Efeeso 1:11 - Bibliyeeda Ghaydit

¹¹ Aba niny, aba gidida gassiida ninyiin was dea ahiit haleanjeeda sean aba gidida gassiidean,

NEAJEEDA EESH BEA BUUNEESSEAN

¹¹ Aba niny, aba gitta gassiida ninyiin was dea ahiit haleanjeessean aba gitta gassiidean,

Efeeso 1:11 Referans Kwoze

Ruumi 8:28

Ak geanali gideaba aba jeeda ng'asheega sean iissa gwasin ASEETA gadiyeeda miy sea fugiga bwariiy ninyiin, fugiga ghayi siguursa aba gidagasiida ninyiin.

1 Betro 1:4

ak geanyaschi hearanda may ghwadatas, mandeawana ririnnyeanda, nea mayghwasis, sighamwat aba humng'eeda aba badahuukeagwa,

Efeeso 1:14

ak geasikteawi hearaniischoodeanya ea eeyi bwak ea eanyasa, ak geeduumsheesi giigheambiitaanyi.

Efeeso 3:11

Ng'asheanji gwasin nea gabaysiina gidagasiida maygamudean jeeng'u Gristo Yesuheeda was Ng'utamiideanyean,

Efeeso 1:5

Niny ghwaloadeasa aba bariinyeega eahuuwa orjoagaaschi aba naweeda Yesu Gristo, aba gidagasiida niny,

Galattiya 3:18

Aba gideaba hearaniischooda gweadu deaweeda, ak ea maygweadu heeleesiinda; amadu ghoadaw ASEETA Abrahamu aba heeleesiinda.

Ebraniya 6:17

Hean nea gagasa ASEETA muuchi goohiimsa fuga jea gwahearan heeleesiindida ea gidamayghwayamwaata seareeda aba gidagasa, hean goomajeek ng'asheagaaschi aba habeawooda,

Ditto 3:7

ak abeeda geegooneasa doobiiwnata aba dagheerjeanduumeadaanyi ak geararji hearanda eaweega manda muudeanooda.

Ruumi 8:17

ama siwooschi diibiga, ada abeeda geewooschi fuga jea gwahearaniischi, fuga adaw ASEETA hearaniischooda, jea gwahearaniischi sea Gristo, asaha, iisisawaneasa sea niny abeeda iimuchu geakghaambiideasa sea niny.

Golosaayi 1:12

nea goobadiischeesi Bwaabeeda nung' eamuusa eanyasa gheata hearaniischooda sea fugaaschi ghaydidi aba jeeda weeshinda.

Golosaayi 3:24

Nea ghoanali gideaba gaygagooneegwa Ng'utamiida gidageatindeang'wa bea hearaniischooda, ak googadiyeesi Ng'utamiida was Gristo.

Gadiyeeda Giijasoodiga 26:18

ak ghwayam gheanyanga nyaawa, geat gwaheeli misaneeda ak gaweay jeeda weeshinda ak gwariteawa jeeda uurda Shataani amahit gwayamsa geat ASEETA, ak ghwanyas samsiinda riing'eega ea giibinda aba jeeda fugiga ghayi siimiidu aba masaweega aba jeedeanyuun.’

Gadiyeeda Giijasoodiga 20:32

Ak ghamneawa ghaadawjeegwa ASEETA ea ng'asheanda dagheerjeanduumeeda, jea ghoamu gwadeekneegwa nea gagooneegwa hearaniischooda aba jeeda fuga sean ghayi siimiidu.

Gadiyeeda Giijasoodiga 2:23

Yesuheeni siyaat humng'eeda aba gidabay ghwanalda ASEETA, ak goongoorji ak goonuuschi aba geatinga fuga munyas.

Gadiyeeda Giijasoodiga 20:27

aba gideaba mii danung'waada rukunooda girgweageeda ASEETA. Asamiisiina geat oogasean sea hawanda,

Gadiyeeda Giijasoodiga 4:28

ak gwasin gida wassean ghayi bean gagasa geatindaang'u ea fughareadaang'u gideaba gaygwasa.

YEREMIYA 32:19

Dea haw aba girgweaksiinda buuneeda, ak ghoamu sinooda, nea gheanyangaaschi ea nijaada aba naweadinga sean bea buuneeda, ak ghoadaw giliwas sih aba giteena naweadingaaschi ea giteena haghweega sinaweagaaschi.

NYIIGHEEGA 37:18

NG'UTAMIIDA ghwanal askwearjoojiga fuga doobiiweadi, nea hearaniischooda nyaawa gaygaba damanda manda muudeanooda;

1 Betro 3:9

Adoowaliideawi ng'asheanda muy dea muy ghana giing'weaka ea giing'weaka; ghang'wana giidawi ghawooda, aba gideaba geeguurneey aba badaydeaba ng'asheanji, ak abeeda ginyasi ghawooda.

