Galattiya 1:4 - Bibliyeeda Ghaydit

⁴ nea gabeagu geaw aba riing'eegaasa ak gwalealnaneasa aba jeeda seaygeani bea ghamneawa munyasiin, gawuurji gidagasiida ASEETA was Ghweanda;

NEAJEEDA EESH BEA BUUNEESSEAN

⁴ nea gabeagu geaw aba ring'eegaasa ak gwalealnaneasa aba jeeda seaygean bea ghamneawa munyasiin, gawurji gidagasiida Aseetta was Ghweanda;

Galattiya 1:4 Referans Kwoze

Mattayo 20:28

aba sareani eara Orjeeda Siida moani eegadiyeesa niny ghoan gagadiiy, ak ghoadayda eaweagaaschi ghoah leadeeda fuga saang'a.”

Ruumi 4:25

ak geenuus aba giidiinyeanyeakaasa ak gooduudu ak geenyaschi doobiiwnata.

Galattiya 2:20

Geengooran sea Gristo, ak geawooschi majeek ak ea mii aniini gil, Gristo eamajeek aba jeedeanyu, ak majeeknata eandeawi ghamneawa aba saseeda, geandeawi aba masaweega Orjeeda ASEETA, dea bwariinyan ak gabeagu eaweagaaschi aba badaydeanyu.

1 Betro 2:24

Niny ghwasar riing'eegaasa aba saseadaanyi aba uhuuda geeta, ak abeeda geemeewayi aba riing'eeda, ak geewooschi majeekcheewi aba doobiiwnata, aba deaneaduutkaaschi ea siihaabeasa.

Ditto 2:14

nea niny ghoadayda geaw aba badahuukaasa ak ghaweadaneasa ng'asheega munyas sean ak ghoamiidu fuga jea ghoah gaaschi nea gamilmiliidi aba sinooda ng'asheega miyaas.

2 Goriinto 4:4

Aba sareani aseeteaba ng'eanyiini ninung' gang'oowiidi fughareenga fuga mandeawana masaweega, ak ghaweada deakta weeshinda giijasta miy mideawa giigheambiita Gristo, nea niny gawuurji sea ASEETA.

1 Dimotteo 2:6

niny gabeagu eaweagaaschi nea gabwageaw ak ghoah siida jea gootin buuneesean, ak gajeemuuwu aba damandaanyi.

Efeeso 2:2

was gea ghayi oayaachi geeshta nea goomaseawji seareedida bea ng'eanyiidean, nea ghoayaachi geeshta sugoocheanda mideawa uurda humng'eeda, gurooroodida ghamneawa sin gadiyeeda aba jeeda orjooga fuga manda mureedean.

1 Desaloniikke 3:13

ak goomajeek gurooruunatkeagwa ea meeyeateeweegwa ghuusi aba ghaydidanda aba madeeda ASEETEANYA was Ghweanda, aba damanda jea ghwahina Ng'utamiideanya was Yesu sea fugaaschi sean ghaydidi.

Ruumi 12:2

Adiidu goomaseawji giduurji ng'eanyiida, geaghus ghanyi eayameagwa ak geanung' ahuwa fuga eashish aba fughareengeagwa, ak abeeda ghoanali muuchi gidabwariiy ASEETA was ng'asheega miyaas, simwas biissa ea majeekcheewi.

Filippi 4:20

Asi eakghaambiida ASEETA was Ghweandeanya, ea ghoah damanda manda muudeanooda. Amin.

Efeeso 5:2

Ak ghoabeawi bariinyeega, gawuurji gidabwariiydaneasa Gristo ak ghoadayda geaw aba badahuukaasa, ak ghoah haleanjeeda sisapa geadi bea ghadooweeda ng'andit aba heeda ASEETA.

Giidaheechta 1:5

biissa gwaleabu heeda Yesu Gristoyda was muushoocheanda doabiiwaat, was duweacheeda fuga nimeewa, ak goombal sugoodiga mida ng'eanyiida. Heedeaba ninyeeda bwariinyeasa ak gootineasa eeheelleewana riing'eegaasa aba foojeandaanyi

Giidaheechta 5:9

hean gwasarman sarmeedeesh, nea gwayi, “Gamiiseey ang'iing'i geanooda gitaabu ak giitin giiroorangaaschi, aba gideaba ghayi gealach gheataang'u nea aba foojeandaang'u giidaydi leadeeda buuneeda aba heeda ASEETA aba giliwas eamwa ea iita ea buuneeda ea ng'eanyiida,

1 Yohaana 3:16

Aba nih sinali bariinyeega, aba gideaba niny gabeagu eaweagaaschi aba badahuukaasa; asi gamiiseasa eara aseasa eebeakna eaweagaasa aba badahuuka orjooka.

