Filippi 2:3 - Bibliyeeda Ghaydit

³ Adisini ng'asheanda aba shidoodeaba ghaang' ghana aba ghwarjeeda, sina aba eateaba geaw bea ng'eanyi nea ginung' ghoah buuneeda suurja fuga miyaasiin ea ghang'aleagwa.

NEAJEEDA EESH BEA BUUNEESSEAN

³ Adisni ng'asheanda aba shidoodeaba ghaang' ghana aba ghwarjeeda, sina aba eatteaba geaw bea ng'eanyi nea ginung' ghoaw buuneeda suurja fuga miyaas ea ghang'alleagwa.

Filippi 2:3 Referans Kwoze

Ruumi 12:10

abwariinya geat agooga, aba bariinyeega huumwa bea orjooga giyeang'wa nea aba mureeda goosheedi buuneeda suurja.

Galattiya 5:26

Adeegwaray geat mwadaagha, ak ea adeesadayi geat, nea adeeng'uli geat gheanyanga munyas.

Efeeso 5:21

Asinisiina geat mureeda gawuurji gidoosiniisiindi Gristo mureeda.

Efeeso 4:2

nea gooyeadayi geat ng'eanyi ak goowooschi garbapi, nea ghoahang'waanyi nea goomilikideaysi geat aba bariinyeega,

1 Betro 5:5

Gwasunu eara agooga gheareemanga asisiina gweargwa mureeda. Ookweala geat, oogasean, nea gaba siisi sissa nuut mureeda, aba gideaba, “ASEETA iissa ghaheawa fuga ghwarjeeda, ak ghoadaw dagheerjeanduumeeda fuga eada geat ng'eanyi.”

Filippi 2:14

Asina ng'asheega sean nea adagwarinaneegwa giiniikghta ghana sheang'nyeeda,

Galattiya 5:15

Asi iighanyaadi nea ghoanyeanyeahaadi geat gooshageachi adagaba siisi ak nuut.

1 Dimotteo 6:4

nih ning'ut ghwarjeeda ak ea manda gil nal, ak gaba geeska giiteemshooda badayda giinyaashteayda ng'asheega ea galeadayda ng'asheega nea aba jeedeaba suh gwarina ng'ulooda siida aba gheang'da muy, jaliida ea giing'weaka ea meanyooda muy bea siida,

Lukka 18:14

Geayeeshiineegwa, ghwararang'aada siidida ang'oonyi gwaadiin gawa gheanyi nea siitaw doobiiwnata ea ghang'al niirja; aba gideaba siida nyooh goodiing'u geaw gajeahiing'u, nea dea hiing'u geaw gajeetiing'u.”

GHWASIILDEANGA 13:10

Ghwarjeeda gaygweadu jaliida ak ghwahit, nea gea mideawa weaghuumeeda gayghamwas girgweaksiinda.

Golosaayi 3:8

Ak ghamneawa ghoanung'waadi ng'asheesu seaniin; nyarasta, ea ng'weaninda, munyinda, ea beeshta, ea giing'weaka aba ghuusigeagwa.

2 Goriinto 12:20

Aba gideaba ghaawali dahidu ak ea moowuurjeewani gida eagasiidi dahidu nea goowuurjeewi, ak ea moahiimni nea geewuurjeewi gidida moogassiidaniin; ea gideaba gwadeepa gwanda jaliida, geawunda gheang'da, ea nyarasta, shidoodeaba ghaang', giiheakteayda, soomeanda baloolda, reengaweega ea deakghuyandeeda.

1 Goriinto 3:3

aba gideaba agooga gudabeaha saseeda. Nea iimida jeedeang'wa lachng'eanyiida ea ng'alealeeda, abeeda moowoosi fuga saseeda, nea ghoabeadi fuga gealaani?

1 Goriinto 15:9

Aba gideaba aniini geawooschi mwanang'eawa giijasoodiga, biissa ea mamiisean gideaba gajeeguureewean giijasoocheanda, aba gideaba ghayi naaghabwaschi ganiiseeda ASEETA.

Ruumi 13:13

asi eara aseasa gagasa eabeada fuga mida heedeesh, mii geawunda gheang'da gil ea booktuumeeda, mii ng'asheega munyas gil ea hiseadayeanduumeeda, mii jaliida gil ea lajoodeaba ghuut.

Ruumi 2:8

nea fugiga aheakiida suurjeaniin biissa ea moawala ng'asheega huumwaan, nea gwasiniisa mureeda ng'asheega munyas, gay ghwanyas nyarasta ea gharbeeda.

Golosaayi 3:12

Asi ookwealsheata fuga niloat ASEETA, ghaydidi sibwariiy, bea jeesinga bayiida buuneeda, ea ng'eeninda, eatoodeaba geat bea ng'eanyi, miyinda ea milikghteayda,

1 Betro 3:8

Ng'asheanda huuydean nih gil, awoosa gilagi, ak goobayiidi geat nea ghoabwariiydi geat orjoospa ghaamwadagi, nea goowooschi ng'eeni ak gooyeadayi geat ng'eanyi.