Filippi 3:1 - Bibliyeeda Ghaydit

¹ Asi aba huuydeanda, orjooga giyeanya, ahoosana aba jeeda Ng'utamiida. Ak geang'oorneegwa ng'asheega uurji giika nea meapri, ak abeeda gaygwalealneegwa.

NEAJEEDA EESH BEA BUUNEESSEAN

¹ Asi aba huydeanda, oorjooga giyeenya, ahoosana aba jeeda Ng'uttamiida. Ak geang'oorneegwa ng'asheega uurji gikka nea meapri, ak abeeda gaygwaleaneegwa.

Filippi 3:1 Referans Kwoze

Filippi 4:4

Ahoosana aba jeeda Ng'utamiida galeagasean; ak geabiikti dayi, Ahoosana.

Ruumi 5:11

Ea meakghusa nih, geehoosanyi aba heeda ASEETA aba naweeda Ng'utamiideanya was Yesu Gristo, nea aba badaydeaba niny ghamneawa ea sinyaschi giiduupcheeda.

Yakkobo 1:2

Anung' ghoah haleanjeeda sean hooseaneega, fuga eaduupcheewi, aba iisisimsimeegwa aba gilakil,

1 Betro 4:13

Asi ahoosana aba gideaba noopareanyi sawanaduutka Gristo, ak abeeda eara agooga goohoosanyi nea goong'weelayi damanda jea eatahaaja giigheambiitaanyi.

1 Desaloniikke 5:16

Ahoosana galeagasean,

Filippi 4:8

Asi orjoogiyya gidahuuydean jea ooteemsheesiina nih, ng'asheega sean was gea huumwa, ea gea mideawa mureeda, ea gea doobiiweadi, ea gea miyaas, ea gea sibwariiy, ea dagheerjeanduumeeda iimida miyinda wassean, ghana giigheambiita miy wassean, ooteemsheesiina ng'asheesu.

1 Betro 3:8

Ng'asheanda huuydean nih gil, awoosa gilagi, ak goobayiidi geat nea ghoabwariiydi geat orjoospa ghaamwadagi, nea goowooschi ng'eeni ak gooyeadayi geat ng'eanyi.

2 Goriinto 13:11

Aba huuydeanda, abeaha seayu fuga eaduupcheewi. Asina naweadingeagwa, ayiinya gideargu, daba siisi mwas nuut, abeaha weayda, ak abeeda ASEETA mideawa bariinyeega ea weayda gaygoobiida heedeang'wa.

2 Betro 3:1

Nih ghamneawa barawajeandeaba iyeenya gil eang'oorneegwean orjooga aabwariinyi, nea aba jeedeaba suh duwaawiin ea neapkeaneegwa ak gagatkat fughareengeagwa miyaas;

Efeeso 6:10

Aba huuydeanda awoosa majeekcheewi aba jeeda Ng'utamiida ea aba giimuusta ea uurdaanyi.

Lukka 1:47

Nea guroroodeanyu gahoosasa ASEETA was lealnoocheandeanyu

SAKARIYA 10:7

Fuga Efraimu gayghwanyas uurjeenga, nea gahoosan jeesinga nyaawa gawuurji fuga leabu leeshooda difaayi; ak gayghwadaah diibiga nyaawa ng'asheesu, ak gahoosan, nea gahoosasa jeesinga nyaawa NG'UTAMIIDA.

SEFANIYA 3:17

NG'UTAMIIDA was ASEATAANG'U gwanda jeedeang'wa, niny aamwaay nea ghoamu gwalealneegwa; gaygahoosasseey aba ng'weelooda haw, gayghwasiinda aba bariinyeagaaschi; gaygang'weela aba badaydaang'u nea gwasarman aba ghuuta haw

SEFANIYA 3:14

Sarmana aba ghuuta haw, Ea hudeaba Sayuni; ajuura, Ea Israeli! Ng'weela nea gihoosani aba gurooroadaang'u sean, Ea hudeaba Yerusalemu!

YOELI 2:23

“Asi ahoosana, ea orjooga Sayuni, ak goohoosanyi aba badayda NG'UTAMIIDA was ASEETEANG'WA; aba gideaba niny iissa gagooneegwa roopta muweeda, aba damanda, ak iissa gwaroobassa roopta, roopta muweeda, ea roopta simanga gawuurji gidaghayi bea mwadi.

NYIIGHEEGA 37:4

Ak gigasayi hooseaneega aba heeda NG'UTAMIIDA, ak gaygagoonyi haleanjeeda gasa gurooroadaang'u.

NYIIGHEEGA 32:11

Ahoosasiina NG'UTAMIIDA; ang'weela, agoogeeda oowooschi doobiiweadi oochuura nea goong'weelayi, ea oogaseaneeda mideawa gurooruunatka miyaas.

AYUBU 22:26

Ng'ata gajahoosana geaw aba heeda ASEETA hoauur, ak gigatkadi gheamamdaang'u ageala heeda ASEETA.

1 DAMANYOOJIGA 29:22

ak gweagiischi nea gwaleeshi aba madeeda NG'UTAMIIDA eaweedida, nea gahoosan muuchi. Ak goombiit Sulemani, was orjeeda Dawdi, deabiyeenya, ak geamwaar aba madeeda NG'UTAMIIDA, ak geanung' gwaheedu ak ghoah Sadoki ashoohoocheanda.

Filippi 3:3

Aba gideaba aseasa geewooschi ghasmeahooda huumwa, gadoowan ASEETA aba guroorooda, ea gheambalmeeda aba jeeda Gristo Yesu, fuga mwarara ng'asheega saseeda.

