DANIELI 9:15 - Bibliyeeda Ghaydit

¹⁵ Asi ghamneawa, Ea NG'UTAMIIDA was ASEETEANYA, ghayi iiruuni fugaagu jeeda ng'eanyiida Misri aba geatinda mideawa uurda, ak ea nisisi geaw gheawunga, gawuurji gideaba ghamneawa, sisinyi riing'eeda, ak ea sisinyi gea munyas.

DANIELI 9:15 Referans Kwoze

NEHEMIYA 9:10

ak giihiimu gwadeagwajeega ea ng'asheega deamdeameadi; aba badayda Farao ea fugaaschi sean bea gadiyeeda, ea badayda fugaaschi sean bea ng'eanyiidaanyi, aba gideaba ginali gideaba geesin aba badayda ghweanigaasa; ak ginyaksi geaw gheawunga aba giduurjeata ghamneawa.

DANIELI 9:5

aseasa sisinyi riing'eeda ak ea siitiinyi ak ea sifooli ng'asheega irukuneasa, ak ea sinung'usi heeda diigheanyeakaagu ea deaweedajeagaagu;

NEHEMIYA 1:10

Fiisu fugaagu bea gadiyeeda gil, ak ea fugaagu gil ghayi ilealu aba uurdaang'u hawi ea aba geatindaang'u hoauur.

RITEAYDA 32:11

Hean gamearmearani Musa NG'UTAMIIDA was ASEATAANYI nea gwayeesha, “Ea NG'UTAMIIDA, ghwasaan anda nyarastaang'u ghwayeat aba badayda fugaagu, ghayi iiruuni ng'eanyiida Misri aba giimuustaang'u haw ea geatinda mideawa uurda?

RITEAYDA 14:18

Ak gayghwanal fuga Misri gideaba aniini geawooschi NG'UTAMIIDA, iyaanyaschi giigheambiita aba heeda Farao, ea aba heeda mutukwajeagaaschi, ea aba heeda fuga faraasajeega.”

RITEAYDA 6:1

Ghwalamda NG'UTAMIIDA ak gwayeesha Musa, “Asi ghamneawa gaydaaha gichea dahinda Farao, aba geatinda mideawa uurda gaygooruuta saawa jarooda, ak aba geatinda mideawa uurda gayghahoana saawa ng'eanyiidaanyi.”

2 Goriinto 1:10

niny ghoaghuuhaneasa jeeda washta haw bea miyeeda, ak gaygabiikta ghoaghuuheasa; nea aseasa ea sirarji niny gideaba gaygabiikta ghoaghuuheasa.

Lukka 18:13

Hean ghamiinaada siidida ang'oonyi gwaadiin nea dildeaweat nea eara gheanyangaaschi ea meageala humng'eeda, gagiisan nea gwayi, ‘ASEETA, bwaydanaan aniini geabea riing'a!’

Lukka 15:21

Hean gwayeesha Orjeedida niny, ‘Bwaabwa aniini neadiiysi humng'eeda ea madeadaang'u, mamiisean gideaba gajeeguureewean orjeedang'u.’

YEREMIYA 32:10

Ak ghaang'udi mooneeda barawajeandida bea sheayeedean nea gearoorji nea geaguursi mushoodiga ak geadeanyi lapiyeadaanyi aba gidida siiteeniidean.

ISAYA 55:13

Ak heeda gwachi jea gwarina halaghweenga gwarina hoonyaweanda; nea heeda gwachi jea gwarina ng'eamga gwarina mareambiida; Ng'asheanji gayghoah gichea ghwanyasta NG'UTAMIIDA gheawunga, ak gayghoah gwadeagooda manda muudeanooda nea majeejakta.”

NYIIGHEEGA 106:8

Ng'ata gwalealu saawa aba gheawungaaschi, ak abeeda ghwanung' eanal uurdaanyi haw.

1 SUGOODIGA 8:51

(aba gideaba suh fugaagu gil, ea fuga jea gwahearanyi, ghayi iiruuni ng'eanyiida Misri, jeeda duwayda gharinyeanda).

