Ditto 2:11 - Bibliyeeda Ghaydit

¹¹ Aba gideaba dagheerjeanduumeeda ASEETA lealu buuneesean siitaajiit,

NEAJEEDA EESH BEA BUUNEESSEAN

¹¹ Aba gideaba dagheerjeandumeeda Aseetta lealu buuneessean sittaajiiti,

Ditto 2:11 Referans Kwoze

1 Dimotteo 2:4

nea gasa gideaba gay ghwalaalaan buuneeseaniin, ak ghwanal gidida was huumeandean.

Efeeso 2:8

Aba dagheerjeanduumeeda silealneegwa aba naweeda masaweega; ea masina milmilandeang'wa oosinyi, nih gagu ASEETA–

ISAYA 45:22

“Abiikni heedeanyu ak gajeelealneegwa, aba heeda oondi sean bea badayda ng'eanyiida! Aba gideaba aniini geawooschi ASEETA ak ea manda nuut.

Ebraniya 2:9

Iidu geedaayi Yesu, dea aba gheadi nuwaas geanung' ghamwanang'iit ea ghwalaabwa hoowa malaykajeega, nea siyiin uhuuda giigheambiita ea mureeda aba sawanadeeda ea miyeeda, ak abeeda aba dagheerjeanduumeeda ASEETA abeeda gwasamu miyeeda aba giliwas sih.

Efeeso 2:5

earapeadi ghayi simeewayi aba giidiinyeanyeekaasaan, iidu ghwanung' eeduutuuna sea Gristo, (aba dagheerjeanduumeeda silealneegwa),

2 Desaloniikke 2:16

Nea abeeda Ng'utamiideanya was Yesu Gristo niny, ea ASEETA was Ghweandeanya, ghayi bwariinyeasa ak gageandeawaneasa salgheang'da ea ghoah eaweega mamuudeana ea gidamiy sirarji aba jeeda dagheerjeanduumeeda,

Ruumi 5:15

Nea gidasiitayda ea mawuurji sea giidiinyeanda. Aba gideaba ghayi iimeewa fuga saang'a aba giidiinyeamba siyagi, ak ghwaraanya muuchi dagheerjeanduumeeda ASEETA ea gidasugu aba dagheerjeanduumeeda siida asagi was Yesu Gristo naawda aba badahuuka fuga saang'aan.

Yohaana 1:14

Ak iidu ghoah Ng'asheandida saseeda ak goobiida jeedeanya, niny ghwanyiit dagheerjeanduumeeda ea huumeanda ak ea sidaayi, giigheambiitaanyi, giigheambiita uurji dea Orjeeda was haghasheeda leabu heeda Bwaabwa.

ISAYA 52:10

NG'UTAMIIDA niidaajiit geatindaanyi ghaydit aba madeeda eemoojiga sean; ak gayghwadaah meadajeega sean bea ng'eanyiida lealeanooda ASEETEANYA.

NYIIGHEEGA 84:11

Aba gideaba NG'UTAMIIDA was ASEETA niny aseeteanya gil ea igeamboodeanya; niny gaygagu alooheeda ea mureeda. Manda gidamiy jea ghaweada NG'UTAMIIDA fuga beawa doobiiwnata.

Gadiyeeda Giijasoodiga 11:23

Hita hooweani ak ghwadaah dagheerjeanduumeeda ASEETA, gahoosan; ak gwayeesha fugiga oopiidana jeedeaba doobiiwnadi iteang'wean aba heeda Ng'utamiida nea ghwarjeang'da;

Gadiyeeda Giijasoodiga 20:24

Ak ea mwanung' ghoah eaweegeasu gil ghana danung' ghoah gidaghaloamwaat, geagasayi ghanyi daahiit gadiyeedeanyu aanyaschi aba heeda Ng'utamiida was Yesu, ak geamuuwu iita giijasta miy bea dagheerjeanduumeeda ASEETA.

Lukka 3:6

Ak gilinyoo ea sih gayghwadaah lealnooda ASEETA.”

1 Dimotteo 1:14

Ak ghaanyaschi muuchi dagheerjeanduumeeda Ng'utamiideanya, ea masaweega ea bariinyeega mida jeeda Gristo Yesu.

Ruumi 5:2

Nea aba badaydeaba niny ea sinyaschi naweeda dagheerjeanduumeeda ghamneawa simiinaadawiin, nea geehoosanyi aba rarooda giigheambiita ASEETA.

SAKARIYA 12:10

“Gaydaadaw fuga gheeh Dawdi, ea fuga mida Yerusalemu guroorooda dagheerjeanduumeeda ea dea mooshta ASEETA. Ak saawa inyeesa ghwadaah deaghayi bwar abeeda gaygoonyahuushi aba badayda jeaptaanyi ghus, ak gajeadaah sawanadeeda aba badaydaanyi. Gawuurji siida daah sawanadeeda aba badayda duweacheadaanyi.

NYIIGHEEGA 96:10

Ayeena aba jeeda eemoojiga, “NG'UTAMIIDA goombaliischi! Huumwa, ng'eanyiida siimajeek, ak ea majeamu easach; gaygoorgweaksa buuneeda nea ghoadoabiiw.”

