Efeeso 3:1 - Bibliyeeda Ghaydit

¹ Aba sareani aniini Bawlo, was siida ghealooniga Gristo Yesu aba badahuukeagwa agooga fuga Eemoojiga–

NEAJEEDA EESH BEA BUUNEESSEAN

¹ Aba sareani aniini Baulo, was siida ghealooniga Gristo Yeesu aba badahuukkeagwa agooga fuga Emoojiga,

Efeeso 3:1 Referans Kwoze

Golosaayi 1:24

Ak ghamneawa geang'weelayi aba sawanadeeda aanyaschi aba badahuukeagwa, nea aba saseedeanyu ghaahiichi giika shoodaan aba sawanadeeda Gristo aba badayda saseadaanyi, nea ea ganiisa,

Efeeso 4:1

Asi aniini, geawooschi siida ghealooniga aba badayda Ng'utamiida, geamuscheegwa gideaba oatoabiiwa eaweega deaschi sea guurnooda ghayi siguurneegwa,

2 Dimoteo 1:8

Adibwaspwasi aba muuwuunooda badayda Ng'utamiideanya, eara aniineani eandi ghealooniga aba badaydaanyiin, asi milikteaysiina ng'asheega munyas sea aniini aba badayda Giijasta Miy aba uurda ASEETA,

Efeeso 6:20

Ak aniini geawooschi siida siicheagu ak geandi ghealooniga; asi amwaasha ASEETA aba badaydeanyu daamu darukuta giijasta miy ghabeada gidamiisean rukuteayda.

Filimoon 1:9

iidu aba badayda bariinyeega geamuscheey gideaba, aniini Bawlo, was siida siicheagu ak ghamneawa geawooschi siida ghealooniga aba badayda Gristo Yesu–

Filippi 1:7

Asi ghwadoabiiw aba heedeanyu gideaba gaydaahiit suh aba badahuukeagwa oogasean, aba gideaba neang'ooyseegwa jeedeanyu, aba gideaba goowooschi oogasean fuga eaweecheewi aba dagheerjeanduumeeda, aba jeeda ghealoonigeasu ea aba furooda aba giimajeekta giijasta miy.

Filimoon 1:1

Bawlo siida ghealooniga aba badayda Gristo Yesu, ea Dimoteo orjeeda giyeanya, heeda Filimoniheeda was siideanya sibwariinyi siweecheewi aba gadiyeeda

Gadiyeeda Giijasoodiga 23:18

Ghwaat orjeedida ea ghoahiita heeda shirikarajeanda haw ak gwayeesha, “Goojeakneani Bawloheeda mida ghealooniga deaneayi orjeeni aba gideaba gwanda ng'asheanda jea gwarukuneey.”

Lukka 21:12

Ak damanda mii gapnu ng'asheesu seaniin gajeang'waanyeagwa ak geesawaneegwa, nea geayaadeagwa gealga siinealshacheewa ak gajeejakseegwa ghealooniga ak gajeayadeagwa madeeda sugoodiga hees ea madeeda fuga hees ambaliischi aba gheawungeasu.

Filimoon 1:23

Ghoaghanyi Epafraheeda eandeayeesi ghealooniga aba jeeda Gristo Yesu,

Gadiyeeda Giijasoodiga 26:29

Ghwalamda Bawlo ak gwayeesha, “Ea nuwaas ghana ea geaw gaydamus ASEETA ea mii ang'iing'i gil gabeachi, eara fuga sean aleeysean iit ghamneawa gidabal gawuurjeewean ak ea meerata gawuurjeewean.”

2 Dimoteo 1:16

Gagasa ghoadaw Ng'utamiida baydeayda fuga gheeh Onesiforo aba gideaba inyeessa iimiighoah gil goomajeegan nea mabwaspwasa aba ghealoonigeasu.

Golosaayi 4:18

Giighadi ghaang'waarji aniini Bawlo aba geatindeanyu. Oapkaada gideaba siratean. Gagasa anyasa dagheerjeanduumeeda.

Golosaayi 4:3

ak ghoamwaschi ASEETA aba badahuukaasa, ak gootineasa ASEETA gidaghuuta aba ng'asheanda, ak geerukuti gidida funyaat bea Gristo ghayi siyiisean ghealoonigean,

2 Goriinto 11:23

Saawa soomjooga Gristohi? Ghaaraanyi aniini, geabalooldi siida geeska, biissa gaba gadiyeeda haw, ghaaraanyi muuchi aba ghealooniga, bea bayiiga mwoamu eeyiida, nea ghaariikghti aba miyeeda galeagasean.

2 Goriinto 10:1

Aniini Bawlo, geamuscheegwa nea gabwageaw, aba garbabanda ea ng'eeninda Gristo, nea iissa geawooschi ng'eeni aba gheanyangeagwa, nea iyeawooschi sheageewaneegwa geawooschi daruus!–

Gadiyeeda Giijasoodiga 21:33

Gaweesa shirikarajeanda haw Bawlo ak ghoang'waay, ak gwayeesha aradana munyaloalaji iyeenya, amahit ghoabwaarda, siida was ng'eaha, ea ginisin.

Giidaheechta 2:10

Asi adiiwali ng'asheega jea nyasa was sawanadeeda. Ng'ula, meang'nyeandeenda niriikghta gwahisa buuneeda mwaatkwa mida jeedeang'wa ghealooniga, ak abeeda geesimsimeegwa, ak aba jeemba askwearjooji damanamughuush gajanyasa sawanadeeda. Woosa doabiiwaat ea hita miyeeda, ak gaydagoonyi shiipka mideawa eaweega.

Efeeso 3:13

Asi geamuscheegwa adagabur iheengeagwa aba sawanaduutkeasu aba badahuukeagwa, was giigheambiiteang'wa.

Galattiya 5:11

Ak eara aniini orjoogiyya iyearukwiidi ng'asheega ghasmeahooda, abeeda ghwasaan anda gudeesawanan? Abeeda aba hiji rusooda beehiida ea sigeanda.

Galattiya 5:2

Aniini Bawlo gil, ak geayeeshiineegwa iisiyaadeagwa ghasmeahooda abeeda Gristo ea maygwalooseegwa gil.

Gadiyeeda Giijasoodiga 9:15

Gwayeesha Ng'utamiida niny, “Una, aba gideaba siisi dabicheanda siloat gil iiteanyu ghwaat gheawungeasu jeeda Eemoojiga ea sugoodiga ea fuga Israeli;

2 Goriinto 1:6

Iidu aseasa iisisawaneasa, gweagu geandeayda oogeandeawaneasa salgheang'da, ea lealeanooda; ama sigeandeawaneasa salgheang'da, gweagu geandeayda oogeandi salgheang'da, ak ghoanali aba damanda oamilikghtaawi nea ghoarjeang'di aba sawanaduutkiga sisawaneasa aseasaan.

Galattiya 5:24

Fugiga was gea Yesu Gristohiin niingoorda saseeda ea ng'asheagaaschi munyas bwariiy nea gagasa.

Efeeso 3:8

Aba aniini, earapeadi eawooschi mwanang'eawa fuga sean ghaydidiin, abeeda geegu dagheerjeanduumeani, ak gearukwiisi fuga Eemoojiga meanang'oocheanduumeeda meesikideawana bea Gristo,

Efeeso 3:11

Ng'asheanji gwasin nea gabaysiina gidagasiida maygamudean jeeng'u Gristo Yesuheeda was Ng'utamiideanyean,