Ebraniya 1:8 - Bibliyeeda Ghaydit

⁸ Ak gwayi aba badayda Orjeeda, “Hoorgeadaang'u, Ea ASEETA gaba eaweega manda muudeanooda, sugoocheanduumeeda doabiiw sugoocheanduumeeda gheambalmeadaang'u.

NEAJEEDA EESH BEA BUUNEESSEAN

⁸ Ak gwayi appadayda Balleanda, “Horgeadaang'u, Ea Aseetta gaba eaweega manda muudeanooda, sugoochcheandumeeda doobiiw sugoochcheameeda gheambalmeedaang'u.

Ebraniya 1:8 Referans Kwoze

Yohaana 10:30

Aniini sea Bwaabwa geawooschi gilagi.”

Ruumi 9:5

aba geanyaawa gwanda gheamba ghweaniga, bea eemeenyaawa, aba saseeda, aba heanyaawa Gristohi. ASEETA haweewa haleanjeeda sean gagasa eebadiischeesa ea ghoah damanda manda muudeanooda. Amin.

1 Yohaana 5:20

Ak aseasa geanali gideaba Orjeeda ASEETA goola ghwahidu, ak gagoaneasa fughareeda eanala ninyeeda was huumwa; ak aseasa geendi jeadaanyi ninyeeda was huumwa, aba jeeda Orjeedaanyi was Yesu Gristo. Nih dea was ASEETA huumwa gil, ea eaweega manda muudeanooda.

ISAYA 7:14

Asi NG'UTAMIIDA ninyeesean gaygagooneegwa giirooraneeda. Ng'ula, huda miyeasat gaygagweayiit ak gwaji baleanda was baleanda, ak gaygaguura gheawungaaschi Imanueli.

Mattayo 1:23

“Ng'ula gaygagweayiit huda miyeasat ak gaygwaji baleanda, ak gajeeguura gheawungaaschi Imanueli” (nea gideaba, ASEETA sindeayeewi).

NYIIGHEEGA 145:13

Sugoocheanduumeadaanyi sugoocheanduumeeda manda muudeanooda, nea gheambalmeadaanyi gaygoobiida aba seaygoojiga sean. NG'UTAMIIDA ea doabiiwaat aba ng'asheagaaschi sea, ak gwandeawa bariinyeega aba gadiyoojigaaschi sean.

MALAKI 3:1

“Ng'ula, Aniini gaydeajeagu giijasoocheandeanyu jea gwasinnean naweeda aba madeedeanyu, ak abeeda Ng'utamiida oogasayi gaygabay ghwahidu jeeda gheeda sibata ASEETA; nea giijasoocheanda neajeeda was dea oogasayi, ng'ula, ghwaan, gwarugu NG'UTAMIIDA bea lugweega.

SAKARIYA 9:9

Ang'weela muuchi ea fuga Sayuni, Ajuura muuchi ea fuga Yerusalemu, Ng'ula sugoocheandaang'u ghwahidu headaang'u Ea doabiiwaat, nea gwandeawa lealeanooda Gweada geaw ng'eanyi nea gwading'da badayda digeeda, gureenda digeeda dayeenda digeeda

1 Goriinto 15:25

Ak ghanyi goombaliischi ea eaghus ghwayiin weajoodigaaschi sean jeeda baneaguuka geeshangaaschi.

Yohaana 20:28

Ghwasha Domaso nea gwayeesha, “Ng'utamiideanyu ea ASEETEANYU!”

HOSEYA 1:7

Ak gaydabwayda fuga Yuda ak gaydalealu, Aniini NG'UTAMIIDA, was ASEETA nyaawa, gaydalealu, nea ea maygaba uurjeenga shirikara, ghana ghuweang'da, ghana ng'uta, ghana faraasi, ghana fuga ding'iida faraasajeega.”

2 SAMWELI 23:3

ASEETA Israeli nibalool, lagheaneeda haw bea Israeli niyeeshiinean: siida iimida madeeda buuneeda nea ghoahaaghwa muuchi, ak ghoahaaghwiida buuneeda gheawalmeeda ASEETA,

NYIIGHEEGA 99:4

Sugoocheanda mideawa uurda, ghabwariiy doobiiwnata, ang'iing'i niimajeegi doobiiwnata; ak giyeadu alooheeda ea doobiiwnata heeda Yakobo.

GIIPKEATA DIIGHEANDA 2:37

Geaghus ng'eanyiida orjooga Amoni ak ea mooneekiisiini eara mareecheeka sean bea eenda Yaboki ea mujiinajeega ng'eanyiida heayeeniga, ea ng'eanyiida sean heawa NG'UTAMIIDA was ASEETEANYA eeweaya.

1 Dimotteo 3:16

Ak ea huumwa gil gideaba makcheameeda badita ASEETA aahaw. ASEETA geetaajiit aba saseeda Ak doobiiwnataanyi ghoahiimu Guroorooda Ak ghwadaah giijasoocheanda humng'eeda Ak geerukwiida iitaanyi aba jeeda eemoojiga, Ak geamwas aba jeeda ng'eanyiida, Ak geeyaat humng'eeda heeda ghaambiidaat.

Yohaana 10:33

Ghwasha fuga Yahudi nea gwayeesha niny, “Majeefteey aba gadiyoojiga miyaasiin isinayi, gaygweagu ng'asheagaagu munyas irukusi ASEETA; aba gideaba gisini geaw ASEETA nea guwoosi siida.”

SAKARIYA 13:9

Ak gaydeadu gharmucheandida bea samwaguun, ak ghaayiinyi jeeda beasta. Ak gaydadaay saawa ea gawuurji lapiya, iisisim, ak geasimnyi gawuurji gidasisimiida lagheanga dahaabu, ak abeeda gaygaguuriisa gheawungeasu, ak gaydealeeysa iit saawa. Ak gaydayi, ‘Suh fugeasu gil’, Ak gaygwayi niny, ‘NG'UTAMIIDA ASEETEANYU gil.’”

YEREMIYA 38:15

Ghwalamda Yeremiya ak gwayeesha Sedekiya, “Inyas gearukuneey huumeanda maynuuseani? Nea iyearukuneey gichea beada majaleeysean iiti?”

ISAYA 45:25

Aba heeda NG'UTAMIIDA jeata sean bea Israeli gajeataw doobiiwnata nea geaghaambiit.”

NYIIGHEEGA 72:7

Askwearjoojigaaschi siida doabiiwaat gaygabaruur ak gaba seayu muuchi ea goosha sheeda.

GIIPKEATA DIIGHEANDA 7:14

Ang'iing'i gajeegoonyi ghawooda burdeawa dea eemoojiga suurja; ak ea maygwanda jeedeang'wa siida majiila nea eara jeeda hawandeang'wa ng'eedeeda ghana gatmooda maji, ghana aba jeeda dugweagwa.

2 Betro 1:11

ak gajanyasa muuchi beata jeeda sugoocheanduumeeda manda muudeanooda bea Ng'utamiideanya ea lealnoocheandeanya was Yesu Gristo.

Lukka 1:75

aba ghaydidanda ea doobiiwnata galeagasean aba madeadaanyi aba jeeda eaweagaasa sean.