Efeeso 2:1 - Bibliyeeda Ghaydit

¹ Ak gagooneegwa eaweega, nea abeeda ea noomeewayi aba giidiinyeanyeeka ea riing'eega,

NEAJEEDA EESH BEA BUUNEESSEAN

¹ Ak gagooneegwa eaweega, nea abeeda ea noomeewayi aba gidinyeannyeekka ea ring'eega,

Efeeso 2:1 Referans Kwoze

Golosaayi 2:13

Hean agooga, goomeewayi aba riing'eegeagwa ea aba sasanuukeagwa meayaada ghasmeahooda, iidu ghoadaw ASEETA eaweega sea niny, ak ea nisamseasa riing'eegaasa sean,

Ruumi 8:2

Aba gideaba deaweedeeda Guroorooda eaweega mida jeeda Gristo Yesu nigoonan giibaldeaba geaw, aba heeda deaweedeeda riing'eeda ea miyeeda.

Efeeso 4:18

ak fughareenga nyaawa ea sinung' gamisaniidi, ak ea siheeli sea eaweega ASEETA, aba leendeeda mida jeenyaawa nea gwasin hang'ooynacheeka jeesinga nyaawa;

Yohaana 5:21

Gawuurji gidida aduutiideayda Bwaabwa fuga meewa ak gabiikta ghoadaw eaweegean, eara Orjeeda iissa ghoadaw eaweega fugiga gassean.

1 Yohaana 3:14

Aseasa geanali gideaba sisuuchi miyeeda ak geeweayi jeeda eaweega, aba gideaba geabwariinyi fuga siduupcheewi. Nea dea mandeawana bariinyeega goobiida jeeda miyeeda.

Yohaana 14:6

Gwayeesha Yesu niny, “Aniini geawooschi naweeda, ea huumeanda, ea eaweega; siida moamu gawa heeda Bwaabwa, geaghus gwasku heedeanyu.

Efeeso 5:14

Hean ghoah gidasirukuna ng'asheanji bea gideaba, “Ng'eada ang'iing'eeda ing'uti ghaat, duunana heeda fuga nimeewa, ak Gristo gaygagoonyi weeshinda.”

1 Dimotteo 5:6

Nea masinung'weanda moamu ghoang'waay geaw aba ng'asheega munyas nih nimi eara eeng'ula nea gudea majeek.

Yohaana 5:25

“Aba huumwa, aba huumwa, geayeeshiineegwa, ghwaan damanda ak ghamneawa gwanda, ak gaygabiisa ghwayiiy fuga nimeewa ghuuta Orjeeda ASEETA, amadu fugiga jea gwayiing'shiin gayghwanyas eaweega.

1 Goriinto 15:45

Gawuurji gissing'oarda bea gideaba, “Siida madeeda was Adamu ghoah siida mideawa eaweega”; nea Adamooda huuydean ea Guroorooda adawi buuneeda eaweega gil.

Yohaana 10:10

Mareanghweanda iissa ghwaan gwajagwadiischi nea gwanuus nea ghwadatas; aniini ghaawunyi ghwanyasa eaweega ea ghwanaawda.

Giidaheechta 3:1

“Heeda malaykajeanda ganiiseeda Sardi ng'oara: ‘Suh ng'asheega ninyeeda mideawa gurooruunat ispwa bea ASEETA ea miinga asispwaan gil. “‘Ghaanali gadiyoojigaagu; gideaba gindeawi gheawunga majeeknata, nea nimeawi.

Lukka 15:32

Ak gicha iisihoosan ghwahit geeng'weela aba gideaba orjeeni bea geamaduun ghayi nimi, ak ghamneawa ea niduudu, ghayi niroat, ak ea sinyas.’”

Lukka 15:24

aba gideaba orjeeni iteanyuun ghayi nimi, ak ghamneawa ea niduudu; ghayi niroat ak ghamneawa ea sinyas.’ Ak geebiisa eang'eat hooseaneega.

Mattayo 8:22

Ak gwayeesha Yesu, “Eani geeshteanyu, nung'waada fuga nimeewa gabuy muscheeka nyaawa.”

2 Goriinto 5:14

Aba gideaba bariinyeega Gristo iissa gwasinneasa uurda aba gideaba aseasa simwaschi gideaba siyagi ghayi ghami aba badahuuka buuneesean; asi abeeda ea nimeewa sean.

GIING'EETA 8:21

Joon NG'UTAMIIDA shearooda ng'andit bea lukghumajeega, gwayi NG'UTAMIIDA aba jeeda gurooroadaanyi, “Maygudu damwaashta ng'eanyiida aba badayda siida, aba gideaba giiteemshajeega siida aba jeeda gurooroadaanyi ea munyas ghang'eada jeepcheanduumeadaanyi; ak ea maygudu danuus giliwas diyeayda gawuurji gidaghayi easindi.