Ruumi 11:34

“Aba gideaba gajea ng'eaha siida jea ghwanal gidagasa Ng'utamiida, ghana gajea ng'eaha siida was deebaneadaanyi?”

SAKARIYA 6:13

Niny gaygwadeeksa NG'UTAMIIDA gheeda sibata ASEETA, ak gayghwanyas giigheambiita, ak gaygoopteada ak goombaliischi. Ak gaygawa ashoohoocheanda hoorgeadaanyi, bea sugoocheanduumeeda, ak gaygagadiiy duwaawi nea gaba hoyyoo.”’

YEREMIYA 23:18

Nea aba jeeda nyaawa gajea nimiinaada ng'eaha aba madeeda girgweageeda NG'UTAMIIDA ghoaleaydiit ak ghoang'waay ng'asheanda, ghana gajea niiwal ng'eaha ak gooleeysiit?

ISAYA 28:29

Giimuusteaba haleanjeeni gwaleabu heeda NG'UTAMIIDA bea lugweega; bea girgweaksiinda daamdaamwaat, ak weaghuumeadaanyi ghang'al gea buuneesean.

ISAYA 5:19

Nea geeyi, “Anung'waada Ng'utamiida ghwalamwajaan, nea geadaayi gichea gwasinda gadiyeadaanyi; diita ghaydit bea Israeliin gajeadaah gidida gasa gwasiniin ak abeeda geanali!”

GIIPKEATA DIIGHEANDA 4:20

Ak ea niyeaneegwa NG'UTAMIIDA, ak gooruuneegwa jeeda duwayda gharinyeanda, aba ng'eanyiida Misri, ak ghoah fugaaschi ambal, ea ghoah ghamneawa.

GHWASIILDEANGA 8:14

Ghaamuuschi deabalool buuneeda, ak geandeawi weaghuumeeda, geandeawi fughareeda ak geandeawi uurda.

Yakkobo 2:5

Oaleaydiit fuga eaduupcheewi aabwariinyi. Heapi ASEETA ghayi mii ghwaloat fuga barbari bea muunda ng'eanyiida ak ghwanung' gabaruura masaweega nea gwahearan sugoocheanduumeeda ghayi heeleesa fuga bwariiyi?

Efeeso 1:8

Ak gagooneasa ea ghwanaawda.

AYUBU 12:13

“Nea weaghuumeeda ea uurda gaba ASEETA, niny gwandeawa fughareeda ea nalooda.

AYUBU 33:29

“Ng'ula, ASEETA gwasin ng'asheesu seaniin, nibiyeenya, niba samwagu, aba heeda siida,

ISAYA 25:1

Ea NG'UTAMIIDA, ang'iing'i guwoosi ASEETEANYU; gaydaaghaambiinyi, nea ghaabwachi gheawungaagu; aba gideaba nisini ng'asheega deamdeameadi, gidaghayi iibean manyiida garayi, gaysina aba huumwa nea giidoabiiwi.

Gadiyeeda Giijasoodiga 13:48

Iiy fuga Eemoojiga ng'asheanji, gahoosan ak geakghambiit ng'asheanda ASEETA; nea giika ghayi sirarsean ghwanyas eaweega manda muudeanoodean hean ghamwas ASEETA.

Ruumi 8:29

Aba gideaba fugiga ghayi bay ghwanal niny amwadiin geegala sea orjeedaanyi, ak abeeda ghoah niny siichea eesheeda eeji aba jeeda fuga eaduupcheewi saang'a.

Ruumi 8:30

Amadu fugiga ghayi bay ghwaloat amwadiin, iidu earaga siguursa, amadu fugiga guursean hean ghoadaw nea fugiga adaw doobiiwnatean ghoadaw giigheambiita.

Ruumi 9:11

earapeadi saawa miyeejiin ak ea miigwasin ng'asheanda miy ghana dea muy, ak abeeda gidida gasa ASEETA aba lootean abeeda geesin, nea mii aba gadiyeeda gil geaghus aba gidaguurdeayda, ak geeyeesha,

Efeeso 1:9

Aba gideaba nideajiineasa aba weaghuumeeda sean ea makcheameeda funyaat bea gidida gasean, aba gidida bada aba badayda Gristo was gidagasa iihita damandean,

Efeeso 1:18

Gheanyanga mida jeesingeagwa gagasa eayeat, ak ghoanali rarooda gidaguurdeaydaneegwa giduurji, ea meanang'oocheanduumeadaanyi ea giigheambiita hearaniischoadaanyi aba heeda fuga ghaydidi,

Ditto 2:14

nea niny ghoadayda geaw aba badahuukaasa ak ghaweadaneasa ng'asheega munyas sean ak ghoamiidu fuga jea ghoah gaaschi nea gamilmiliidi aba sinooda ng'asheega miyaas.