Efeeso 4:12 - Bibliyeeda Ghaydit

¹² ak ghoadaw fuga ghaydidi uurda jea gwasina gadiyeeda ASEETA ak geemajeek saseeda Gristo,

NEAJEEDA EESH BEA BUUNEESSEAN

¹² ak ghoadaw fuga ghaydidi uurda jea gwasna gadiyeeda Aseetta ak geemajeek saseeda Gristo,

Efeeso 4:12 Referans Kwoze

Efeeso 4:16

niny googuuyi saseessean ak ghwanung' ghoang'waay geat roobuutka, ak ghoadaw gilinyoo ea roobadeeda gil gichea gwasinda gadiyeadaanyi muuchi ak aba sareani gwaheedu saseessean nea ghwadeas geaw aba bariinyeega.

1 Goriinto 12:27

Asi noahuuyi saseeda Gristo nea gaba siisi was roobadeadaanyi.

Ruumi 15:14

Asi neasikteawi aniini iiteang'wa, fuga eaduupcheewi, gideaba eara agooga goondeawi alooheeda haw, ak ghwanyiideagwa fughareenga sean, ak ghoamuuschi oatoabiiwa geat.

1 Goriinto 14:26

Fuga eaduupcheewi, asi gajeeyeenaan? Iyoabwachi geat, gaba siisi mideawa duumda, ea giinealshooda, ea giidaheachta, ea iit nuut, ghana roopunooda ng'asheega.

Ruumi 14:19

Asi iisunu geang'waanyi ng'asheega hoyyoo ea ng'asheega miyaasiin jea gwadeekneegwa.

1 Dimotteo 1:12

Aniini geabadiischeesi Yesu Gristoyda was Ng'utamiideanya goonan uurda aba gideaba ghwadaah geawooschi doabiiwaat, ak ghwayiinan jeeda gadiyeadaanyi.

1 Goriinto 14:12

Gwasunu eara aba heedeang'wa; aba gideaba googasayi muuchi gideaba gajahuuwa fuga mideawa uurda aba Guroorooda, agassa muuchi gideaba gajandeawana ak ghoadeaschi ganiisa.

Ebraniya 13:17

Asisiina mureeda fuga ahaaghwaneegwa nea googadiyeesi; aba gideaba saawa gang'ula gurooruunatkeagwa, nea gawuurji siida jea goodayiida ng'asheega. Asi saawa gagasa gwasin ng'asheesu nea gahoosan, nea adagagiisan, aba gideaba ng'asheega sunu maygwarachi gil aba heedeang'wa.

Ebraniya 6:1

Asi aseasa eeweaya mwadi eanung'waada ng'asheegiga ghayi bea garayi bea giinealshooda Gristohiin nea geehitiisi heeda, ak ea adagudeesinyi sindeeta duukuunooda aba gadiyoojiga nimeewa ak geendeawi masaweega aba heeda ASEETA,

2 Goriinto 6:3

Meagasi eayiina naweemba siida wassean gichea gwaruusa, ak abeeda ea meedeaksiina gadiyeedeanya munyinda,

2 Goriinto 5:18

Amadu haleanjeeda sean gwaleabu heeda ASEETA, ghayi aduupchaneasa aseasa sea niny aba naweeda Gristo, amang'ata gagoaneasa gadiyeeda giiduupcheeda;

Lukka 22:32

ak aniini ea naamwaashchi ASEETA ea mwasuunya masaweagaagu, ama iibiiksean giimajeegi orjooga geamadu.”

2 Dimoteo 4:5

Asi ang'iing'i mideawana gheadeenda aba haleanjeeda sean, milighteaysiina gea munyas sina gadiyeeda rukwiideayda giijasta miy ahiida gadiyeadaang'u nea giidoabiiwi.

Golosaayi 4:17

Arukusiina Arkipa, gideaba “Ng'ula muuchi gadiyeedida goonyi Ng'utamiidean sina nea giihiidi.”

Golosaayi 1:28

Niny geerugu aseasa, nea geereekusi giliwas sih nea geanaalji giliwas sih aba weaghuumeeda sean, ak geeyeadu giliwas sih nihissa heeda aba jeeda Gristo.

Golosaayi 1:24

Ak ghamneawa geang'weelayi aba sawanadeeda aanyaschi aba badahuukeagwa, nea aba saseedeanyu ghaahiichi giika shoodaan aba sawanadeeda Gristo aba badayda saseadaanyi, nea ea ganiisa,

Efeeso 1:23

was saseadaanyi, nea hidoadaanyi gil was dea anyiit haleanjeeda sean aba jeeda haleanjeeda sean.

