Galattiya 1:7 - Bibliyeeda Ghaydit

⁷ mii gideaba gwanda giijasta miy nuut gil, iidu gwanda fuga mwaatkwa adeawiideegwa nea gagasa ghoaschoarda giijasta miy bea Gristo.

NEAJEEDA EESH BEA BUUNEESSEAN

⁷ mii gideaba gwanda giijasta miy nuut gil, iiduw gwanda fuga mwaatkwa adeawiideegwa nea gagasa ghoaschoorda giijasta miy bea Gristo.

Galattiya 1:7 Referans Kwoze

Gadiyeeda Giijasoodiga 15:24

Geeyiinyi gideaba gwanda fiisu ng'ay leabu ng'eang'deanya ak ghamwanmwaneegwa aba ng'asheega nyaawa, nea ghwanung' ea moapta ng'eanyi fughareengeagwa, nea ng'asheesu sin fiisuun ea meatawi aseasa,

Galattiya 5:10

Aniini ghaaghuschi Ng'utamiida ea gideaba mwajayamwana mwajadaakta ng'asheega gididaakti aniini; nea siida adeawiideegwa agooga gayghwanyas girgweaksiindaanyi, siida wassean.

2 Goriinto 11:13

Aba gideaba fuga uurji suh giijasoodiga ng'uyyeenya, nea iissa gwasin gadiyeeda aba reengaweega, fuga iissa ghwayam geat ak gwasin geat giijasoodiga Gristo.

Galattiya 5:12

Aniini gideabali fugiga nung' ea moopidi ng'eanyiini ghwalajaada geat!

2 Goriinto 2:17

Aba gideaba aseasa meewuurjeewani buuneeda suurja saang'a, fuga sheahiida ng'asheanda ASEETA; gagasa eewuurjeewana fuga mideawa doobiiwnata, was fuga adaw ASEETA gadiyeeda, aba madeeda ASEETA iissa geebalooli aba badayda Gristo.

Giidaheechta 20:3

ak gwajaksa niny jeeda shoomanda, hean gwadukuta ak ghwayiin giirooraneeda badaydaanyi, aba gideaba maygabiikta gicha gwareengani eemoojiga, ea ghang'ata gweanyeew sagalama. Amang'ata hiji gajeetin gilinuwaas.

2 Yohaana 1:10

Siida iihidu heedeang'wa nea meana giinealshooni, abeeda ea adideapti aba gheang'u nea adiigeacheewi;

1 Yohaana 4:1

Fuga aabwariinyi, adoamwaschi giliwas guroorooda, iissa ghoonyo asima gurooruunatsu ak ghoadaayi ea gaba ASEETA; aba gideaba nihidu jeeda ng'eanyiida sibanga saang'a bea ng'uyeega.

Giidaheechta 19:20

Hean geang'waay diyeaydida, sea sibaneeda ng'uyeega ghayi sina gwadeagwajeega aba madeadaanyi, ak gwareengani fugiga ghayi niing'waay giirooraneedeaba diyeaydida ea fugiga ghadoawan gidasiratiida ninyiin. Hean geejaksa suh asiyeenyean jeeda basooda beasta nea majeekcheewi ak ghwaak beasta ea giikayda.

Giidaheechta 13:14

nea aba gwadeagwajeega siitaw gwasin aba madeeda diyeaydean, hean gwareengani fugiga mida ng'eanyiidean, ak ghwanung' gwasin giduurji diyeayda silasa ng'uta ak ea gudugwanda;

Giidaheechta 12:9

Ak geejaksa ng'eanyi hararjoodida haw was ichiboodeaba garayiin, siguura Meang'nyeandeenda ea Shataani, was dea reengani ng'eanyiisean, ak geejagu badayda ng'eanyiida, ak eara malaykajeagaaschi geehisu ghapka ng'eanyi sea niny.

Giidaheechta 2:20

Ak geandeawi ng'ashaan aba badaydaang'u, bea gideaba ang'iing'i gimilikghti gatmoodida siguura Yesebeliin, guura geaw sibaneeda ak ghoareat soomjoogeasu ak ghoanaal mealuuleega nea ghwaak haleanjeeda siyaat lukghumajeega siitaw gidamawoosa ASEETEAN.

