Ditto 2:12 - Bibliyeeda Ghaydit

¹² ak ghoanaaleasa eeheawana ng'asheega maba diini ea geawunda gheang'da, mideawa gheadeenda, ea doobiiwnata, ea eaweega miyaasiin aba jeedeaba ng'eanyiini,

NEAJEEDA EESH BEA BUUNEESSEAN

¹² ak ghoanaaleasa eeheawana ng'asheega maba diini ea geawunda gheang'da, mideawa gheadeenda, ea doobiiwnatta, ea eaweeda miyaas sea Aseetta aba jeedeaba ng'eanyiini,

Ditto 2:12 Referans Kwoze

ESEKIELI 36:27

Ak gaydayiin gurooroodeanyu jeedeang'wa, ak gaydanung' aweelweelana jeeda deaweedajeegeasu, ak gajoong'waanya hamurajeegeasu.

Mattayo 16:24

Damandida gwayeesha Yesu giinealangaaschi, “Siida wassean iigasa gweadu geeshteanyu ea dafoola geaw ak ghwasar beehiidaanyi ak gweadu geeshteanyu.

Ruumi 6:19

Asi geabalooli nea gearukuteaydi siida, aba ng'arng'arandeang'wa bea gealaan. Aba gideaba ghayi noataydi sasanuukeagwa gwasin ririnnyeanda ea munyinda haw, asi ghamneawa oatawa sasanuukeagwa doobiiwnata ak geamiidu.

NYIIGHEEGA 4:3

Ak ghoanali gideaba NG'UTAMIIDA niloosa geaw fuga doobiiweadi, NG'UTAMIIDA gayghwayiiy iyeaguursi.

2 Betro 2:9

Asi Ng'utamiida ghwanal gichea gwalealdeayda fuga awali gheang'da ASEETA aba jeeda simsimda, nea ghwayiin fuga mii doobiiweadi ghoamuughu ghealooda ea ghwahita eaweeda girgweaksiinda,

1 Yohaana 2:6

siida eena gwanda jeedeaba niny gammiisa gideaba gayghabeada gidabeada niny.

2 Dimoteo 3:12

Huumwa gil siida wassean iigasa giibinda ea badita Gristo Yesu gayghwanyas sawanadeeda.

Giidaheechta 14:12

Hiji heeda mida giihang'ooyda fuga ghaydidi gil, nea fuga ang'waay digheanyeeka ASEETA gil ea masaweega Yesu.

Lukka 1:75

aba ghaydidanda ea doobiiwnata galeagasean aba madeadaanyi aba jeeda eaweagaasa sean.

1 Desaloniikke 4:7

Aba gideaba ASEETA maguurneasa eepiidana jeeda ririnnyeanda was ng'asheega munyas, gagasa eepiidana jeeda ghaydidanda.

Ditto 3:3

Aba gideaba ghayi aba mwadi geewooschi dasheahi, ak ea meendeawani mureeda ak geewooschi roodanga, ea giing'oonyanga aba miyeenooda muunda ng'eanyiida, nea geepiidi jeeda ng'asheega munyas, ea lajoodeaba ghuut, nea ghwasteagwa buuneeda nea goostayi geat agooga;

1 Desaloniikke 4:9

Aba iita bariinyeega orjooga giyeanya moogassi gideaba gaygang'oorneegwa sih, aba gideaba agooga ninaleagwa ASEETA bariinyeegeaba geat;

Efeeso 2:2

was gea ghayi oayaachi geeshta nea goomaseawji seareedida bea ng'eanyiidean, nea ghoayaachi geeshta sugoocheanda mideawa uurda humng'eeda, gurooroodida ghamneawa sin gadiyeeda aba jeeda orjooga fuga manda mureedean.

Ruumi 12:2

Adiidu goomaseawji giduurji ng'eanyiida, geaghus ghanyi eayameagwa ak geanung' ahuwa fuga eashish aba fughareengeagwa, ak abeeda ghoanali muuchi gidabwariiy ASEETA was ng'asheega miyaas, simwas biissa ea majeekcheewi.

Ruumi 6:12

Asi adagoombal riing'eeda sasanuukeagwa ammu gameewa, nea ghoamwaschi gidida gasean.

Mattayo 28:20

Oanaala ghoang'waay ng'asheega sean eagoonyeegwa. Ang'ula aniini geendeayi sea agooga galeega sean ea gagul muudeanooda ng'eanyiida.”

1 Yohaana 2:27

nea giimearda ghayi oanyaschi aba headaanyiin gwanda jeesingeagwa, ak ghanyea moogassi ghoanaaleagwa sih; aba gideaba giimeardida ghoanaaleagwa haleanjeeda sean, ak ea huumwa, ak ea manda ng'uyeega, gawuurji gidaghayi anaaldaneegwa, oopiidana jeadaanyi.

2 Betro 3:11

Hean iinukwa gajeataarda haleanjeeda sean, gammiisa gideaba gajawoosa fuga uurjiin aba jeeda eaweega ea ghaydidanda ea munyinda,

Ebraniya 8:11

Ea manda siida jea ghoanaal dea mideawa ghana giliwas sih ea orjeeda ghaamwat, nea gwayeesha, ‘Nala Ng'utamiida,’ aba gideaba gayghwanalan sean, ghang'eada dea mwanang'eawa saawa ea gagul dea haweewa sean.

