Ditto 3:8 - Bibliyeeda Ghaydit

⁸ Ng'asheanji earguun huumwa gil. Ak geagasayi rukuta ng'asheesu nea giimajeegi, aba gideaba fugiga mwas ASEETEAN goobiida jeeda sinooda ng'asheega miyaas; nea suh ea miyaasiin nea ghwadoabiiw aba heeda buuneeda.

NEAJEEDA EESH BEA BUUNEESSEAN

⁸ Ng'asheanji earguun huumwa gil. Ak geagasayi rukta ng'asheesu nea giimajeegi, aba gideaba fukka mwas Aseettean goobiida jeeda sinooda ng'asheega miyaas; nea suuh ea miyaas nea ghwadoabiiw aba heeda buuneeda.

Ditto 3:8 Referans Kwoze

Ditto 3:14

Ak eara fugaasa saawa gammiisa gideaba ghoanaal geat giibinda jeeda sinooda ng'asheega miyaas, ak gwasisin ng'asheega gasa ealamwach sinooda, ak ea mawoosa gea manda haghweega.

Ditto 2:14

nea niny ghoadayda geaw aba badahuukaasa ak ghaweadaneasa ng'asheega munyas sean ak ghoamiidu fuga jea ghoah gaaschi nea gamilmiliidi aba sinooda ng'asheega miyaas.

Ditto 1:9

nea ghoang'waay muuchi ng'asheanda gawuurji gissiinaalda, ak abeeda ghoamu ghoadayda ng'asheega gichea eabeada aba giinealshooda huumwa nea ghwajoar fugiga heawaan.

Ditto 3:1

Apkeasiina saawa gweada geat ng'eanyi aba heeda fuga ahaaghwa ng'eanyiida ea gea mideawa gheambalmeeda, ak gwasissa mureeda, nea hidaat aba gilinyoo ea gadiyeeda miy gil,

1 Betro 1:21

Nea aba badaydaanyi goondeawi rarooda aba heeda ASEETA, ghayi aduuna niny jeeda miyeeda, ak ghoadaw giigheambiita, ak eara masaweegeagwa ea raroodeang'wa gwanda heeda ASEETA.

1 Dimotteo 1:15

Ng'asheanji huumwa gil, ak gammiisa masooda muuchi gideaba Gristo Yesu ghwahidu muunda ng'eanyiida gwalealu fuga riing'eega, ak siida madeeda aba jeedeaba fiisu ea aniini.

Ruumi 4:5

Nea aba siida masina gadiyeeda ghus gideaba ghoadaw doobiiwnata siida mamiisiina, abeeda masaweegeaba siisi sinung' ghoah doobiiwnata.

Yohaana 12:44

Ng'ata gabalool Yesu aba ghuuta haw nea gwayi, “Siida mwasan aniini mamwasaan nea gabwageaw, ghamwas dea ajeaknean.

Yohaana 5:24

Aba huumwa, aba huumwa, geayeeshiineegwa, siida iiy ng'asheanji iteanyuun, ak ghamwas siida ghayi ajeaknean, gwandeawa eaweega manda muudeanooda; nea majeergweaksa earahay aba gideaba ninaawa miyeeda ak gawa jeeda eaweega.

AYUBU 22:2

“Heapi siida ghoamu ghwaloat gil aba heeda ASEETA? Aba huumwa siida weaghoot iissa ea weaghoot nea gaba geaw.

Filimoon 1:11

(Ghayi niny mwaloada gil aba headaanyi, ak ghamneawa gwalooseey gil agooga ea aniini).

NYIIGHEEGA 78:22

Aba gideaba mamwasa ASEETA, ak ea makghusa lealeanoadaanyi.

GHWASIILDEANGA 21:28

Muushoocheanda ng'uyeega gayghwaroat, nea siida iing'shi gaygwarugu ng'asheega majeekcheewi.

2 Goriinto 4:13

Amadu iinukwa geendeawi gurooroodida bea masaweegean geang'waar gideaba, “Ghaamwaschi, ak ghoah gideabalooli,” eara aseasa simwaschi, ak ghoah gisibalooli,

Gadiyeeda Giijasoodiga 12:15

Geeyeesha hudida, “Ang'iing'i gibwaageas.” Ea mwasiinda huda gwayeesha, ng'asheanji earguun huumwa gil. Ak geeyeesha, “Nih jirooneadaanyi gil!”

Efeeso 4:28

Mareanghweanda danung'waada gwadishta, dang'eada ghuuta gadiyeeda miy aba geatingaaschi, ak ghwanyas gichea ghoadaw fugiga gassean.

1 Dimotteo 2:8

Asi geagasayi gwandeawa headiga geatinga miyaas, biissa ea manyareessa, biissa ea masheang'dooschi. Abeeda headiga sunu ea dagatgada geatinga nyaawa googeal humng'eeda galeagasean damanda mooshta ghawooda.

1 Dimotteo 5:10

Ak ea simoowuuna badaydaanyi ng'asheega miyaasiin bea giireerda diibiga, ak ea nideapta rabasta nea niihuun geeshanga fuga ghaydidi ak ea niweat fuga mida jeeda sawanadeeda, ak ea nisin muuchi ng'asheega miyaas.

2 Dimoteo 1:12

Ak aniini ghaanyaschi sawanadeeda aba badaydeaba ng'asheesu ak geawooschi hidaat aba gideaba ghaanali niny dea aamwaschi ak ghaanali gideaba ghoamu gafur gidida ghayi goonaniini bwak ea ghwahita damandida.

Ditto 2:7

Ahiimda geaw aba mureeda sean eadaa oormeeda gadiyoojiga miyaas, nea aba giinealshoadaang'u giihiimu seareeda miy, ea gideeneadayda,

Ebraniya 10:24

ak geanali gichea eanung' gabarinyiida geat buuneeda ea gadiyoojiga miyaas,

Mattayo 20:4

gwayeesha fugiga, ‘Aweayeena eara agooga ak goosinyi gadiyeeda aba jeeda madamnyeanda sabiibu, ak abeeda gaydagooneegwa gitoobiiwseegwa.’ Ak gaweay.