Giidaheechta 2:6

Ak gindeawi ng'asheanji gideaba gisti gadiyoojiga fuga Nikolayi, ak eara aniini ghaasichi.

Giidaheechta 2:2

“‘Aniini ghaanali gadiyoojigaagu, ea sawanadeadaang'u ea milikghteaydaang'u nea giihang'waanyi, ea gida miimuustani milikghta fuga munyas iissa ginyo ghanyi sima fugiga guura geat giijasoodiga nea mawoosean, ak gidaahi gideaba gaba ng'uya;

Yuuda 1:4

Aba gideaba gheata ninyas fuga mwaatkwa gaseadayi aba makcheameeda ghang'eada garayi ak geegwalu aba girgweaksiinda, fuga maba ASEETA huteawi dagheerjeanduumeeda ASEETEANYA ak ghoabuuta jeeda hiseadayeanduumeeda nea ghwashaang' Siideanya haw asakaleala was Ng'utamiida, Yesu Gristo.

2 Yohaana 1:7

Aba gideaba nirina badayda ng'eanyiida fuga saang'a bea ng'uyeega, gea mamwasa gideaba Yesu Gristo ghwahitaayda siida; nea nih ea diita bea ng'uyeegean, ak ea dea mamwasa Gristo gil.

1 Yohaana 2:26

Geang'oorneegwa ng'asheesu aba badayda fugiga gasa gwareenganeegwa;

2 Dimoteo 2:18

Nea saawa ea ninung'waada naweedida bea huumeandean nea geebaloola gideaba duunooda goola ghwahidu, ea ghwayam masaweega buuneeda mwaatkwa.

Galattiya 6:17

Gidang'eada ghamneawa adagoodeawiidan sih; aba gideaba aniini geandeawi giirooraneeda Yesu aba saseedeanyu.

Galattiya 4:17

Fiisu gagaseegwa, ak ea magaseewaneegwa naweeda miy, saawa gagasa gwajapseegwa jarooda, ak abeeda agooga googasayi saawa.

Galattiya 2:4

Iidu aba badayda orjoogiyya bea ng'uyyeega siyeana makcheameeda, ahuudaan ak ghamwaal giibaldeanya bea geat aba jeeda Gristo Yesu, ak gagasa ghwaadeasa jeeda soomjeandumeeda–

2 Goriinto 4:2

Siheawi ng'asheega baspaseega, ea naweadinga ng'uyyeenya; ak geaheawi gideaba gajeesna milmilanda ghana eeyamujeena sea ng'asheanda ASEETA, geaghus aba ng'asheega huumeanda sirugu aba eeshpwara ak geaghwarji geat aba giliwas fughareemba sih aba madeeda ASEETA.

Gadiyeeda Giijasoodiga 20:30

nea aba jeedeang'wa agooga gaygwarina fuga jea gwarugu ng'asheega ng'ooweata, jea ghwanung' ghwaat giinealanga geeshta nyaawa.

Gadiyeeda Giijasoodiga 13:10

“Ang'iing'i guwoosi orjeeda meang'nyeandeenda, ak guwoosi weajoocheanda haleanjeeda sean doobiiweadi, ak gaba ng'uya muuchi ea munyinda, ak ea minung'waadani eara huteayda naweadinga doobiiweadi bea Ng'utamiida?

Mattayo 24:24

Aba gideaba gayghwahidu Gristohajeega ng'uyyeega ea sibanga ng'uyyeega. Ak gayghoahiimu gwadeagwajeega hees deamdeameadi jea ghoamu gahuteawi fuga ghayi bay ealoat.

YEREMIYA 23:26

Gajeeyi bwak ea ghoah eeju, gideaba gaygwareengani sibanga fugeasu aba ng'uyeega naba aba gurooruunatka nyaawa?

YEREMIYA 23:36

Nea ea maygudu arukuni, ‘Sareenda NG'UTAMIIDA,’ gicha, aba gideaba sareenda gaba ng'asheega ghuuta siida, nea inyeesa ghoaschoardi ng'asheega ASEETA mideawa eaweega, was NG'UTAMIIDA bea lugweega, was ASEETEANYA.

Galattiya 1:6

Aniini nihamwan ng'eanyi aba gidoobay anung'usiinda heeda dea ghayi guurneegwa aba jeeda dagheerjeanduumeeda Gristo ak gooyamsi geat giijasta miy nuut–