Filippi 1:15 - Bibliyeeda Ghaydit

¹⁵ Aba huumwa gwanda fuga inyeessa gwarukwiida iita Gristo aba lajoodeaba ghuut ea foolayda, nea suuk geerukwiida aba gidamiy sigasa.

NEAJEEDA EESH BEA BUUNEESSEAN

¹⁵ Aba huumwa gwanda fuga inyeesa gwarukwiida iitta Gristo aba lajoodeaba ghuut ea foolayda, nea suuk gearukwiida aba gidamiy sigasa.

Filippi 1:15 Referans Kwoze

Filippi 2:3

Adisini ng'asheanda aba shidoodeaba ghaang' ghana aba ghwarjeeda, sina aba eateaba geaw bea ng'eanyi nea ginung' ghoah buuneeda suurja fuga miyaasiin ea ghang'aleagwa.

2 Goriinto 11:13

Aba gideaba fuga uurji suh giijasoodiga ng'uyyeenya, nea iissa gwasin gadiyeeda aba reengaweega, fuga iissa ghwayam geat ak gwasin geat giijasoodiga Gristo.

2 Goriinto 4:5

Aba gideaba meerukuuni ng'asheega badahuukaasa aseasa geeruku gideaba Gristo Yesu Ng'utamiida, ea gideaba aseasa geewooschi soomjoogeagwa aba badayda Yesu.

2 Goriinto 1:19

Aba gideaba Orjeeda ASEETA, was Gristo Yesuun ghayi siruku iitaanyi aba jeedeang'wa, Silwano ea Dimoteo ea aniini, mii Eahi ghana Manda; nea aba jeedeaba niny galeagasean iissa ea Ea gil.

Mattayo 23:5

Gicha sinaweega nyaawa sean inyeesa gwasin ghwadaah buuneeda aba gideaba iissa gooheetu barawajeegeagwa bea mooshta ghawooda, nea googeawiidi seapseapta nyaawa.

1 Dimotteo 3:16

Ak ea huumwa gil gideaba makcheameeda badita ASEETA aahaw. ASEETA geetaajiit aba saseeda Ak doobiiwnataanyi ghoahiimu Guroorooda Ak ghwadaah giijasoocheanda humng'eeda Ak geerukwiida iitaanyi aba jeeda eemoojiga, Ak geamwas aba jeeda ng'eanyiida, Ak geeyaat humng'eeda heeda ghaambiidaat.

Galattiya 2:4

Iidu aba badayda orjoogiyya bea ng'uyyeega siyeana makcheameeda, ahuudaan ak ghamwaal giibaldeanya bea geat aba jeeda Gristo Yesu, ak gagasa ghwaadeasa jeeda soomjeandumeeda–

2 Goriinto 12:20

Aba gideaba ghaawali dahidu ak ea moowuurjeewani gida eagasiidi dahidu nea goowuurjeewi, ak ea moahiimni nea geewuurjeewi gidida moogassiidaniin; ea gideaba gwadeepa gwanda jaliida, geawunda gheang'da, ea nyarasta, shidoodeaba ghaang', giiheakteayda, soomeanda baloolda, reengaweega ea deakghuyandeeda.

1 Goriinto 13:3

Iyaadaydi haleanjeedeanyu sean eandeawi, ama aadaydi saseedeanyu eaghwarda, ak ea meandeawani bariinyeega, ea meanyasi gil.

1 Goriinto 1:23

amaduuku aseasa geerukwiidi Gristoyda ghayi singoor, aba heeda fuga Yahudi gwaruusa fih nea aba heeda fuga Eemoojiga ea leendeeda gil,

Gadiyeeda Giijasoodiga 11:20

Ak gwanda fuga mwaatkwa, was fuga leabu Saypras ea Girene, amadu nea ghapka ng'eanyiida Antiyokiya goobalool eara fuga Yunani, nea gwarukwiida iita Ng'utamiida was Yesu.

Gadiyeeda Giijasoodiga 10:36

Ak ghoanali ng'asheanda ghayi ajeaksa fuga Israeli, bea rukwiideayda giijasta miy bea hoyyoo aba naweedida bea Yesu Gristohiin, (nea niny ea Ng'utamiida buuneesean,)

Gadiyeeda Giijasoodiga 9:20

Ak deagheata ghoang'eat ghuuta rukwiideayda iita Yesu, nea gwayi, aba jeeda ghoorajeega siinealshacheewa gideaba “Niny Orjeeda ASEETA.”

Gadiyeeda Giijasoodiga 8:35

Ghang'eat Filipo ghwajaat ghuutaanyi, nea ghoang'eada ng'ooruutsu ak gwarukusa giijasta miy bea Yesu.

Gadiyeeda Giijasoodiga 5:42

Nea galeagasean iissa aba jeeda gheeda sibata ASEETA ea aba ghoah ea mii ghwanung'waada giinealshooda ea rukwiideayda Yesu gideaba Gristohi.

Gadiyeeda Giijasoodiga 8:5

Gawa Filipo mujiineeda Samariya ak gwarukwiisa saawa ng'asheega Gristo.

Ruumi 2:8

nea fugiga aheakiida suurjeaniin biissa ea moawala ng'asheega huumwaan, nea gwasiniisa mureeda ng'asheega munyas, gay ghwanyas nyarasta ea gharbeeda.