2 Goriinto 12:19

Ghoang'wa apkaada gideaba geefurji geat aba heedeang'wa? Nih aba madeeda ASEETA geebalooli aba jeeda Gristo, nea aba sean geedeegu bariinyeegeagwa, fuga aabwariinyi.

2 Goriinto 7:1

Iinukwa geandeawi heeleesiini fugeasu aabwariinyi, abeeda ghang'wana geehuunyi geat aba ririnyoojiga sean bea saseeda ea guroorooda nea geemajeekchi ghaydidanda aba gheawalmeeda ASEETA.

2 Goriinto 4:1

Asi aba sareani, iinukwa geandeawi gadiyeeni aba baydeayda ASEETA, ghanyea meabealbeali.

2 Goriinto 3:8

abeeda deaweedeeda Guroorooda ea majeefurda ak ea majeadeapta aba giigheambiita hawi?

1 Goriinto 14:14

Aba gideaba iyaamwaashchi ASEETA aba iit nuut, ghamwaash guroroodeanyu ASEETA, nea fughareedeanyu ea mandeawana haghweega.

Ruumi 15:29

ak ghaanali gideaba iyaahidu ng'eang'deang'wa gaydoan nea geawooschi hidaat aba ghawooda Gristo.

Ruumi 15:2

aba jeedeanya daba siisi ahoosan giischeewoocheandaanyi aba ng'asheega miyaasiin ak geemajeek masaweagaaschi.

Ruumi 12:7

ii gadiyeeda gil, aba jeeda gadiyeedeanya; ama ii siida anealshi, aba jeeda giinealshoadaanyi;

Gadiyeeda Giijasoodiga 20:28

was gea ghayi nung' Guroorooda Ghaydit ahuwa fuga jea ghoahaaghwa, ak goong'ulayi ganiiseeda ASEETA ghayi nyas aba foojeanda Orjeedaanyi bea saseadaanyi.

Gadiyeeda Giijasoodiga 20:24

Ak ea mwanung' ghoah eaweegeasu gil ghana danung' ghoah gidaghaloamwaat, geagasayi ghanyi daahiit gadiyeedeanyu aanyaschi aba heeda Ng'utamiida was Yesu, ak geamuuwu iita giijasta miy bea dagheerjeanduumeeda ASEETA.

Gadiyeeda Giijasoodiga 11:23

Hita hooweani ak ghwadaah dagheerjeanduumeeda ASEETA, gahoosan; ak gwayeesha fugiga oopiidana jeedeaba doobiiwnadi iteang'wean aba heeda Ng'utamiida nea ghwarjeang'da;

Gadiyeeda Giijasoodiga 9:31

Iidu ganiisa aba jeeda Yudeyeeda sean ea Galilaya ea Samariya ghwanyas hoyyoo nea geedeegu; hean ghabeawa muuwda aba heeda Ng'utamiida nea gageanda salagheang'da Guroorooda Ghaydit ak ghoahaada.

Gadiyeeda Giijasoodiga 1:25

ak gwasin gadiyeeni bea giijasoocheanduumeedean, gawa hoorgeeda ghayi bea Yuda nung'usa heeda niny ak gawa hich nuut.”

Gadiyeeda Giijasoodiga 1:17

Yuda abeeda gaba meatkweedeanya aba gideaba gealoat eara niny gwasin gadiyeeni.

2 Dimoteo 4:11

Luka geandeayeesi hiji nea gabageaw. Gasa Marko ak giideani aba gideaba niny gayghaweadan aba gadiyeedeanyu.

Efeeso 4:29

Adagwarina ghuusigeagwa ng'asheega munyas, inyeessa goobalooli gea miyaasiin jea ghaweat gilinyoo ea siida gil, ak ghoadaw dagheerjeanduumeeda fuga aleeyseegwa iit.

Efeeso 4:4

Saseeda ea agi, ea Gurooroanagi, gidaghayi siguursiindaneegwa,

2 Goriinto 13:9

Aba gideaba geehoosanyi iisiwooschi ng'arng'ari ak goondeawi agooga uurda. Gissimwaashchi ASEETA gideaba gagasa amajeegiita.

1 Goriinto 12:7

Nea giliwas sih goohiimsa ASEETA Gurooroadaanyi aba alooheeda buuneesean.

Ruumi 12:5

gwasunu eara aseaseeni saang'aan, geewooschi saseanagi aba jeeda Gristo, ak gaba roobadeeni roochi sea nuut.

2 Goriinto 13:11

Aba huuydeanda, abeaha seayu fuga eaduupcheewi. Asina naweadingeagwa, ayiinya gideargu, daba siisi mwas nuut, abeaha weayda, ak abeeda ASEETA mideawa bariinyeega ea weayda gaygoobiida heedeang'wa.