Mattayo 5:12

Ahoosana nea goong'weelayi, aba gideaba giimeardeang'wa aahaw aba humng'eeda, nih gidaghayi bay gwasawanda buuneeda sibanga ashooynaneegwa.

ISAYA 61:10

Gaydahoosan muuchi aba heeda NG'UTAMIIDA saseadeanyu gaygang'weela aba heeda ASEETEANYU, aba gideaba niikwealnean hang'da lealeanooda, ak ea nidukuteawean hang'da doobiiwnata, gawuurji siida geeshi iisissa geaw suulga aba shiipka deakghweeda, nea gawuurji sibeeda sissa geaw haleanjeeda miyaasiin bea suulga.

ISAYA 41:16

gajaleala saawa ak gayghwaat jeameeda, ak ghwanung' shaarara gaguudeadayi. Ak gayhoosasiina NG'UTAMIIDA was dea asagi Ghaydit bea Israeli ak gajoakghaambiida.

NYIIGHEEGA 149:2

Israeli dahoosana aba badayda dea ghayi bwat, orjooga Sayuni dahoosana aba badayda Sugoocheanda nyaawa!

NYIIGHEEGA 97:1

NG'UTAMIIDA goombaliischi; asi dahoosana ng'eanyiida; ak ea dahoosana ng'eanyoojiga saang'a neaweesa beega!

NYIIGHEEGA 42:4

Ng'asheesu ghoapkaachi; ak ghabwaasha gurooroodeanyu, aba damanda eadeayeewi eemeeda jeeda gheeda ASEETA, ak ghaadoabiiwji saawa nea gaweay goojuur aba hooseaneega ea sarmeeda badiischooda, ea giigheambiita ASEETA nea gwanda eemeeda jeeda ghweelmeeda.

NYIIGHEEGA 5:11

Nea buuneesean salsa headaang'u gaygahoosan, gaygwasarman galeaga sean aba hooseaneega; aba gideaba giihaaghwi saawa, nea fugiga bwariiy gheawungaaguun gaygahoosaseey.

NEHEMIYA 8:10

Hean gwayeesha saawa, “Aweayeena heechea aweayeena, ak ghoayaaji gidariishaat nea ghoaleayi difaayeeda inya nea gooyeasi siida mandeawana; aba gideaba eaweecheanji ea ghaydit aba heeda NG'UTAMIIDEANYA; nea adaghang'udeagwa giiseaneega, aba gideaba hooseaneega NG'UTAMIIDA uurdeang'wa gil.”

1 DAMANYOOJIGA 16:10

Aghwara geat aba gheawungaaschi ghaydit, Ak ea dahoosana gurooruunatka fuga gaseadayi NG'UTAMIIDA.

1 DAMANYOOJIGA 15:28

Nih gidascheeng'deayda buuneesean bea Israeli sandakwajeanda neajeeda bea NG'UTAMIIDA nea gahoosani nea ghaghuut durumbeatajeega, ea fooriida, ea aba gureayeeka, nea ghwanung' goojuur ginandajeega ea gidoondoorajeega.

1 SAMWELI 2:1

Hean eara ghamwaash ghawooda nea gwayi, “Gurooroodeanyu gahoosan aba heeda NG'UTAMIIDA; nea uurdeanyu ghoaghaambiit NG'UTAMIIDA. Ghuuteanyu gwajuuga weajoodigeasu, aba gideaba geahoosanyi aba jeeda lealeanoadaang'u.

GIIPKEATA DIIGHEANDA 16:11

ak gayhoosana aba madeeda NG'UTAMIIDA was ASEATAANG'U, ang'iing'i ea orjeedang'u ea hudaang'u, ea soomjeandaang'u was ng'eedeeda ea dea was gatmooda, ea siida eemeeda Lawi abiita mujiineadaang'u, ea rabascheanda, ea bananeeda ea masinung'weanda mida headaang'u, aba heeda jea ghwaloat NG'UTAMIIDA was ASEATAANG'U, heeda jea gamiindeaysa gheawungaaschi.

GIIPKEATA DIIGHEANDA 12:18

gajayeaksiina madeeda NG'UTAMIIDA was ASEATAANG'U aba heeda jea ghoahiimu NG'UTAMIIDA was ASEATAANG'U ang'iing'i ea orjeedang'u ea hudaang'u, soomjeandaang'u bea headiga ea soomjeandaang'u bea haweega, ea siida eemeeda Lawi mida jeeda gealgaagu; ak abeeda gihoosani aba madeeda NG'UTAMIIDA was ASEATAANG'U aba haleanjeeda sean iisini.

1 Desaloniikke 4:1

Aba huuydeanda, fuga eaduupcheewi, geemuscheegwa nea geamiinyi gheang'deang'wa aba jeeda Ng'utamiida was Yesu, ak gawuurji gissiinaaldaneegwa aba heedeanya gidanisindaneegwa oopiideata nea goohoosanyi ASEETA, ak gawuurji gidoosindi agooga, ak gagasa agooga asina muuchi ea ghwanaawa.

ISAYA 65:14

Ng'ula fugeasu bea gadiyeeda gaygwasarman aba hooseaneega guroorooda nea agooga gajooyeawda aba sawanadeeda guroorooda. Gajoochuura aba sawanaduutka gurooruunatkeagwa.

NYIIGHEEGA 33:1

Ahoosasiina NG'UTAMIIDA, agoogeeda oowooschi doobiiweadi! giigheambiita ghwadoabiiw aba heeda fuga miyaasiin gurooruunat.