1 Dimotteo 6:17

Fuga ghamneawa was meanang'oodiga aba badayda ng'eanyiida rukusiina gideaba adagagwara geat nea ghaghus meanang'oocheanduumeani jea gooshean, gagasa ghaghus ASEETA goona haleanjeeda sean saang'a, ak geegadiyeati aba hooseaneega.

1 Dimotteo 4:12

Adiidu gafool sih gheareemaneanduumeadaang'u, ak guwoosi siida jea eegala aba heeda fuga mideawa masaweega, aba jeeda baloolda ea giibinda sea bariinyeega ea masaweega ea alooheeda.

Golosaayi 1:22

ak ea niduupchi aba saseadaanyi niny aba miyeadaanyi, ak abeeda ghwanung' ahuwa fuga ghaydidi meerukunana badahuuka ng'asheega munyas aba madeadaanyi.

Galattiya 5:24

Fugiga was gea Yesu Gristohiin niingoorda saseeda ea ng'asheagaaschi munyas bwariiy nea gagasa.

Galattiya 1:4

nea gabeagu geaw aba riing'eegaasa ak gwalealnaneasa aba jeeda seaygeani bea ghamneawa munyasiin, gawuurji gidagasiida ASEETA was Ghweanda;

2 Goriinto 7:1

Iinukwa geandeawi heeleesiini fugeasu aabwariinyi, abeeda ghang'wana geehuunyi geat aba ririnyoojiga sean bea saseeda ea guroorooda nea geemajeekchi ghaydidanda aba gheawalmeeda ASEETA.

2 Goriinto 1:12

Aba gideaba aseasa geaghwari geat ng'asheanji, nea gidida muuwu fughareengaasaan gil ak ghoah gissibeadi aba jeeda ng'eanyiida, ak gabiissa ghwaraanya muuchi aba heedeang'wa, aba ghaydidanda ea badita ASEETA bea huumwa, nea mii aba weaghuumeeda ng'eanyiida gil geaghus aba dagheerjeanduumeeda ASEETA.

Ruumi 8:13

nea iyoopiideewi ng'asheega saseeda gajameewa, ama oopideewi Guroorooda abeeda ghoanung' gameewa gadiyoojiga saseeda ak abeeda gajanyasa eaweega.

Gadiyeeda Giijasoodiga 24:25

Damanda balool Bawlo ak ghwasat ng'asheega doobiiwnata ea gheadeenda ea iita girgweaksiinda jea ghwahidu, ghabeal Feliksi ak gwayeesha, “Nyoobiikta, iyaanyaschi gheata gicha gaydaguurneey.”

Gadiyeeda Giijasoodiga 24:16

Iissa aniini ghaanyaschi sawanadeeda galeagasean ak ghaanyaschi fughareeda miy aba heeda ASEETA ea heeda buuneeda.

1 Yohaana 5:19

Aseasa geanali gideaba geebeayi ASEETA, ak ng'eanyiisean goombal diita muyiin.

Efeeso 1:4

iidu nea ghwaloadeasa nea miyeebwat sindeeta ng'eanyiida, ak geewooschi ghaydidi nea geawooschi fuga meerukunana badahuuka ng'asheega munyas aba madeadaanyi.

Yohaana 14:30

Mayguteabaloolaneegwa gicha ng'asheega saang'a aba gideaba siida ahaaghwa ng'eanyiini gayghoan. Aba heedeanyu niny moamu gil;

Yohaana 6:25

Iidu nea geanyasa giigheawda basooda meatkweeda niirja geanyaash nea geeyeesha, “Rabi, gihidu eeju hiji?”

Lukka 1:6

Nea abeeda saawa ea doobiiweadi aba madeeda ASEETA, nea ghoang'waay muuchi diigheanyeeka sean ea huumeanyeeka Ng'utamiida nea meerukunana badahuuka ng'asheega munyas.

NYIIGHEEGA 105:45

Ak abeeda ghoang'waay diigheanyeekaaschi, nea gwasissa mureeda deaweedajeagaaschi. Eakghaambiida NG'UTAMIIDA!

Yuuda 1:18

nea gwayeeshiineegwa, “Eaweeda huuydean gaygwanda fuga inyeessa jea gwajuuga buuneeda, nea ghwaat geeshta gasooda ng'asheega nyaawa meawaleawana ASEETA.”

2 Dimoteo 4:10

Aba gideaba Dema ghabwariiy haleanjeeda muunda ng'eanyiida ak ghang'eat gwanung'usean heeda ak gawa Desalonike, ak Greske gawa ng'eanyiida Galatiya, nea Dito gawa ng'eanyiida Dalmatiya.

Mattayo 12:32

Amadu gicha siida jea gwarukuna ng'asheanda muy badayda Orjeeda Siida gajeesamsa, duuku siidida jea gwarugu ng'asheanda muy badayda Guroorooda Ghaydidiin, ea majeesamsa aba jeedeaba ng'eanyiini, ghana eara aba ng'eanyiita jea ghoahiiduunu.

1 Dimotteo 6:9

Ak fugiga gasa meanang'oocheanduumeedean gay ghwahita jeeda simsimda ea jeeda gadageeda ea jeeda ng'asheega munyas maba gil bea leendeeda nung' ghwahita buuneeda jeeda roodaweega.

Yakkobo 1:27

Diineeda miy manda ririnnyeanda aba madeeda ASEETA was Ghweandean nih gil: bareasiinda bananga gil ea masiinung'weega aba jeeda sawanaduutka nyaawa, nea gifuri geaw aba ng'asheega munyas bea muunda ng'eanyiida.