Efeeso 2:8 - Bibliyeeda Ghaydit

⁸ Aba dagheerjeanduumeeda silealneegwa aba naweeda masaweega; ea masina milmilandeang'wa oosinyi, nih gagu ASEETA–

NEAJEEDA EESH BEA BUUNEESSEAN

⁸ Aba dagheerjeandumeeda silealneegwa aba naweeda masaweega; ea masna milmilandeang'wa osinnyi, nii gagu Aseetta,

Efeeso 2:8 Referans Kwoze

Efeeso 2:5

earapeadi ghayi simeewayi aba giidiinyeanyeekaasaan, iidu ghwanung' eeduutuuna sea Gristo, (aba dagheerjeanduumeeda silealneegwa),

Ruumi 4:16

Asi ng'asheanji gapnu aba masaweega, ak abeeda heeleesiinda ghoang'waay geat sea dagheerjeanduumeeda, ak abeeda gamajeegiit heeleesiindida aba heeda jeacheangaaschi sean, nea meakghusa fugiga bea deaweedean ak ghwahit geabwada eara fugiga mideawa masaweega Abrahamuun, was gheambaghweandeanya eesa seaniin,

Ruumi 10:17

Asi masaweega giing'eetaanyi iing'da gil, nea iing'da gweadu ng'asheanda sirukwiida bea Gristo.

Gadiyeeda Giijasoodiga 16:31

Ghwalamda saawa ak gwayeesha, “Mwasa Ng'utamiida was Yesu, ak gajeelealneey, ea fugeaba gheang'u.”

Yohaana 6:37

Fugiga sean goonan Ghweandean gayghapka heedeanyu; nea dea wuh heedeanyu ea mayghanyi dajaksa jarooda.

Yohaana 5:24

Aba huumwa, aba huumwa, geayeeshiineegwa, siida iiy ng'asheanji iteanyuun, ak ghamwas siida ghayi ajeaknean, gwandeawa eaweega manda muudeanooda; nea majeergweaksa earahay aba gideaba ninaawa miyeeda ak gawa jeeda eaweega.

Yohaana 4:10

Ghwasha Yesu nea gwayeesha niny, “Inyeeda ghwanyawa ginali haleanjeeda goona ASEETA ak ea ng'eaha gil siida eeshiineey, ‘Goonean beega jea dali,’ ghwanyawa gaymusa niny ak gaygagoonyi beega mideawa eaweega.”

Lukka 7:50

Ak gwayeesha gatmoodida, “Niighuunyi masaweagaagu; una nea gibeahi hoyyoo.”

Marko 16:16

Nea siida mwas ak geepaatiisan gayghaghu, nea siida mamwasa gajeergweaksa.

Yohaana 3:36

Siida mwas Baleanda gwandeawa eaweega manda muudeanooda; nea siidida moawala gheang'da Baleandean ea mayghwanyas eaweega, abeeda gaygwanda badaydaanyi nyarasta ASEETA.

Ruumi 4:5

Nea aba siida masina gadiyeeda ghus gideaba ghoadaw doobiiwnata siida mamiisiina, abeeda masaweegeaba siisi sinung' ghoah doobiiwnata.

Efeeso 2:10

Aba gideaba aseasa geawooschi gadiyeadaanyi, gwasinneasa naweeda Gristo Yesu, aba gadiyoojiga miyaas, ghayi bean gwasin ASEETA aba mwadi, gideaba eeyaada geeshta.

Galattiya 3:22

Nih nibean gwarugu Ng'ooruutka gideaba nijooriischi riing'eeda aba ng'eanyiisean geetaajiitunu aba gideaba fugiga mwas Yesu Gristohiin gayghwanyas heeleesiindida ghayi sirukusean aba masaweega.

Gadiyeeda Giijasoodiga 13:39

ak aba niny siisi nyooh ghamwas gaygoobal geaw aba haleanjeeda sean gidagwachi maygwasa aba deaweedeeda ghayi bea Musa.

Galattiya 3:14

ak aba jeeda Gristo gayghwanyas Eemoojiga ghawooda Abrahamu, ak abeeda geanyaschi heeleesiinda Guroorooda Ghaydit aba masaweega.