1 Yohaana 2:2

nea niny ea siida jea ghoadayda leadeeda riing'eegaasa, ak ea meakghusa gaasa ak ghwahit eara riing'eega muunda ng'eanyiisean.

1 Betro 3:18

Aba gideaba Gristo eara niny ghami nibwagi aba badayda riing'eeda, ninyeeda doabiiwaat aba badayda gea mii doobiiweadi, aba gideaba gweaneasa heeda ASEETA ak geenuus saseadaanyi nea gurooroadaanyi geetuudu;

Yakkobo 4:4

Fuga mii doobiiweadi! Moanali gideaba iduupcheewi geaw ng'eanyiida ea nihuuwi weajoocheanda ASEETA? Asi siida wassean gasa gooduupchi geaw ng'eanyiida abeeda ea nisin geaw weajoocheanda ASEETA.

Ebraniya 6:5

ak ea nisamu alooheeda ng'asheanda ASEETA ea dea uurda gweanyeeka jea ghwahidu,

2 Desaloniikke 2:16

Nea abeeda Ng'utamiideanya was Yesu Gristo niny, ea ASEETA was Ghweandeanya, ghayi bwariinyeasa ak gageandeawaneasa salgheang'da ea ghoah eaweega mamuudeana ea gidamiy sirarji aba jeeda dagheerjeanduumeeda,

Yohaana 12:31

Damani nihita heeda jea eergweaksiina ng'eanyiini, nihita damanda jea eejakteawa siida ahaaghwa ng'eanyiini.

Mattayo 26:28

Aba gideaba suh foojeandeanyu bea neajeeda gil, ak geahiida aba badahuuka fuga saang'a aba geandeayda riing'eeda.

ISAYA 65:17

“Aba gideaba ng'ula aniini ghaabwachi humng'eeda eesh, ea ng'eanyiida eesh, nea ng'asheega ghayi bea madeeda ea maygudu eapkaat nea maygawa jeeda fughareengeagwa.

Ebraniya 9:14

abeeda gayghwaraanyaataan muuchi foojeanda Gristo, dea aba Guroorooda manda muudeanooda ghoadaw geaw ASEETA nea meerukunana badaydaanyi gidamuy, gayghoamiidu fughareengeagwa aba gadiyoojiga nimeewa ak gagadiiyeesa ASEETA majeek.

Ebraniya 2:5

Aba gideaba ASEETA moadawa malaykajeega ng'eanyiida jea ghwahidu, was dea sibalooli.

1 Desaloniikke 3:11

Asi ASEETEANYA was Ghweandeanya sea Ng'utamiideanya was Yesu gagasa ghoadoabiiw naweedeanya ea eahina heedeang'wa;

Efeeso 6:12

Aba gideaba ng'ucheedeanya maba saseeda ea foojeanda gaba badayda sugoocheanduumeeda ea gheambalmeeda aba badayda fuga ambaliischi bea jeedeaba misaneani, aba badayda shirikareeda meangeenda munyas aba jeeda darooraka humng'eeda.

Efeeso 1:11

Aba niny, aba gidida gassiida ninyiin was dea ahiit haleanjeeda sean aba gidida gassiidean,

Galattiya 6:14

Ak aniini ea adaaghwarji geaw aba gida wasean geaghus giigheambiita beehiida Ng'utamiideanya was Yesu Gristo, aba gideaba aba naweani bea beehiidean singoorsa ng'eanyiida badaydeanyu, ak aniini ea singoorsean badayda ng'eanyiida.

Ruumi 8:32

Ninyeeda ghayi mabwayda eara Orjeedaanyi asakaleala, ak gagu aba badahuukaasa eesa sean, niny maygagooneasa haleanjeeda miyaasiin sea niny?