RITEAYDA 9:16

iidu aba ng'asheanji ghoah gideagooni eaweega ak ghaahiimneegwa uurdeanyu, ak abeeda geerukwiida gheawungeasu aba badayda ng'eanyiisean

RITEAYDA 6:6

Eeshiina fuga Israeli, ‘Aniini geawooschi NG'UTAMIIDA, ak gaydearuuteawaneegwa jeeda sareeni bea fuga Misriin, ak gaydearuuteawaneey jeedeaba gadiyeeni hang'waay iisini bea fuga Misrihiin, ak gaydalealneegwa aba jeeda soomjeandumeeda nyaawa, ak gaydalealneegwa aba geatinda doabiiwaat ea biissa girgweaksinda haw,

GIIPKEATA DIIGHEANDA 5:15

Eaweecheanji bea fuufteani gaygoopkeaneegwa gideaba ang'iing'i gajapkaada gideaba ghayi guwoosi soomjeanda aba ng'eanyiida Misri, ak gooruuneegwa NG'UTAMIIDA was ASEETA aba geatingaaschi hoauur, ghoah gidearukuneegwa gideaba asisiina mureeda eaweeda sabaato.

RITEAYDA 13:3

Ghwalamda Musa ak gwayeesha buuneeda, “Oapkaada eaweeda ghayi ooriteawi aba ng'eanyiida Misri aba gheeda soomjeandumeeda, gooruunaneegwa NG'UTAMIIDA hoowa aba uurdaanyi haw, ak ea adoayaaji mukaateeyda simwatawiit.

RITEAYDA 13:9

Ak gayghoah gwadeagooda aba geatindaang'u, nea ghoah giipkeata aba gheanyangaagu, nea gwanda ghuutaang'u deaweedeeda NG'UTAMIIDA aba gideaba gooruunaneey NG'UTAMIIDA ng'eanyiida Misri aba geatinda mideawa uurda.

RITEAYDA 13:14

Ak inyas ghwahidu damanda ak ghoanyaashnyi orjeedang'u gideaba, ‘Gili gideabeadaanyi naaha?’ Gajeeshiina niny, ‘nih geebaysiina gideaba gooruuneasa NG'UTAMIIDA aba geatinda uurdaanyi aba gheeda soomjeandumeeda aba ng'eanyiida Misri.

RITEAYDA 13:16

Ak ng'asheanji gayghoah gwadeagooda aba geatindaang'u, ak giyiini dageascheeda gheanyangaagu, NG'UTAMIIDA gooruunaneasa ng'eanyiida Misri aba uurdaanyi.”

2 SUGOODIGA 21:15

Aba gideaba nisin gea munyas aba madeedeanyu nea ghoanyareasan, ghang'eada damanda ghayi rinna ghweaniga nyaawa ng'eanyiida Misri ea ghoah ghamneawa.”

2 DAMANYOOJIGA 6:37

ak inyas gayghoapkaat aba ng'eanyiida ghayi siipaleaksa, ak gwaduukuuna, ak ghamoashnyi aba jeeda ng'eanyiida ghayi siipaleaksa, ak gwayi, ‘Aseasa sisinyi riing'eeda, siramwaschi, sisinyi gida muy’;

NEHEMIYA 1:6

aleaydiit, ak ginung' ghwajaada gheanyangaagu ak giileeysiit gidamwaash siidaang'u bea gadiyeeda ghamneawa aamoashchi aba madeadaang'u askweari ea eawa aba badayda fuga Israeli was fugaagu bea gadiyeeda, geaduukuuni aba badayda riing'eeda fuga Israeli, ghayi sisinyi aba badaydaang'u. Aniini ea gheeda ghweanigeasu siitiinyi.

ISAYA 64:4

Ghang'eada garayi manda siida nidaah, nea miighwayiiy aba iidigaaschi manda siida nidaah ASEETA uurjeeweey, sina ng'asheega aba badayda giika ghus ninyiin.

YEREMIYA 14:20

Ea NG'UTAMIIDA, geamwaschi munyasnacheakaasa ea ramaseanyeeka ghweanigaasa, aba gideaba sisinneey riing'eeda.

HEAREEGA 3:42

“Aseasa siitiinyi nea geaheawaneey, ak ang'iing'i ea mii samseasa.

ESEKIELI 5:6

Ak ea niheawa deaweedajeegeasu, nea gwasin ng'asheega munyas ea ghwanaawa eemoojisu, ak saawa ghaheawa huumeanyeeka ea ghwanaawa darooraksu neaweesean. Aba gideaba niheawa deaweedajeegeasu, nea mwaada geeshta huumeanyeekeasu.