Efeeso 4:5 - Bibliyeeda Ghaydit

⁵ Ng'utamiinagi, masaweega ea agi, giibaatiisanda ea agi,

NEAJEEDA EESH BEA BUUNEESSEAN

⁵ Ng'uttamiinagi, masaweega ea agi, giibattiisanda aagi,

Efeeso 4:5 Referans Kwoze

1 Goriinto 8:6

iidu aba heedeanya aseasa ASEETA akaleala, was Ghweanda, was deaghayi leabu haleanjeeda sean, ak geepiideewi badaydaanyi ak gabiissa gwanda Ng'utamiinagi, was Yesu Gristo, ghayi rinna haleanjeeda sean badaydeaba niny, nea eara aseasa geepiideewi niny.

1 Goriinto 12:13

Nea aba Gurooroanagi geebaatiisaneasa aba saseanagi, fuga Yahudi ghanea fuga Giriki gili, ea giing'oonyanga gil ghanea fuga abal geat gil, hean geanung' ghwaleayda sean Gurooroanagi.

1 Betro 3:21

Giibaatiisanda deaschi sea ng'asheesu ghamneawa gwalealneegwa, nea mii gideaba gageandeawa saseeda ririnnyeanda gil geemus ASEETA aba fughareeda miy, aba duunooda Yesu Gristo,

Ruumi 3:30

Aba huumwa ASEETA iiyagi, nea dea jea ghoadaw doobiiwnata fugiga siyaat ghasmeahooda aba masaweegean abeeda gay ghoadaw doobiiwnata eara fugiga mii gaweay ghasmeahoodean aba masaweega.

Mattayo 28:19

Asi aweayeena ak ghoanung' ghoah eemoojiga sean giinealanga, nea goobaatiisanyi saawa aba gheawunga ASEETA was Bwaabwa, ea gea Orjeeda, ea gea Guroorooda Ghaydit.

1 Goriinto 1:13

Heapi neada Gristo gabearshi? Heapi Bawlo ghayi geengoor aba badahuukeagwa? Ghana heapi geepaatiisaneegwa aba gheawunga Bawlohi?

Yuuda 1:3

Fuga aabwariinyi, geagasayi muuchi dang'oorneegwa iita lealeanoodeanya bea gealaan, ak ghaadaayi ghwahit gideaba geang'oorneegwa nea geamuscheegwa ak geeng'alealeesi masaweega ghayi sigu nibwagi ak ea majeebiikta siitaw fuga ghaydidi.

2 Goriinto 11:4

Aba gideaba iihidu siinuut ak gwarukuneegwa Yesu nuut nyooh ea mii dea ghayi sirukuneegwa, ghana oang'waanya guroorooda nuut mawoosa dea oang'waanyi, ghana iyoamwaschi giijasta miy nuut mawoosa dea ghayi oamwaschiiin, abeeda goosisi mureeda gidida.

SAKARIYA 14:9

Ak gayghoah NG'UTAMIIDA sugoocheanda aba badayda ng'eanyiisean; nea eaweedida NG'UTAMIIDA gajea agi nea eara gheawungaaschi gajea agi.

Filippi 2:11

ak gaygaba siisi rukuna ghuutaanyi gideaba Yesu Gristo Ng'utamiida gil, aba giigheambiita ASEETA was Ghweanda.

Efeeso 4:13

ea eeyi bwak ea eanyasa masaweega siguuyeesi ea fughareeda Orjeeda ASEETA ak geehitiisi heeda eahuuwa headiga, aba giideenda giteena hidooda Gristo;

Galattiya 5:6

Aba gideaba siida iimida jeeda Gristo Yesu gawa ghasmeahooda ghana ea mawa ghasmeahooda aba headaanyi mii gili, gidahaw masaweega mideawa bariinyeega gil.

1 Goriinto 12:5

Ak gabiissa gwaheeli siinjeandinga gadiyeeda, nea Ng'utamiida ea agi;

1 Goriinto 1:2

Heeda ganiiseeda ASEETA mida Gorinto was fuga ghayi siimiidu aba jeeda Gristo Yesu, ghayi siguursa ghoah fuga ghaydidi, sea fuga sean guuriisa gheawunga Ng'utamiideanya was Yesu Gristo aba heeda wassean. Niny Ng'utamiida nyaawa gil, ea deanya.

Yuuda 1:20

Nea agooga, fuga aabwariinyi, amajeegiita aba badayda masaweegeagwa ghaydidi muuchi; nea ghoamwaashchi ASEETA aba Guroorooda Ghaydit;

Ebraniya 13:7

Oapkaada fuga ahaaghwaneegwa, fugiga rukuneegwa ng'asheanda ASEETEAN; asikteawana gichea ghabwat geeshta eaweega nyaawa, ak googali masaweega nyaawa.

Ebraniya 6:6

amadu ghwayam geaw nea nitambiilan, nea abeeda ea niingoor Orjeeda ASEETA aba gidagasiida saawa ak goong'ooysa humng'eeda aba foolda.

Ditto 1:4

Heeda Dito jeepteanyu bea huumwa aba naweeda masaweega siipareanyi. Gagasa nyasa dagheerjeanduumeeda ea hoyyooyda leabu heeda ASEETA was Bwaabwa ea heeda Gristo Yesu was lealnoocheandeanya.

Ditto 1:1

Bawlo, soomjeanda ASEETA ea biissa giijasoocheanda Yesu Gristo, ak ghaanung' gawa mwadi masaweega fuga loat ASEETA ea fughareeda huumeanda mideawa miyinda,

Filippi 3:8

Aba huumwa ghaanung' ghoah haleanjeeda sean gil nirooda aba gidida naawda aba nalooda Gristo Yesu was Ng'utamiideanyuun. Aba badaydaanyi naanung' gwarooda haleanjeeda sean, ak ghaanung' ghoah haleanjeeda mwadaagha, ak abeeda ghaanyaschi Gristo

Gadiyeeda Giijasoodiga 10:36

Ak ghoanali ng'asheanda ghayi ajeaksa fuga Israeli, bea rukwiideayda giijasta miy bea hoyyoo aba naweedida bea Yesu Gristohiin, (nea niny ea Ng'utamiida buuneesean,)

Gadiyeeda Giijasoodiga 2:36

Fuga sean bea ghanyea Israeli, gammiisa ghwanal aba huumwa gideaba ASEETA ninung' ghoah Yesuheeni ghayi oongoorjiin Ng'utamiida ea Gristo.”

2 Betro 1:1

Simon Betaro gil, soomjeanda ea giijasoocheanda Yesu Gristo, heeda fugiga ninyas masaweega uurjeewaneasean, aba doobiiwnata ASEETEANYA, ea lealnoocheanda was Yesu Gristo.

Yakkobo 2:18

Ak gaygwayi siyagi, “Ang'iing'i gindeawi masaweega ak geandeawi aniini gadiyoojiga.” Ahiimnaan masaweagaagu mandeawana gadiyoojiga, ak gaydaahiimneey masaweegeasu aba gadiyoojigeasu.