTAMIIDA gwandeawa sheang'nyeeda sea fuga mida ng'eanyiini. Aba gideaba manda huumeanda ghana doobiiwnata, nea ea manda nalita ASEETA aba jeeda ng'eanyiida;

Mattayo 23:23

“Ashageada geat ng'oorshoodiga ea Farisaayajeega, amiitu geat! Iissa ghoanung' ghoadayda buuneeda gilagi aba jeeda damanamughuush aba mwayoah ea ruuruukta ea hamuumayga ea seenga ng'andit, nea ghoapuuchi ng'asheega durumani bea deaweeda was huumeanda ea inyeanda jeeda ea baydeayda ea masaweega. Suh ng'asheega ghwanyawa haguuw gideaba gajasina gil, nea moanung'waadani ng'asheega suurja.

2 SAMWELI 15:20

Ang'iing'i gihidu heeta neeki, ak aniini askweareani gaydanung' eeteaydooscheena sea aseasa, aba gideaba aniini mwaanali eara heedeagali? Biikta, ak giyaadi fuga iduupcheewi; ak gagasa ghoahiimu NG'UTAMIIDA bariinyeega huumwa ea doobiiwnata.”

NYIIGHEEGA 85:10

Gaygwaroonyi bariinyeega ea doobiiwnata; ak gaygaguuyi doobiiwnata ea hoyyoo.

GHWASIILDEANGA 14:22

Siida mwaal sinooda ng'asheega munyas goodiiy, nea gea mwaal sinooda ng'asheega miyaasiin gayghwanyas alooheeda.

RITEAYDA 34:6

Ghang'ata NG'UTAMIIDA aba madeadaanyi, ak gwarukwiida nea gwayi, “NG'UTAMIIDA, NG'UTAMIIDA, ASEETA mideawa baydeayda haw ea alooheeda, nyarastaanyi maygabean ghwanyareas, mideawa baydeayda haw ea bariinyeega,