Filippi 3:2 - Bibliyeeda Ghaydit

² Ashageada gudajeega, ashageada fuga gadiyeeda munyas, ashageada fugiga iissa ghwalajaada saseedean.

NEAJEEDA EESH BEA BUUNEESSEAN

² Ashageada gudajeega, ashageada fuga gadiyeeda munyas, ashageada fukka iissa ghwalajaada saseedean.

Filippi 3:2 Referans Kwoze

2 Goriinto 11:13

Aba gideaba fuga uurji suh giijasoodiga ng'uyyeenya, nea iissa gwasin gadiyeeda aba reengaweega, fuga iissa ghwayam geat ak gwasin geat giijasoodiga Gristo.

Ditto 1:16

Iissa gwarugu gideaba geanali ASEETA, nea iissa ghwashaang' aba sinaweega nyaawa, nea gwandeawa sicheeda, ak ea mandeawana mureeda, mamiisiina sinooda gadiyeeda miy.

Giidaheechta 22:15

Hoowa bea jaroodean gwanda gudajeega ea beeneediga ea fuga hiseada ea fuga nuusa buuneeda ea fuga ghadoawani sanaamu, ea gilinyoo ghabwariiy ng'uyyeega nea gwasin.

Galattiya 5:15

Asi iighanyaadi nea ghoanyeanyeahaadi geat gooshageachi adagaba siisi ak nuut.

Filippi 3:19

Mudeanoodeaba fiisu nyariida gil, ak aseeta nyaawa ea jeeda gil, ak ng'asheega aghaambiida geat ea gea baspaseega gil, mideawa fughareenga ng'asheega ng'eanyiida.

Galattiya 5:6

Aba gideaba siida iimida jeeda Gristo Yesu gawa ghasmeahooda ghana ea mawa ghasmeahooda aba headaanyi mii gili, gidahaw masaweega mideawa bariinyeega gil.

NYIIGHEEGA 22:16

Aba gideaba nineaweesean gudajeega; ak ea nineaweesean mughuusheanda fuga munyas; ak ea niingoor geatingeasu ea geeshanga–

Mattayo 7:15

“Ashageada sibanga ng'uyyeega fuga iissa ghapka heedeang'wa nea niikwa eagweega gisilga, nea aba jih ea suuyeeka ng'weani.

NYIIGHEEGA 22:20

Weada gurooroodeanyu aba ng'uta, weada eaweegeasu aba uurda gudeeda!

Giidaheechta 21:8

Ak gea giyoonyi, ea gea mandeawana masaweega, ea gea ririnnyeanda, ea gea nuusa buuneeda, ea gea hiseada, ea beeneediga, ea gea gadoowani sanaamu, ea gea naba ng'uyeega sean, heanyaawa jeeda basooda yeada beasta gil ea giikayda, nea nih ea miyeedeaba iyeenya.”

Giidaheechta 3:9

Ng'ula, gaydanung' ghoah fugiga was gheeda siinealshacheewa bea Shataani eena geawooschi Yahudi nea mawoosa ak gwanaba ng'uyeegean, ng'ula, gaydanung' ghapka ak gwatkuy aba madeeda geeshangaagu, ak ghwanal gideaba ghaabwariinyeey.

Yuuda 1:4

Aba gideaba gheata ninyas fuga mwaatkwa gaseadayi aba makcheameeda ghang'eada garayi ak geegwalu aba girgweaksiinda, fuga maba ASEETA huteawi dagheerjeanduumeeda ASEETEANYA ak ghoabuuta jeeda hiseadayeanduumeeda nea ghwashaang' Siideanya haw asakaleala was Ng'utamiida, Yesu Gristo.

1 Dimotteo 1:19

Ak guhuwi siida masaweega biissa aamiy fughara aba gideaba gwanda fuga ninung'waada miyinda fughareeda, hean ghwadatas masaweega nyaawa.

Filippi 3:3

Aba gideaba aseasa geewooschi ghasmeahooda huumwa, gadoowan ASEETA aba guroorooda, ea gheambalmeeda aba jeeda Gristo Yesu, fuga mwarara ng'asheega saseeda.

Galattiya 5:13

Aba gideaba geeguurneegwa anyasa giibaldeaba geat, orjoogiyya; ak ea adoanung' ghoah giibaldeang'wa bea geat nyasita gheata ng'asheega gasa saseeda, nea aba bariinyeega ea daba siisi was soomjeamba nuut.

Ruumi 2:28

Aba gideaba niny mii Yahudajeanda huumwa gil aba bwadaw, ak ea mii ghasmeahooda huumwa gabeachi badayda saseeda.

Mattayo 7:6

“Adoatawji gudajeega haleanjeeda ghaydidi, ghana ahisana ukurmajeega sageekeagwa ak ghwadatas, gajiidu gwayamseegwa geat ak ghwaageagwa.

GHWASIILDEANGA 26:11

Gidabiiksiinda gudeeda geeseagaaschi, eara siida dasha gabiiksa leendeadaanyi.

Giidaheechta 2:9

“‘Ghaanali sawanadeadaang'u ea barbarandaang'u, (ak guwoosi meanang'oocheanda), ak ghaanali eara giing'weakeaba fiisu eena geewooschi fuga Yahudi nea mawoosean, nea saawa ea ghooriida siinealshacheewa bea Shataani.

2 Betro 2:22

Ak saawa gawuurji sea ng'asheanda sirukuta aba ghwasiildeanga ghayi bea huumwa, bea gideaba, Gudeeda nibiiksa geeseegaaschi, ak nuut gicha geeyeesha, ukurmeeda siihuun nibiikta goobeerbeershi aba jeeda sheang'weeda.

Mattayo 24:10

Ak abeeda fuga saang'a gajeeruusa nea gooheakiida geat nea gwasta geat.

NYIIGHEEGA 119:115

Ea fuga sina ng'asheega munyas, ang'amwana heedeanyu, ak abeeda ghaang'waanyi diigheanyeeka ASEETEANYU.