Galattiya 1:8 - Bibliyeeda Ghaydit

⁸ Duuku aseasa ghana malaykajeanda humng'eeda, iirukuneegwa giijasta wassean mawoosa dea ghayi sirukuneegwa, gagasa eamwaashta.

NEAJEEDA EESH BEA BUUNEESSEAN

⁸ Duukku aseasa ghana malaykajeanda humng'eeda, iirukneegwa giijasta wassean mawasa dea ghayi sirukneegwa, gagasa eamwaashta.

Galattiya 1:8 Referans Kwoze

Galattiya 1:9

Gawuurji gidagwachi sibean eerukuna, ak eara ghamneawa geerugu gicha, gideaba siida wassean iirukuneegwa giijasta mawoosa dea ghayi oadeapti, gagasa eamwaashta.

1 Goriinto 16:22

Siida wassean mwabwariinya Ng'utamiida, gagasa eamwaashta. Ng'utamiideanya ghwaan!

Ruumi 9:3

Ak gwachi aniini geagasayi gideaba gajeamwaashtanaan ak geehheelleewean Gristo aba badahuuka fuga eaduupcheewi biissa ea buweadeegeasu gil aba eemeedeanya.

Mattayo 25:41

Iidu gaygwayeesha fugiga mida meatkweadaanyi bea geatinda ghaadaamiin, ‘Oang'amwana madeedeanyu, fuga ghayi simwaashta, aweayeena jeeda beasta manda muudeanooda ghayi sibay eerarsa meang'nyeandeenda ea malaykajeagaaschi;

2 Betro 2:14

Gheanyanga nyaawa ghwanyiit hiseadayeanduumeeda, ak ea malang'uuta aba riing'eeda. Iissa gwareengani jeesinga ng'arng'ari. Ak gwandeawa gurooruunatka siinaal shidoodeaba ghaang'. Diibiga simwaashta!

Gadiyeeda Giijasoodiga 23:14

Hean geeweay heeda ashoohoodiga hees ea gweargwa ak geeyeesha, “Aseasa siyaaji habeawooda gideaba majeayaaga gil ea eaghus ea sinuuschi Bawlo.

Ditto 3:10

Asi siida foolayda iinireekusi dea madeeda ghana deabiyeenya, adagudisimi eara gil,

Galattiya 3:13

Gristo gootinaneasa jeeda mooshteayda deaweeda, aba gideaba niny simwaashta aba badahuukaasa aba gideaba gwayi Ng'ooruutka, “Simwaashta gilinyoo ea sih gil sirata aba uhuuda geeta”–

1 Goriinto 12:3

Asi geagasayi gideaba anala gideaba manda siida jea gabaloola badayda Guroorooda ASEETA jea gwayi, “Yesu simwaashta!” Ak ea manda siida jea gwayi, “Yesu Ng'utamiida gil” geaghus gwarugu Guroorooda Ghaydit.

Marko 14:71

Ghamwaashta geaw Betaro nea ghwaak habeawooda nea gwayeesha, “Aniini siisi ooruku iitaanyiin mwaanali.”

Galattiya 3:10

Ak fugiga sean sina ng'asheega deaweedean abeeda ea simwaashta; aba gideaba gwayi Ng'ooruutka, “Simwaashta gilinyoo ea sih gil mwaada geeshta ng'asheega sean sing'oorsa jeeda gitaabooda deaweeda.”

NEHEMIYA 13:25

Ak geawoowsi saawa nea ghaamwaashti saawa nea ghaabwarji mwaatkwa ea dalootiida buudeega nyaawa; nea ghaanung' ghwaak habeawooda aba gheawunga ASEETA nea geayeeshi, “Adoatawji haweegeagwa orjooga nyaawa, ghana gideaba gaygageena orjoogeagwa haweega nyaawa, ghana agoogeesean.

1 SAMWELI 26:19

Asi ghamneawa gagasa ghwayiiy ng'utamiideanyu was sugoocheanda ng'asheega siidaanyi bea gadiyeeda. Ii ng'utamiida gil dea nung' nyareeksean, gidabal ghamwas haleanjeeda sisabwa geadi bea ghadooweeda; amadeepa ea buuneeda gil, ea deamwaashta aba madeeda NG'UTAMIIDA; aba gideaba nihoanan askweareani ak ea mwaanyasi hearaniischooda aba heeda NG'UTAMIIDA, nea gwayi, ‘Una bwada aseecheeka suuk.’

YOSHUWA 9:23

Asi ghamneawa simwaashtaneegwa, ak fiisu ng'ay aba jeedeang'wa gayghoah soomjooga nea gabeara ghweenga ak gwaramu beega gheeda ASEETEANYU.”

GIING'EETA 9:25

gwayi, “Simwaashta Ganaani; ak gayghoah Ganaani soomjeanda soomjooga orjooga ghaamwat.”

1 SUGOODIGA 13:18

Ng'ata gwayeesha niny, “Eara aniini geawuurjeeweey geawooschi sibaneeda, goobaloolan giijasoocheanda humng'eeda aba ng'asheanda NG'UTAMIIDA, nea gwayi, ‘Adeelni siisi jeedeaba gheang'u ghwaak mukaate nea ghwali beega.’” Nea ghana gwareengani.

YEREMIYA 23:16

Asi gwayi NG'UTAMIIDA bea lugweega: “Adiidu gooleeysiit ng'asheega ramooraseegwa sibanga rukuneegwa ghusooda mii huumwa; inyeesa gwarugu giirgweatka was gea nyaawa, nea mawoosa gea leabu ghuuta NG'UTAMIIDA.

YEREMIYA 23:36

Nea ea maygudu arukuni, ‘Sareenda NG'UTAMIIDA,’ gicha, aba gideaba sareenda gaba ng'asheega ghuuta siida, nea inyeesa ghoaschoardi ng'asheega ASEETA mideawa eaweega, was NG'UTAMIIDA bea lugweega, was ASEETEANYA.

Ruumi 16:17

Ea fuga eaduupcheewi, geamuscheegwa gideaba ang'ula fuga eatu jaleadinga ea ng'asheega jea gwaruusa buuneeda, mawoosa giinealshooda ghayi sinaleagwa; asi ooheeleewana geat.