Galattiya 1:10 - Bibliyeeda Ghaydit

¹⁰ Neada ghoaghanyi gili eagasayi dashiit buuneeda, ghana ASEETA? Ghana eagasayi deahoosan buuneeda? Asi iidu deahoosani buuneeda, ea maydoaw soomjeanda Gristo.

NEAJEEDA EESH BEA BUUNEESSEAN

¹⁰ Neada goaghayi gili eagasayi dashiit buuneeda, ghana Aseetta? Ghana eegasayi deahoosan buuneeda? Asi iiduw deahoosani buuneeda, ea maydoaw soomjeanda Gristo.

Galattiya 1:10 Referans Kwoze

1 Desaloniikke 2:4

gawuurji gidaghayi goondaneasa ASEETA gheata Giijasta miy, ea gidasirukwiidi, nea meewuurjeewani fuga ahoosani buuneeda, geewooschi fuga ahoosan ASEETA nal gurooruunatkaasa.

Gadiyeeda Giijasoodiga 5:29

Ghwalamda Betaro sea giijasoodiga ak gwayeesha, “Gamiiseasa gideaba gajeawala gheang'da ASEETA mwasamwa siida.

Efeeso 6:6

nea mii gideaba googadiyeesi aba gheanyanga gil ak ghwahit, gawuurji fuga ahoosan buuneeda, gagasa gawuurji soomjooga Gristo, nea goosinyi ng'asheega bwariiy ASEETA leabu jih,

Yakkobo 4:4

Fuga mii doobiiweadi! Moanali gideaba iduupcheewi geaw ng'eanyiida ea nihuuwi weajoocheanda ASEETA? Asi siida wassean gasa gooduupchi geaw ng'eanyiida abeeda ea nisin geaw weajoocheanda ASEETA.

Mattayo 22:16

Iidu goojeakta giinealanga nyaawa headaanyi ea gea Herode geanyaash nea geeyeesha, “Giinealshoocheanda, Aseasa geanali gideaba ang'iing'i guwoosi siida huumwa, ak gibwadi nih giinaali buuneeda naweeda ASEETA aba huumeanda, nea ghanyea miduupi hawunda siida aba gideaba ming'uli ratooda buuneeda.

Golosaayi 3:22

Giing'oonyanga, amwasa ng'asheega sean bea meanang'oodigeagwa bea ng'eanyiida, nea mii aba gheanyanga gil, gawuurji fuga sin alooheeda aba heeda buuneeda, asi gamiiseegwa agadiyeena nea eashish gurooruunatkeagwa, nea ghoawali Ng'utamiida.

Ruumi 2:29

Niny Yahudajeanda gil aba guroorooda, ea ghasmeahooda huumwa leabu jeeda Guroorooda, ghaydit ak ea meemaseawa nuut. Nea duumsheesiindaanyi ea maygwaleabu heeda buuneeda gaygwaleabu heeda ASEETA.

1 Yohaana 3:9

Manda siida jiilu ASEETA ak gwasina riing'eeda; aba gideaba seareeda ASEETA gwanda jeadaanyi, ak ea maygwasin riing'eeda aba gideaba gwajiilu ASEETA.

2 Goriinto 12:19

Ghoang'wa apkaada gideaba geefurji geat aba heedeang'wa? Nih aba madeeda ASEETA geebalooli aba jeeda Gristo, nea aba sean geedeegu bariinyeegeagwa, fuga aabwariinyi.

Ruumi 2:8

nea fugiga aheakiida suurjeaniin biissa ea moawala ng'asheega huumwaan, nea gwasiniisa mureeda ng'asheega munyas, gay ghwanyas nyarasta ea gharbeeda.

Ruumi 1:1

Bawlo, soomjeanda Yesu Gristo, siguursa ghoah giijasoocheanda, sisach aba gadiyeeda giijasta miy bea ASEETA

1 Goriinto 10:33

asi gawuurji gidiisa eagasiidi aniini deahoosan buuneesean aba haleanjeeda sean easinyi, ak ea meagassi gideaba gaydanyagaada nea gabwageaw, geagasayi dea buuneesean, ak abeeda geelealu.

Mattayo 28:14

Amadeepa ghwanyas iita sugoocheanda bea ng'eanyiida, gajeepaloola niny ak gajeegeandeawaneegwa shata.”

1 SAMWELI 21:7

Abeeda eaweedida gwanda siyagi aba jeeda fuga gadiyeeda Sawli, ak geateal aba madeeda NG'UTAMIIDA; ak gheawungaaschi geeguura Doegi bea eemeeda Edomu, was siida haw bea Sawli was jeagiischoodiga nooga Sawli.

Gadiyeeda Giijasoodiga 12:20

Iidu ghwanyareas Herode muuchi aba badayda fuga ng'eanyiida Diro ea Sidoni; ak geapka headaanyi, nea abeeda ea nibalool Blasto, abeeda niny siida haw ambal gheeda sugoocheanda gil, gaweay gamus gideaba nung' eebeaha seayu, aba gideaba ng'eang'deanya ghaghus ng'eanyiideaba sugoocheanji aba hamita.

Mattayo 6:24

“Manda siida ammu gagadiiyeesa fiisu hees iyeenya. Aba gideaba gayghwasit agi nea ghabwariiy niirja, ghana ghoang'waay geat sea nih ak gafool niirja. Majoamuusa agadiyeesiina ASEETA ea baruureega.

Filippi 1:1

Bawlo ea Dimoteo, was soomjooga Gristo Yesu, heeda fuga ghaydidi sean mida naweeda Gristo Yesu, mida ng'eanyiida Filipi, sea jeagiischoodiga Ganiisa sea weedanga Ganiisa.