Biblia Todo Logo
Bib sou entènèt

- Piblisite -




Efeeso 2:4 - Bibliyeeda Ghaydit

4 Nea ASEETA baruur aba baydeayda, aba jeeda bariinyeagaaschi haw aba gidabwariiydaneasa,

Gade chapit la Kopi

NEAJEEDA EESH BEA BUUNEESSEAN

4 Nea Aseetta baruur aba baydeayda, aba jeeda bariinyeegaaschi haw aba gidabwariiydaneasa,

Gade chapit la Kopi




Efeeso 2:4
34 Referans Kwoze  

Badiischeesiinda gaba ASEETA was Bwaabeeda Ng'utamiideanya Yesu Gristo! Aba baydeaydaanyi haw sibiikta eejiileasa gicha ak gagoaneasa eaweega eashish sirarji aba naweeda duunooda Yesu Gristo aba jeeda miyeeda,


Aba niny geendeawi ghuhooda aba foojeandaanyi, was samsiinda riing'eeda, aba giteena dagheerjeanduumeadaanyi.


Nea ang'iing'i, Ea NG'UTAMIIDA, guwoosi ASEETA mideawa baydeayda ea miyeenooda, ak ea mii asas nyaras ak gwandeawa bariinyeega huumwa ak ea doabiiwaat.


Iidu ea niihiimu ASEETA bariinyeagaaschi niny nea gaba geaw aba badahuukaasa aseasa aba gideaba Gristo ghami aba badahuukaasa nea abeeda ea gudeebeaha riing'a.


nea aba seaygoojiga jea ghwahidu gwadeepa ghoahiimu meanang'oocheanduumeeda mwoamu eeteen aba dagheerjeanduumeadaanyi aba inyeanda jeeda aba heedeanya aba jeeda Gristo Yesu.


NG'UTAMIIDA gwandeawa bariinyeega ea baydeayda, ak ea mii asas nyaras ak gwandeawa bariinyeega.


Aba gideaba manda gidaheeleeta siida Yahudi ea dea Yunani; aba gideaba niny Ng'utamiida buuneesean gil, biissa gwandeawa baruureega aba buuneesean guuriisa niny.


Ak ghaanyaschi muuchi dagheerjeanduumeeda Ng'utamiideanya, ea masaweega ea bariinyeega mida jeeda Gristo Yesu.


Ghayi gabusean NG'UTAMIIDA ak gwayi, asi naabwariinyeeyi aba bariinyeega manda muudeanooda, ak gaydandeawa doobiiwnata aba headaang'u.


Aba gideaba ang'iing'i Ea NG'UTAMIIDA guwoosi miy nea gisamiisi fih, nea gibwariinyi muuchi fuga sean guuruuneey.


dea ghayi lealneasa ak gaguurneasa aba guurnooda ghaydit nea nih ea mabaysiina aba gisisinyi aseasa ak nih gabaysa niny ea dagheerjeanduumeadaanyi. Dagheerjeanduumeani geegooneasa aba naweeda Gristo Yesu nea miyeebwat ng'eanyiida.


Aba aniini, earapeadi eawooschi mwanang'eawa fuga sean ghaydidiin, abeeda geegu dagheerjeanduumeani, ak gearukwiisi fuga Eemoojiga meanang'oocheanduumeeda meesikideawana bea Gristo,


ak ghwanung' eanala giteena giigheambiitaanyi dabita baydeayda, ghayi nibay gwasisin aba mwadi aba giigheambiitaanyi,


Ghana ang'iing'i irari ng'asheega baruureega aba ng'eenindaanyi ea gidamajeekta ea riyeeng'deayda? Ak ea minali gideaba ng'eeninda ASEETA gayghoadoabiiwnyi ea ghoahiitaneey jeeda duukuunooda?


ak ghaheawa gwasissa mureeda, nea moapkaada ng'asheega deamdeameadi ghayi iisini aba bugusta nyaawa; ak ea mararsiina gil ghoahang'waay iheenga nyaawa nea ghwaloat ashoohooda uurji gili jea ghoaghuumda soomjeandumeeda Misri. Ak ang'iing'i guwoosi ASEETA hidaat aba samsiinda, ea dagheerjeanduumeeda ea samsiinda, nea mii wusis nyaras nea mayghwayamwa bariinyeagaaschi, ak ea miigwanung'usa heeda saawa.


Iidu gamiiseasa aseasa gideaba gajeebadiischeesiina ASEETA galeagasean aba badahuukeagwa, fuga eaduupcheewi bwariiy Ng'utamiida, aba gideaba ghayi nibay ghwaloadeagwa ASEETA ghang'eada mwadi ak ghoanyaschi lealeanooda, aba giimiinnooda jea ghoamiineegwa Guroorooda, ak ghoamwaschi huumeanda.


Aba baydeayda ASEETEANYA, niirearseasa weeshinda leabu humng'eeda,


Hean ghamwaash NG'UTAMIIDA nea gwayeesha, “Geamuscheey NG'UTAMIIDA, nih mii gidearukuneey aba damanda ghayi eandeewi ng'eanyiideanyu? Hean ghoah gideamng'awi ak geawi Darshishi; aba gideaba ghaanali ang'iing'i guwoosi ASEETA mideawa bariinyeega ea baydeayda, mii asas nyaras, bea bariinyeega huumwa, nea gisti ng'asheega munyas.


Ng'utamiida was ASEETEANYA gabayiida nea gwasamiisa buuneeda; aba gideaba sisinyi ng'asheega munyas aba headaanyi;


Ea ASEETA, eaniyean bwaydanaan, aba giteena hawunda bariinyeagaagu bea huumwa; aba giteena hawunda baydeaydaang'u geanda riing'eegeasu.


Ak gwayeesha, “Gaydeasiik madeadaang'u miyindeanyu sean, ak gaydarukwiida gheawungeasu aba madeadaang'u ‘geawooschi NG'UTAMIIDA’; ak gaydaweat dea jea daweat, ak ghaadawji baydeayda dea jea dabayda.”


Gaydargu alooheeda NG'UTAMIIDA, ea giigheambiita NG'UTAMIIDA, aba ng'asheega sean sinneasa NG'UTAMIIDA, aba seang'ayda alooheadaanyi aba gheeh Israeli, nea gwasinneasa baydeaydaanyi aba seang'ayda alooheadaanyi.


Swiv nou:

Piblisite


Piblisite