Ditto 3:1 - Bibliyeeda Ghaydit

¹ Apkeasiina saawa gweada geat ng'eanyi aba heeda fuga ahaaghwa ng'eanyiida ea gea mideawa gheambalmeeda, ak gwasissa mureeda, nea hidaat aba gilinyoo ea gadiyeeda miy gil,

NEAJEEDA EESH BEA BUUNEESSEAN

¹ Apkeassiina saawa gweada geat ng'eanyi aba heeda fuga ahaaghwa ng'eanyiida ea gea mideawa gheambalmeeda, ak gwasissa mureeda, nea hidaat aba gilinyoo ea gadiyeeda miy gil,

Ditto 3:1 Referans Kwoze

REEKUSIINDA 10:4

Guroorooda siida ambaliischi iinyareekseey, ea adibay ng'amwana heeda indi; Aba gideaba guroorooda garbabu iissa ghwanung' ghahawda ng'asheega hees munyas.

GHWASIILDEANGA 24:21

Orjeedeanyu awala gheang'da NG'UTAMIIDA ea sugoocheanda, nea adibareanyeewi fuga marachi gil.

Mattayo 22:21

Geeyeesha, “Gaba Gaysari.” Gwayeesha saawa, “Haleanjeeda Gaysari oatawa Gaysari, ak gea ASEETA ghoatawji ASEETA.”

Ebraniya 13:21

gagasa gagooneegwa haleanjeeda sean miyaasiin ak abeeda goosinyi gidagasa, nea gagadiiy aba jeedeang'wa gidagasa niny aba gheanyangaaschi aba naweeda Yesu Gristo; nea giigheambiita ea daanyi damanda manda muudeanooda. Amin.

2 Dimoteo 2:21

Ak siida iyaamiidu geaw ak gooheeli geaw ng'asheesu munyasiin niny abeeda gayghoah dabicheanda siihuun ak ghwanyas mureeda haguuwsa Ng'utamiida ak sinoadaanyi geebaysiina gwasin gadiyoojiga sean miyaas.

2 Dimoteo 1:6

Ak aba seareeni geapkeaneey gideaba aseawsiina ghoahaada giimuusta goonyi ASEETA mida jeadaang'u aba damanda ghayi aayiini geatingeasu uhuudaang'uuni.

1 Dimotteo 5:10

Ak ea simoowuuna badaydaanyi ng'asheega miyaasiin bea giireerda diibiga, ak ea nideapta rabasta nea niihuun geeshanga fuga ghaydidi ak ea niweat fuga mida jeeda sawanadeeda, ak ea nisin muuchi ng'asheega miyaas.

Ditto 2:14

nea niny ghoadayda geaw aba badahuukaasa ak ghaweadaneasa ng'asheega munyas sean ak ghoamiidu fuga jea ghoah gaaschi nea gamilmiliidi aba sinooda ng'asheega miyaas.

1 Dimotteo 4:6

Apkeasiina orjoogiga ng'asheesu, ak gaywoosa siida gadiyeeda miy bea Gristo Yesu, nal ng'asheega masaweega, ea giinealshooda miy ghayi iyaadi geeshta.

1 Dimotteo 2:2

Amooriisiina sugoodiga ghawooda ea fuga hees sean mideawa gheambalmeeda, ak geanyaschi giibinda siipiit ng'eanyi ea hoyyooyda, ak geabwachi ASEETA nea geepiidi naweeda miy.

1 Goriinto 15:58

Asi fuga eaduupcheewi aabwariinyi, andeawana alooheeda, ak ea adoabealbeali, ak goosinyi galeagasean gadiyeeda Ng'utamiida, ak ghoanali gideaba gadiyeedeang'wa mii mwadaagha gil aba heeda Ng'utamiida.

YEREMIYA 27:17

Adiidu gooleeysiit saawa, agadiyeesiina sugoocheanda Babeli ak gajabeaha seayu. Ghwasaan gajamwasa ghoah mujiineani raghoonyeanda?

GIIPKEATA DIIGHEANDA 17:12

Siida ghwarjeeda masisiina mureeda ashoohoocheanda gadiiy aba madeeda NG'UTAMIIDA was ASEATAANG'U ghana heeda siida laja girgweaguutka, siidida gajeenuus, ak abeeda gajang'aamwana munyinda heeda fuga Israeli.

2 Betro 1:12

Nea iissa geagasayi galeagasean deapkeaneegwa ng'asheesu, earapeadi oanali ak geemajeek jeeda huumeanda oondeawiin.

Ditto 3:8

Ng'asheanji earguun huumwa gil. Ak geagasayi rukuta ng'asheesu nea giimajeegi, aba gideaba fugiga mwas ASEETEAN goobiida jeeda sinooda ng'asheega miyaas; nea suh ea miyaasiin nea ghwadoabiiw aba heeda buuneeda.

Golosaayi 1:10

ak abeeda gajoomuusa oopiideata gidagasiida Ng'utamiida nea goosinyi gichea goohoosan, ak giibindeang'wa gaygwaji haghweega aba gadiyoojiga miyaasiin nea gooheetu aba fughareeda ASEETA.

Filippi 1:11

nea siinyiideagwa haghweega doobiiwnata leabu naweeda Yesu Gristo, aba giigheambiita nea geeduumsheesa ASEETA.

Efeeso 2:10

Aba gideaba aseasa geawooschi gadiyeadaanyi, gwasinneasa naweeda Gristo Yesu, aba gadiyoojiga miyaas, ghayi bean gwasin ASEETA aba mwadi, gideaba eeyaada geeshta.

ISAYA 43:26

Apkeanean, ak gihidu eebaloola; rukuni ng'asheagaagu, ak geagoonyi gitoobiiwseey.

Yuuda 1:5

Asi ghamneawa geagasayi deapkeaneegwa, earapeadi sirukuneegwa muuchi nibwagi ak ea maygudu eebiikta, gideaba dea ghayi lealna buuneeda jeeda ng'eanyiida Misri, iimuchu ghwalas uhuudeaba fugiga mamwasaan.

Ditto 3:14

Ak eara fugaasa saawa gammiisa gideaba ghoanaal geat giibinda jeeda sinooda ng'asheega miyaas, ak gwasisin ng'asheega gasa ealamwach sinooda, ak ea mawoosa gea manda haghweega.

2 Dimoteo 2:14

Apkeasiina fugaagu ng'asheesu nea gireekusi aba madeeda ASEETA gideaba ghoabuut ng'asheega ng'alealeeda mwaloada gil nung' gwarooda fuga aleeysiit.

Ditto 1:16

Iissa gwarugu gideaba geanali ASEETA, nea iissa ghwashaang' aba sinaweega nyaawa, nea gwandeawa sicheeda, ak ea mandeawana mureeda, mamiisiina sinooda gadiyeeda miy.