Yohaana 6:40

Aba gideaba gidagasa Bwaabwa nih gil, gideaba siida nyooh ghwadaah Orjeeda ak ghamwas abeeda ghwanyas eaweega manda muudeanooda, ak gaydeaduudu eaweeda huuydean.”

Yohaana 6:35

Gwayeesha Yesu saawa, “Aniini geawooschi mukaateeyda eaweega; siida wuh heedeanyu mayghwayeachih, nea siida mwasan ea mayghwaak muwoash earahay.

Efeeso 1:19

nea aba giteena hawunda uurdaanyi mwoamu eeteen aba heedeanya was fuga mideawa masaweega, aba gidagadiyeata uurdaanyi haw

Gadiyeeda Giijasoodiga 14:27

Iidu nea ghwahita, geebwadageat ganiisa ak geerukusa ng'asheega sean nisissa ASEETA saawa, ea gidanijaata ASEETA gidaghuuta masaweega aba heeda fuga Eemoojiga.

Yohaana 6:65

Hean ng'ata gwayi, “Nih gidearukuneegwa gideaba manda siida jea ghoamu ghwaan heedeanyu iimwanung' Bwaabwa ghwaan.”

Golosaayi 2:12

nea geepunyeegwa sea niny aba giibaatiisanda, amadu geetuuneegwa sea niny aba masaweega aba gadiyeeda ASEETA, ghayi aduuna niny jeeda miyeeda.

Yohaana 6:44

Manda siida ammu ghwaan heedeanyu iimagisna Bwaabeeda ghayi ajeaknean ak abeeda geaduudu aba eaweeda huuydean.

1 Betro 1:5

ak aba uurda ASEETA geefureegwa aba naweeda masaweega aba lealeanooda hidaat jea eataajiit damanda huuydean.

Filippi 1:29

Aba gideaba agooga geegooneegwa gheata aba badayda Gristo jea agadiyeesiina, ea mabeachi masaweega gwanda eara gideaba gajeesawaneegwa aba badaydaanyi,

Ruumi 10:14

Asi gajamusischeesiindaan siida mandeawana masaweega? Ak gay ghamwastaan nea mii ghwayiiy iitaanyi? Ak gay gwayiing'sheataan ii manda siida rukwiida giijasta?

Mattayo 16:17

Ghwasha Yesu nea gwayeesha niny, “Ging'wani ang'iing'i, Simoneeda Bar-Yona! Aba gideaba ng'asheanji moadaajiida saseeda ea foojeanda nih ghoahiimneey Bwaabeeda mida humng'eeda.

Gadiyeeda Giijasoodiga 16:14

Abeeda gwanda gatmoanagi aleeyseasa iit siguura Lidiya, leabu mujiineeda Diyatira, nea gwasheahiida hang'weaka oomng'i, haw sheayeat ak gabada ASEETA. Hean ghwajaat Ng'utamiida gurooroadaanyi gooleeysiit muuchi ng'asheega rugu Bawlo.

2 Desaloniikke 1:9

Ak gaygwasawana aba ghoorjooda nyariida manda muudeanooda ak geegeandeawa madeeda Ng'utamiida ea heeda giigheambiitaanyi mideawa uurda,

Gadiyeeda Giijasoodiga 15:11

Ak geamwaschi gideaba aseasa gajeelealneasa aba naweeda dagheerjeanduumeeda Ng'utamiida was Yesu eewuurjeewana saawa.”

Ruumi 9:16

Asi meakghusa gidida gasa siidean gil ghana badiidaanyi, geaghus aba baydeayda ASEETA.

Ebraniya 6:4

Ak ahang'waay gideaba gaynung' gwaduukuuna fugiga ghayi nidaah weeshinda amwadiin, fuga ghayi siitaw giimearda Guroorooda Ghaydit,

Mattayo 20:9

Ghwahidu fuga gwachi siitaw gadiyeeda nea gaba aseeta damwanagi, ak gaba siisi siitaw dinaarajeanjagi.