Efeeso 1:5 - Bibliyeeda Ghaydit

⁵ Niny ghwaloadeasa aba bariinyeega eahuuwa orjoagaaschi aba naweeda Yesu Gristo, aba gidagasiida niny,

NEAJEEDA EESH BEA BUUNEESSEAN

⁵ Niny ghwaloodeasa aba bariinyeega eahuwa balloojigaaschi aba naweeda Yeesu Gristo, aba gidagasiida niny,

Efeeso 1:5 Referans Kwoze

Efeeso 1:11

Aba niny, aba gidida gassiida ninyiin was dea ahiit haleanjeeda sean aba gidida gassiidean,

1 Yohaana 3:1

Ang'ula nih bariinyeega uurjiin gil gooneasa Ghweanda, bea gideaba eeguureewaneasa diibiga ASEETA, ak ea gidasiwuurjeewi gil. Ak abeeda ghoah gidamwanalaneasa ng'eanyiida ak ea mwanala niny.

Yohaana 1:12

Nea fugiga sean deapta ninyiin, ak ghamwas aba gheawungaaschiin, ghoadaw uurda jea ghoaweewa diibiga ASEETA;

Ruumi 8:23

ak ea meakghusa haleanjeeda sisin, eara aseaseeda mideawa haghweega madeeda bea Guroorooda, ak eara aseasa geeniikghchi aba gurooruunatkaasa, nea geamuughu eahuuwa orjooga nea lealnooda sasanuukaasa gil.

Galattiya 3:26

aba gideaba aba jeeda Gristo noowooschi oogasean orjooga ASEETA, aba naweeda masaweega.

2 Goriinto 6:18

Gaydoaw Bwaabwa aba heedeang'wa, ak gajahuuwa agooga orjoogeasu ea haweegeasu, gwarugu Ng'utamiida mideawa uurda.”

Giidaheechta 21:7

Nea dea jooriischi gaygwahearan haleanjeeni, ak gaydoaw ASEATAANYI nea niny gayghoah orjeedeanyu.

HOSEYA 1:10

Ak mooneeda fuga Israeli gayghwasaang'ayiita iseaskweanda ghuuta basooda, nea ea mwoamu eeroor ghana eeyiida. Aba heeda ghayi eeshiina ASEETA, “Agooga moowoosi fugeasu,” ak nea ghamneawa gwayeesha, “Agooga goowooschi diibiga ASEETA mideawa eaweega.”

Efeeso 1:9

Aba gideaba nideajiineasa aba weaghuumeeda sean ea makcheameeda funyaat bea gidida gasean, aba gidida bada aba badayda Gristo was gidagasa iihita damandean,

Yohaana 11:52

ak ea mii badaydeaba eemeeni gil ak ghwahit, ghabwada gideaba gagasa goonyeaschi diibiga ASEETA nigeawiit ghwadarda ak ghoah gilagi.

YEREMIYA 3:19

Gwayi NG'UTAMIIDA “‘Geagasayi gichea danung' ahuwda orjoogeasu ak geagoonyeegwa ng'eanyiida miy, was dea jea dagooneegwa ng'al darooraka sean. Ak abeeda gajaguureewean Bwaabwa, ak ea majanung'waada eanooga geeshteanyu.

2 Desaloniikke 1:11

Aba badaydeaba ng'asheanji, iissa geamwaashchi ASEETA galeagasean aba badahuukeagwa, gideaba gagasa ghwanung' ASEETEANYA gahaguuweegwa guurnoadaanyi, ak ghoahiit gilinyoo aamiy gasa ea gadiyeeda masaweega aba uurdaanyi,

Lukka 10:21

Aba damandida goohoosan Guroorooda Ghaydit ak gwayi, “Geabadiischooweey Bwaabwa, Ng'utamiida bea humng'eeda ea ng'eanyiida, aba gideaba gifunyi ng'asheesu fuga mideawa weaghuumeeda ea gea mideawa fughareenga ak giihiimsi diibiga manang'i; Asaha Bwaabwa, ada gida igassiidi gil.

1 Goriinto 1:21

Nea, aba weaghuumeeda ASEETA, ghanyea mwanala ng'eanyiida ASEETA aba naweeda weaghuumeeda, goohoosan ASEETA aba naweeda leendeedida bea ng'asheega sirukwiidiin ak abeeda geelealu fugiga nimwasiin.

Yohaana 20:17

Gwayeesha Yesu niny, “Adiing'waanyaan, aba gideaba mii dawa heeda Bwaabwa; asi ng'eada una heeda orjooga iyya ak giyeeshi saawa, aniini naascheang'di dawa heeda Bwaabwa nea Ghweandeang'wa gil, heeda ASEETEANYU nea ASEETEANG'WA.”

DANIELI 4:35

aba gideaba fuga mida ng'eanyiida mawuurji gil, ak iissa gwasinda ng'asheega gidagasiida aba humng'eeda ea aba jeeda fuga abiita ng'eanyiida; ak ea manda siida ammu gwareekusa niny ghana gwayeesha niny, “Gisini naaha?”

Mattayo 11:26

ea Bwaabwa nih gweagu gideaba gidubwariiydi, ang'iing'i gil.

Lukka 11:32

Gay ghapka fuga Ninawi eaweeda girgweaksiindeaba jeacheeng'su ak gaygoorgweaksa; nea gwaduukuuna ng'asheega iiyiiy ng'asheega rukwiisa Yona, nea ging'ulayi, aba hiji gwanda dea haweewa Yona.

Filippi 2:13

aba gideaba ASEETA gagadiiy aba jeesingeagwa, ak gagooneegwa gasooda ea sinooda ng'asheega miyaasiin gasa niny.

1 Goriinto 1:1

Bawlo, ghayi siguursa aba gidagassiida ASEETA ghoah giijasoocheanda Gristo Yesu, ea orjeediyya was Sostene,

Mattayo 1:25

ea mawa heeda ea gwaji baleanda; ak gaguura gheawungaaschi Yesu.

YEREMIYA 3:4

Heapi ghamneawa miguurni nea giyeeni ‘Ang'iing'i giwoosi ghweandeanyu, nea guwoosi siida eaduupcheewi gidang'eada gheareemaneanduumeedeanyu

Lukka 12:32

“Adoabeali agoogeeda ng'ay, aba gideaba gagasa Ghweandeang'wa gideaba gahaguuw gagooneegwa sugoocheanduumeeda.

Gadiyeeda Giijasoodiga 13:48

Iiy fuga Eemoojiga ng'asheanji, gahoosan ak geakghambiit ng'asheanda ASEETA; nea giika ghayi sirarsean ghwanyas eaweega manda muudeanoodean hean ghamwas ASEETA.

Golosaayi 1:19

Aba niny gammiisa goobiida headaanyi haleanjeeda hidaat bea ASEETA,

Ebraniya 2:4

nea ASEETA gamuuwu aba gwadeagwajeega ea ng'asheega haloodi ea deamdeamanga saang'a, ea gidaguh Guroorooda Ghaydit ak gwalakuuneasa aba gidagasiida niny.