Ruumi 8:3

Aba gideaba ng'asheegiga mwoamu aba deaweedean, aba gideaba manda uurjeenga aba ng'asheega saseedean, iidu aba giijeaknooda ajeagu ASEETA Orjeedaanyi nea ghwanung' gawuurji siida mideawa riing'eeda, amadu aba badayda riing'eeda iidu goorgweaksa riing'eeda mida saseeda;

Ruumi 1:7

aba fuga sean mida ng'eanyiida Rumi, ghayi bwariiy ASEETA, siguursa ghoah fuga ghaydidi: Gagasa anyasa dagheerjeanduumeeda ea hoyyooyda leabu heeda ASEETA was Ghweandeanya, ea heeda Ng'utamiida was Yesu Gristo.

Yohaana 10:11

Aniini geawooschi haghweadoocheanda miy. Haghweadoocheanda miy iissa ghoaghaashta eaweagaaschi aba badayda gisilga.

Yohaana 6:38

Aba gideaba mwaararang'aanani humng'eeda doan dasin gideagasayi aniini, ghaawunyi dasin gidagasa dea ghayi ajeaknean;

Yohaana 5:30

“Aniini mwammuusi dasin gil aba gheambalmeedeanyu nea geabwaageaw; aniini geargweakiisi buuneeda aba gidayiinyi, nea girgweageedeanyu ea doabiiwaat, aba gideaba meagassi dasin gideagasayi aniini geaghus dasin gidagasa siidida ghayi ajeakneaniin.

Lukka 22:42

“Bwaabwa, iigidibwariiydi gil giischoarjaan bayoogi; nea adaghoah gida eagasiidi, nung' ghoah daang'u.” [

Marko 10:45

Aba gideaba Orjeeda Siida ghayi moani eegadiyeesa. Ghayi ghoan niny gagadiiyeesa buuneeda nea ghoan gabeagu eaweagaaschi aba giitinooda fuga saang'a.”

Mattayo 26:42

Gabiikta deabiyeenya ak ghamwaash ASEETA nea gwayi, “Ea Bwaabwa, iimay ghwasajaadawanaan bayoogi ea eeghus daleayda nung'waada gwasa gidigasiidi ang'iing'i.”

Mattayo 6:9

Asi amwaashtunu ASEETA: Ghweandeanya mida humng'eeda, Gheawungaagu eakghaambiida.

NYIIGHEEGA 40:8

Aniini ghaabwariinyi dasin gida ibwariinyi, Ea ASEETEANYU; deaweedeadaang'u gwanda jeeda gurooroodeanyu.”

Giidaheechta 7:9

Iing'ata ng'asheesu ghaang'weardi, ak ging'ulayi, ghaadaayi, eemeeda saang'a manda siida ammu gwayiida, fuga leabu giliwas daroar ea eemoojiga sean ea buuneeda ea iita nea ghamiinaada aba madeedeaba hoorgeedida bea gheambalmeedean, ea madeeda Dayeenda Gisilleanda, nea gookwa hang'weaka eashish, nea ghoang'waay damealga miilayga aba geatinga nyaawa,

Ruumi 8:27

Nea siida sikiideawa gurooruunatka buuneeda ghwanal fughareeda Guroorooda, aba gideaba Guroorooda gamusiischeesa fuga ghaydidi aba gidagasiida ASEETA.

Lukka 22:19

Ak gageanu mukaate, ak gabadiischeesa ak ghabwanach ak ghoadawaada saawa nea gwayeesha, “Nih saseedeanyu gil siitayda aba badahuukeagwa. Ahindunu aba giipkeateanyu.”

Mattayo 13:22

Nea dea abissa jeeda geediga halaghweenga, ea siidida iiy ng'asheanda amadu aba geawunda gheang'da baruureega badayda ng'eanyiida, ghaminighis ak ea mudu gwaji haghweega.

1 Goriinto 15:3

Aba gideaba geagonyeegwa giijasta majeek bea huumwa ghayi sigoonan, bea gideaba Gristo ghami aba riing'eegaasa gawuurji ginyaashta ng'ooruutka,

Efeeso 5:16

ak googadiyeati muuchi damani oondeawiin aba gideaba askwearjoojisu gea munyas gil.

1 Desaloniikke 1:3

nea ghaapkaacheegwa aba madeeda ASEETEANYA was Ghweanda, gadiyeedeang'wa bea masaweega ea bariinyeegeagwa gadiiyi ea milikghteaydeang'wa bea rarooda aba jeeda Ng'utamiideanya was Yesu Gristo.