Ditto 1:6 - Bibliyeeda Ghaydit

⁶ Iideepa siida ea miyeerukuna badayda ng'asheega munyas nea siyeeda gatmooda asagi gil, nea diibigaaschi gwandeawa masaweega miyeergweaksiina deambiilaneanduumeeda ghana nyoota mureeda.

NEAJEEDA EESH BEA BUUNEESSEAN

⁶ Iideappa siida ea miyeerukuna badayda ng'asheega munyas nea siyeeda gatmoodassagi gil, nea diibigaaschi gwandeawa masaweega miyeergweaksiina deambilaneandumeeda ghana nyootta mureeda.

Ditto 1:6 Referans Kwoze

1 Dimotteo 3:12

Weedanga Ganiisa gammiisa gideaba gaygaba ng'eedeeni bea gatmoanagi, nea ghoanaal muuchi diibiga nyaawa naweeda miy, ak ghoomu goobal gealga nyaawa.

Ditto 1:10

Aba gideaba gwanda fuga saang'a manda mureeda, mideawa ng'asheega mwaloada gil, nea gwareengani buuneeda, nea ghwaraanya giika siyaat ghasmeahoodean,

Efeeso 5:18

Asi adooboogidayi aba difaayeeda jea gahuteaweegwa; ghang'wana geenyiideegwa Guroorooda Ghaydit.

ESEKIELI 44:22

Ashoohoocheanda wassean adaghaghi gatmooda was masinung'weanda, ghana gatmooda sinung'. Gayghaghi huda miyeegeanu bea fuga Israeli, ghana gatmooda nimi siyeadaanyi was ashoohoocheanda.

NG'ASHEEGA LAWI 21:7

Ak ea mayghaghi gatmooda hiseada ghana gatmooda sibwara ririnnyeanda; ak ea mayghaghi gatmooda sinung' heeli siyeadaanyi; aba gideaba ashoohoocheanda ea ghaydit aba heeda ASEATAANYI.

1 Desaloniikke 5:14

Ak geemuscheegwa, fuga eaduupcheewi, oowoowsiina gheanyanga fuga ghaleehooda, oomajeega fuga giyoonyi, aweada fuga ng'arng'ari, ak gimilikghti sea buuneesean.

Lukka 1:5

Damanda waseewa Herode sugoocheanda Yudeya, abeeda gwanda ashoohoocheanji siguura Sakariya, bea gharmucheanda Abiya, nea gwandeawa gatmoadaanyi bea haweega Haruni, nea gheawungaaschi geeguura Elisabeti.

GHWASIILDEANGA 28:7

Orjeeda ang'waay deaweeda weaghoocheanda gil, nea dea duupchi fuga beeshkweeda gayghoabwaaspwaas ghwaan.

1 SAMWELI 2:22

Iimuchu ea niwaasiit Eli muuchi, ak ghwayiiy ng'asheega sean sissa orjoagaaschi fuga sean bea Israeli, ea gida iissa gwaluudayeata sea gadeemga gadiydooschi aba ghuuta maheemajeanda siroondooscheesa.

1 SAMWELI 2:11

Ng'ata gabiikta Elikana ghoah aba Rama. Nea orjeeda gagadiiyeesa NG'UTAMIIDA, aba madeeda Eli was ashoohoocheanda.

NG'ASHEEGA LAWI 21:14

Ada ea masiinung'weanda gil, ghana ea dea sinung'wi, ghana ea gatmooda sibwara ririnnyeanda, ghana ea dea hiseada, suh mayghaghi; geaghus ghaghi gatmooda miyeasat bea jeeda fugaaschi,

GIING'EETA 18:19

Manda, aba gideaba naaloachi niny, ak abeeda ghoamu gwareekusa diibigaaschi sea fugeaba gheanyi ghoang'waay ng'asheega NG'UTAMIIDA ak geasinyi ng'asheega doobiiweadi ea gea hit; ak abeeda ghoadaw NG'UTAMIIDA Abrahamu gidaheeleesa.”

MALAKI 2:15

Neada ea masineegwa ASEETA ahuwa siyagi ak gagooneasa guroorooda ea eaweega? Ak gabaysiina naaha niny? Gagasa ahuwa haleanjeeda ASEETA bea ghadooweeda. Asi ashageada, adagwanda siida masisiina mureeda gatmooda gheareemaneanduumeadaanyi.

1 Dimotteo 1:9

gagasa eanala ng'asheanji gideaba deaweeda mamiisiina siida doabiiwaat, gammiisa fuga munyas, ea gea mwaada geeshta deaweeda, ea fuga mamwasa ASEETA, ea fuga riing'eega, ea gea sina ng'asheega munyas, ea fuga mabata ASEETA, ea fuga bara ghweaniga nyaawa, ea inyeessa bara gheamadiga nyaawa, ea fuga nuusa buuneeda,