Filippi 3:3 - Bibliyeeda Ghaydit

³ Aba gideaba aseasa geewooschi ghasmeahooda huumwa, gadoowan ASEETA aba guroorooda, ea gheambalmeeda aba jeeda Gristo Yesu, fuga mwarara ng'asheega saseeda.

NEAJEEDA EESH BEA BUUNEESSEAN

³ Aba gideaba aseasa geewoschi ghasmeahooda huumwa, gadoowan Aseetta aba gurorooda, ea gheambalmeeda aba jeeda Gristo Yeesu, fuga mwarara ng'asheega saseeda.

Filippi 3:3 Referans Kwoze

Golosaayi 2:11

Nea aba badaydeaba niny eara agooga siyaadeagwa ghasmeahooda aba ghasmeahooda meesinana geatinga, nea ghoanung'waadi ng'asheega saseeda aba ghasmeahooda Gristo,

Ruumi 7:6

Nea ghamneawa ea siitineasa aba jeeda deaweeda, aba gideaba simeewiisi gidaghayi nung' eahuuwa giing'oonyanga, ak abeeda ea meegadiyeeni aba hiing'eadayda deaweedeeda sing'waar geaghus aba jeeda Guroorooda.

GIIPKEATA DIIGHEANDA 30:6

Ak gaygooyiil gurooroadaang'u NG'UTAMIIDA was ASEATAANG'U, ea guroorooda jeacheengaagu, ak gaybwariinya NG'UTAMIIDA was ASEATAANG'U aba gurooroadaang'u sean ea aba jeadaang'u sean, ak ginyasi eaweega.

Galattiya 5:25

Iisipideewi guroorooda gagasa eeweaya nea geandeawi guroorooda.

Ruumi 8:15

Aba gideaba ghayi meegooneegwa guroorooda giing'oonyaneanduumeeda jea gweadu muuwda, ghayi geegooneegwa guroorooda jea ahuweewana orjooga. Nea geeyeawdi, “Bwaabwa! Bwaabwa!”

YEREMIYA 4:4

Ea fuga Yuda ea gea abiita Yerusalemu, Ooyiila geat aba badayda NG'UTAMIIDA, ageanda mughooka gurooruunatkeagwa adiidu ghwayeata nyarasteanyu beasta, ak ghwayeat ea ghwaroat siichea gwanuus, aba munyasnacheeka gadiyoojigeagwa.”

NYIIGHEEGA 105:3

Oakghaambiida geat aba gheawungaaschi ghaydit; ak ea dahoosana gurooruunatkeaba fugiga gaseadayi NG'UTAMIIDEAN!

GIIPKEATA DIIGHEANDA 10:16

Asi ayaada ghasmeahooda gurooruunatkeagwa, adiidu goowooschi fuga hang'oonyi iheeni.

Efeeso 6:18

Amwaasha ASEETA damanyoojiga sean aba jeeda Guroorooda aba mooshta sean bea ASEETA ea badita. Ak ghoang'wearu nea ghoashng'u aba badita ASEETA aba badahuuka fuga ghaydidi sean,

YEREMIYA 9:26

was fuga Misri, ea Yuda, ea Edomu, was orjooga Amoni, ea fuga Moabu, ea fuga sean abiita jeeda eeshtearajeanda reegwa iheenga nyaawa goonuweagi buudeega nyaawa, aba gideaba eemoojisu miyeeyiil, nea gheeda sean bea Israeli ea miyeeyiil gurooruunatka.”

Ruumi 1:9

Aba gideaba ASEETA muushoocheadeanyu gil, eagadiyeesi aba guroroodeanyu aba jeeda Giijasta miy bea Orjeedaanyi, nea iissa ea meapri aba rukunooda badahuukeagwa galeagasean aba jeeda mooshteanyu bea ASEETA,

MALAKI 1:11

Aba gideaba ghang'eada giirearnooda aseeta ea gamikta gheawungeasu ea hees aba jeeda eemoojiga, nea aba hiji wassean geatayda geediga ng'andidi aba gheawungeasu, was haleanjeeda ghadooweeda miyaas; aba gideaba gheawungeasu ea hees aba jeeda eemoojiga, gwarugu NG'UTAMIIDA bea lugweega.

ISAYA 45:25

Aba heeda NG'UTAMIIDA jeata sean bea Israeli gajeataw doobiiwnata nea geaghaambiit.”

Yuuda 1:20

Nea agooga, fuga aabwariinyi, amajeegiita aba badayda masaweegeagwa ghaydidi muuchi; nea ghoamwaashchi ASEETA aba Guroorooda Ghaydit;

Ruumi 15:17

Aba jeeda Gristo Yesu geandeawi gichea daghwara geaw aba gadiyeedeanyu aba madeeda ASEETA.

Ruumi 8:39

ghana haleanjeeda mida humng'eeda, ghana haleanjeeda mida ng'eanyi, ghana gida wassean may ghoamu gooheelaneasa sea bariinyeega ASEETA mida jeeda Gristo Yesu was Ng'utamiideanya.

Ruumi 9:6

Nea mii gideaba niyamwa ng'asheanda ASEETA aba gideaba may ghoah buuneesean bea Israeli jeata Israeli,

2 Goriinto 11:18

nea fuga saang'a iissa ghaghwara geat haleanjeeda ng'eanyiida, ak eara aniini gaydaghwar geaw.)

Galattiya 6:16

Hoyyoo ea baydeayda gagasa ghwanyas fugiga sean ang'waay deaweedeeni, aba badayda Israeleeda ASEETA.

Filippi 1:1

Bawlo ea Dimoteo, was soomjooga Gristo Yesu, heeda fuga ghaydidi sean mida naweeda Gristo Yesu, mida ng'eanyiida Filipi, sea jeagiischoodiga Ganiisa sea weedanga Ganiisa.

Filippi 3:12

Ak ea mii gideaba naanyaschi ghana gideaba neawooschi hidaat gil; geamajeekchi badiida danyas ak ghoah deanyu, aba gideaba ninung' Gristo Yesu doaw siidaanyi.

Filippi 3:14

Geamajeekchi beata dagal heeda gideabuurbuurji jea danyasa giimearda jea gwaleabu guurnooda leabu heetiyeada bea ASEETA aba jeeda Gristo Yesu.