Golosaayi 1:6

nea nihidu heedeang'wa, ea gidaguuleata ng'eanyiisean gil, ak gwaji haghweega ak gwaheedu gawuurji gidaheeteayda aba heedeang'wa, ghang'eada damanda ghayi oayiinyi ak ghoanali dagheerjeanduumeeda ASEETA bea huumwa,

Galattiya 2:21

Meagasi daheawa dagheerjeanduumeeda ASEETA; ak doobiiwnata iisinyasa naweeda deaweeda, asi Gristo ghami mwadaagha.

2 Goriinto 6:1

Nea aseasa iisisinyi gadiyeeda sea niny, hean geemuscheegwa gideaba adiidu ghoanyaschi dagheerjeanduumeeda ASEETA mwadaagha.

Gadiyeeda Giijasoodiga 13:47

Aba gideaba nih gidaghayi rukuneasa Ng'utamiida, nea gwayi, ‘Naanung' huwa weeshinda Eemoojiga, ak gihuuwi lealeanooda ea ghwahita muudeanooda ng'eanyiida.’”

Gadiyeeda Giijasoodiga 13:43

Iidu nea ghwadardaawa buuneeda girgweageeda gheeda siinealshacheewa, hean ghwaat geeshta geaba Bawlo ea Barnaba fuga saang'a bea Yahudi ea fuga eemoojiga suuk ghayi weay diineeda Yahudi, hean goobaloola saawa gideaba aweayeena mwadi aba jeeda dagheerjeanduumeeda ASEETA.

Yohaana 1:9

Nih weeshinda huumwa gil hidu jeeda ng'eanyiida ak ghoabwaay giliwas sih.

Lukka 24:47

ea gideaba duukuunooda ea samsiinda riing'eega gajeerukwiida aba gheawungaaschi, aba jeeda eemoojiga sean, ghang'eada Yerusalemu.

Marko 16:15

Hean gabiissa gwayeesha, “Aweayeena ng'eanyiisean ak goorukwiidi Giijasta Miy aba heeda buuneassean.

Mattayo 28:19

Asi aweayeena ak ghoanung' ghoah eemoojiga sean giinealanga, nea goobaatiisanyi saawa aba gheawunga ASEETA was Bwaabwa, ea gea Orjeeda, ea gea Guroorooda Ghaydit.

SAKARIYA 4:7

Giijeeni hawiin gilba naaha gil aba heeda, Serubabeli? Gayhuuwa ng'eanyiida awiida, ak gaygweadu lagheaneeda jea eayiin uhuuda ak goojuur buuneeda nea gwayi, ‘Aamiy, aamiy muuchi.’”

ISAYA 49:6

hean ak gwayi: “Ng'asheanda mwanang' muuchi gil gideaba gayhuuwa siideanyu bea gadiyeeda, ak giidiing'u eemeeda Yakobo, nea giighuumu fuga Israeli ghayi was boosteanga; ak gaydanung' huwa gheaboong'nyeanda eemoojiga ak gayhuuwa lealnoocheandeanyu ea ghwahita muudeanooda ng'eanyiida.”

Ebraniya 12:15

Ang'ula adaghanyi siisi mwanyasa dagheerjeanduumeeda ASEETA; ak ea manda “hawunyeanda ng'weaninda” ama ridu gweadu jaliida, nea aba nih ghang'ut fuga saang'a ririnnyeanda;

2 Dimoteo 4:17

Ak ea nimiinaadawa Ng'utamiida meatkweedeanyu ak gagoonan uurda aba gideaba gagasa niny darukwiida giijasta miy, ea ghwayiiy eemoojiga sean, ak ghaalaalaani ghuuta ng'adiida.

Golosaayi 1:23

Asi iyoopiidi jeeda masaweega, ak ghoamiinaadi nea noahang'waanyiichi, nea meayameegwa aba heeda giijasta miy oayiinyi, ghayi sirukwiisa haleanjeeda sean mida hiing'eadayda humng'eeda, nea aniini Bawlo geawooschi siidaanyi bea gadiyeeda.

Ruumi 10:18

Ak ghanayaashti gicha, neada saawa ea mii ghwayiiy? Huumwa gil niyiiy; “Ghuusiga nyaawa nighayda aba ng'eanyiisean, nea ng'asheega nyaawa ea nihita muudeanooda ng'eanyiida.”

NYIIGHEEGA 67:2

ak geanal naweadaanyi aba jeeda ng'eanyiida, ea lealeanoadaanyi aba bugusta eemoojiga sean.

Gadiyeeda Giijasoodiga 17:30

Damanda leendeeda ninaawa geaw ASEETA, ak ghamneawa gwarukusa buuneeda gideaba aduukuunana riing'eegeagwa,

2 Dimoteo 1:10

Ak ghamneawa dagheerjeanduumeani geataajiit aba hinnooda lealnoocheandeanya was Gristo Yesu Niny nijoar miyeeda, ak ghwadaajiit eaweega mayghwadatasa aba giijasta miy,